رۋحانيات • 16 جەلتوقسان, 2019

شىعارمالارى كلاسسيكاعا اينالعان گۇلفايرۋس ىسمايلوۆانىڭ تۋعانىنا – 90 جىل

780 رەت
كورسەتىلدى
1 مين
وقۋ ءۇشىن

جەلتوقسان ايىنىڭ 15-ءى كۇنى تۋعانىنا 90 جىل تولعان گۇلفايرۋس ىسمايلوۆانى ەسكە العاندا سۋرەتشىنىڭ تەڭدەسسىز تۋىندىلارى مەن قازاق ونەرىنە سالىپ كەتكەن سونى سوقپاعىنا ءبىر ۇڭىلمەي بايىز تاپپايتىنىمىز انىق.

شىعارمالارى كلاسسيكاعا اينالعان گۇلفايرۋس ىسمايلوۆانىڭ  تۋعانىنا – 90 جىل

جانارىنا تازالىق پەن شىنايىلىق تۇنعان ەرەكشە تالانت يەسىنىڭ ءومىرى تەاترمەن تىلەكەي بايلانىستا ءورىلدى. قازاق قىزىنىڭ تەرەڭ پسيحولوگيالىق كەلبەتىن سومداۋدا «بوتاگوز» فيلمىندەگى ءرولى, «قىز جىبەكتىڭ» اناسىنىڭ ءرولىن سومداۋى, ت.ب. رولدەرى سۋرەتشىنىڭ كينوەكرانداعى وبرازىن اشىپ بەرسە, قازاق كينوسىنىڭ تاريحىندا العاشقى رەت تۇرمىسقا قاجەتتى بۇيىمداردى, كوستيۋمدەر, اسكەري قۇرالداردان تۇراتىن 1500-نان استام ەسكيزدەرى ۇلتتىق قۇندىلىقتار قورىنا ەنگەن عاجايىپ تۋىندىلار.

سۋرەت

فيلولوگيا عىلىمىنىڭ دوكتورى  گۇلميرا شالاباەۆا  «قازاقستاننىڭ ۇلتتىق قۇندىلىقتارى» سەرياسىمەن 2016 جىلى قازاقستان باسپاگەرلەرى (ايپك) شىعارعان (بەزەندىرۋشىسى شايزادا بايكەنوۆا) «سۋرەتشىلەر اۋلەتى: ەۆگەني سيدوركين, گۇلفايرۋس ىسمايلوۆا, ۆاديم سيدوركين» فوتوالبومىندا سۋرەتشى شىعارماشىلىعى تۋرالى «ەسكيزدەرىنەن ايقىندىلىق, ناقتىلىق, وبراز يدەياسى مەن ويىن جەتكىزۋ ماقساتىندا بارىنشا دالدىك پەن كوركەمدىككە تالپىنىس بايقالادى. ونىڭ تەاترداعى ەسكيزدەرى دايىن شىعارمانىڭ ارقاۋىنا, ال تەاتر كوپتەگەن جىلدار بويى ونىڭ شىعارماشىلىعىنىڭ كۇرەتامىرىنا اينالدى. ءوز زامانداستارىنىڭ رۋحاني ءومىرىن عانا قالىپتاستىرۋعا ەمەس, ولاردىڭ وي-ورىسىنە ءوزىنىڭ دارالىعىمەن, الەمگە دەگەن ەرەكشە سەزىمى, كوڭىل-كۇيى ارقىلى بەلسەندى ىقپال ەتتى. ول كەسكىندەمە ارقىلى ايەلدىڭ, گۇلدەردىڭ, كۇن ساۋلەسىنىڭ, تىپتەن ءومىردىڭ ءوزىن جاڭاشا تانىعانداي اسەر بەرەتىن» دەپ سيپاتتايدى.  

بۇگىندە گۇلفايرۋس ىسمايىلوۆانىڭ رۋحاني مول مۇراسى قازاقستان مادەنيەتىنىڭ, قازاق كەسكىندەمەسىنىڭ كلاسسيكاسىنا اينالدى.

 الماتى

سوڭعى جاڭالىقتار