رۋحانيات • 17 جەلتوقسان، 2019

الماتىدا ولەگ بەليالوۆتىڭ «قارقارالى» دەرەكتى ءفيلمىنىڭ تۇساۋكەسەرى ءوتتى

15 رەتكورسەتىلدى

جالپىۇلتتىق ءپاتريوتيزمنىڭ ناعىز وزەگىنە اينالعان «رۋحاني جاڭعىرۋ» باعدارلاماسى اياسىنداعى «تۋعان جەر» تارماعى مىڭداعان يگى ءىستىڭ مۇرىندىعى بولدى. تۋعان جەر مەن ەلگە سۇيىسپەنشىلىكتى وياتاتىن كوركەم دۇنيەلەردىڭ كوشى تولاسسىز تۇساۋىن كەسىپ جاتىر. سونىڭ ءبىرى الماتى قالاسىنداعى ۇلتتىق كىتاپحانانىڭ كينوزالىندا وتكەن رەجيسسەر ولەگ بەليالوۆتىڭ «قارقارالى» ءفيلمىنىڭ تۇساۋكەسەرى. «قازاقستاننىڭ تابيعاتى» تسيكلى بويىنشا تۇسىرىلگەن بۇل تۋىندىنىڭ كورسەتىلىمىندە بوس ورىندار بولمادى. دەرەكتى ءفيلمدى قر مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» كينوستۋدياسى تۇسىرگەن.

ولەگ بەليالوۆتىڭ جاڭا تۋىندىسى ورتالىق قازاقستاننىڭ ەڭ كورىكتى جەرلەرىنىڭ ءبىرى – قارقارالى ۇلتتىق ساياباعى تۋرالى باياندايدى. بۇل فيلم

كورەرمەندەرگە قۇپياسىن بۇگىپ جاتقان قارقارالىنىڭ  عاجايىپ تابيعاتىن اشىپ، ۇلتتىق ساياباقتا مەكەندەيتىن جابايى جانۋارلار مەن قۇستار تۋرالى كوپ ماعلۇمات بەرەدى. كارتينانىڭ رەجيسسەرى ارقانىڭ حاس سۇلۋى – قارقارالى ساياباعىن جىلدىڭ ءتورت ماۋسىمىندا تۇسىرگەنىن ايتا كەتكەن ءجون. 

كورسەتىلىمنەن كەيىن ءفيلمنىڭ شىعارماشىلىق توبى ءتۇسىرىلىم بارىسىنداعى ەرەكشەلىكتەرىمەن ءبولىستى. رەجيسسەر ولەگ بەليالوۆ كارتينانى جاساۋعا قاتىسقان ءتۇسىرىلىم توبىنا العىسىن ايتتى. تۇساۋكەسەرگە «قازاقفيلمنىڭ» پرەزيدەنتى، قازاقستاننىڭ ەڭبەك سىڭىرگەن قايراتكەرى ارمان اسەنوۆ جانە ءوزى باسشىلىق ەتكەن جىلدارى كينوستۋديادا دوكۋمەنتاليستيكانىڭ مىقتى مەكتەبىن قالاپ، «قازاقستاننىڭ تابيعاتى» تسيكلى بويىنشا فيلمدەردى ءتۇسىرۋدى قولعا العان اۆتورلاردىڭ ءبىرى، اقىن باقىت قايىربەكوۆ قاتىستى. 

ءفيلمنىڭ ءتۇسىرۋ توبىن ونىڭ پرەمەراسىمەن قۇتتىقتاعان ارمان اسەنوۆ بۇگىنگى كۇنى دە ش.ايمانوۆ اتىنداعى «قازاقفيلم» كينوستۋدياسىندا دەرەكتى فيلمدەرگە ۇلكەن كوڭىل بولىنەتىنىن ايتتى.

«دوكۋمەنتاليستيكا – كينو ونەرىندەگى ەڭ كۇردەلى جانر. بەلگىلى ءبىر كورىنىستى ءتۇسىرىپ الۋ ءۇشىن وتە كوپ ۋاقىت جۇمسالادى. ال كوركەم فيلمدە ءبارى باسقاشا، كەرەك كادردى الدىن الا قويىپ، اكتەرلەرگە تاپسىرما بەرەسىڭ دە، تۇسىرە بەرەسىڭ. دەرەكتى كينو – بۇل ۇلكەن جۇمىس»، - دەدى ارمان اسەنوۆ.

الماتى

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار