حابارلاسقان ازاماتتاردىڭ وتىنىشتەرى الەۋمەتتىك سالاعا قاتىستى, تۇرمىستىق سىبايلاس جەمقورلىقتىڭ جولىن كەسۋگە مۇمكىندىك بەرەدى.
تەك اعىمداعى جىلى وسىنداي وتىنىشتەر بويىنشا 56 سوتقا دەيىنگى تەرگەۋ باستالىپ, 18-ءى سوتقا جىبەرىلدى.
قىلمىستار تۋرالى ۋاقتىلى حابارلاۋ, شۇعىل شارالار قابىلداۋ ولاردىڭ جاسالۋىنىڭ جولىن كەسۋگە جانە جازادان بۇلتارتپاۋعا مۇمكىندىك بەرەدى.
اعىمداعى جىلدىڭ قىركۇيەك ايىندا الماتى قالاسىندا № 98 جالپى ءبىلىم بەرەتىن مەكتەپتىڭ ديرەكتورى نايزابەكوۆا وقۋشىنى اۋىستىرعانى ءۇشىن 50 مىڭ تەڭگە كولەمىندە پارا العانى اشكەرەلەناپ, ناتيجەسىندە ول مەملەكەتتىك قىزمەتتە لاۋازىم يەلەنۋ قۇقىعىنان ءومىر بويىنا ايىرا وتىرىپ, 1 ملن 250 مىڭ تەڭگە كولەمىندە ايىپپۇل سالىندى.
وسى ايماقتا اعىمداعى جىلدىڭ 5 قاراشاسىندا المالى اۋدانىنىڭ № 2 اۋداندىق سوتىنىڭ ۇكىمىمەن قالالىق مسقب باس مامانى ب. ب. بولاتاەۆ 400 مىڭ تەڭگە پارا الۋعا وقتالعانى ءۇشىن كىنالى دەپ تانىلدى. شەنەۋنىك مەملەكەتتىك قىزمەتتە لاۋازىم اتقارۋ قۇقىعىنان ءومىر بويىنا ايىرىلىپ, 9 ملن تەڭگە كولەمىندە ايىپپۇل سالىندى.
اعىمداعى جىلدىڭ 19 جەلتوقسانىندا اتىراۋ قالاسىنىڭ № 2 سوتىنىڭ ۇكىمىمەن قالالىق ءىىب اكىمشىلىك پوليتسيا ءبولىمىنىڭ اعا ينسپەكتورى د. قالباەۆ ازاماتتان اكىمشىلىك جاۋاپكەرشىلىككە تارتپاعانى ءۇشىن 40 مىڭ تەڭگە كولەمىندە پارا العانى ءۇشىن كىنالى دەپ تانىلدى. پوليتسيا قىزمەتكەرىنە 1 ملن 200 مىڭ تەڭگە كولەمىندە ايىپپۇل سالىنىپ, مەملەكەتتىك قىزمەتتە جانە ارنايى قىزمەتتە جۇمىس اتقارۋ قۇقىعىنان ءومىر بويى ايىرىلىپ, پوليتسيا اعا لەيتەنانتى ارنايى شەنىنەن ايىرىلدى.
تۇركىستان وبلىسىنداعى بىرقاتار قىلمىستىق ىستەر بويىنشا, اتاپ وتسەك, جەتىساي اۋدانىنىڭ ءبىر ورتا مەكتەبىنىڭ ديرەكتورىنا – اعىلشىن ءتىلى ءپانىنىڭ مۇعالىمى جۇمىسقا ورنالاسقانى ءۇشىن ازاماتتان 100 مىڭ تەڭگە پارا الدى دەگەن كۇدىككە, سايرام اۋدانىنىڭ جۇمىسپەن قامتۋ جانە الەۋمەتتىك باعدارلامالار ءبولىمىنىڭ باس مامانىنا كوپبالالىق بويىنشا جاردەماقى اۋدارعانى ءۇشىن پارا الۋىنا قاتىستى تەرگەۋلەر جالعاسۋدا.
سىبايلاس جەمقورلىققا قارسى قىزمەتتىڭ 1424 Call-ورتالىعى ازاماتتاردى سىبايلاس جەمقورلىققا قارسى ساياساتتى جەتىلدىرۋگە بەلسەندى قاتىسۋعا, ۇسىنىستار مەن ۇسىنىمدار ەنگىزۋگە, سىبايلاس جەمقورلىق فاكتىلەرى تۋرالى جەدەل حابارلاۋعا شاقىرادى. 1424 ءنومىرى ۇيالى تەلەفوننان دا, قالالىق تەلەفوننان دا قولجەتىمدى, قوڭىراۋ شالۋ تەگىن.
