«تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى» زاڭ جوباسىنىڭ ماقساتى - تاريحي-مادەني مۇرا وبەكتىلەرىن قورعاۋ جانە پايدالانۋ, عىلىمي-قالپىنا كەلتىرۋ جانە ارحەولوگيالىق قىزمەت سالاسىنداعى قاتىناستاردى كەشەندى رەتتەۋدىڭ ءتيىمدى قۇقىقتىق نەگىزىن قالىپتاستىرۋ.
زاڭ جوباسى تاريحي-مادەني مۇرا وبەكتىلەرىن قورعاۋ, زەرتتەۋ, ساقتاۋ, پايدالانۋ جانە كەڭىنەن تانىمال ەتۋ سالاسىنداعى قوعامدىق قاتىناستاردى مەملەكەتتىك رەتتەۋ جۇيەسىن قۇرۋدى, تاريح جانە مادەنيەت وبەكتىلەرىن انىقتاۋ, ەسەپكە الۋ, تاريحي-مادەني ساراپتاما وتكىزۋدى كوزدەيدى.
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە تاريحي-مادەني مۇرا ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى» زاڭ جوباسى تاريحي-مادەني مۇرا وبەكتىلەرىن قورعاۋ جانە پايدالانۋ سالاسىنداعى زاڭنامانى جەتىلدىرۋدى كوزدەيدى.
قۇجات بىرقاتار زاڭنامالىق اكتىگە وزگەرىستەر مەن تولىقتىرۋ ەنگىزەدى.
كوميتەت توراعاسى مۇرات باقتيار ۇلى تۇركىستان وبلىسى مەن سىرتقى ءتۋريزمنىڭ دامۋىنا جاڭا قارقىن بەرەتىن سىعاناق, وتىرار جانە ساۋران تاريحي قالالارىن قالپىنا كەلتىرۋ جۇمىستارىن قولعا الۋ تۋرالى ۇسىنىس ايتتى.
مادەنيەت جانە سپورت ءمينيسترىنىڭ ورىنباسارى نۇرعيسا داۋەشوۆتىڭ ايتۋىنشا, سىعاناق قالاسىن قالپىنا كەلتىرۋ جۇمىستارىن جۇزەگە اسىرۋ 2020 جىلعا جوسپارلانىپ وتىر.
سەناتور دينار نوكەتاەۆا ءوز سوزىندە «تاريحي-مادەني مۇرانى ساقتاۋ – ۇلتتىڭ سايكەستەندىرۋ كودى» دەپ اتاپ ءوتتى. دەپۋتات سونداي-اق اتالعان زاڭ جوباسىندا 25 مىڭعا جۋىق تاريحي-مادەني وبەكتىلەردى, سونىڭ ىشىندە 11 مىڭنان استام جەرگىلىكتى, 248 رەسپۋبليكالىق ماڭىزى بار تاريحي جانە مادەني ەسكەرتكىشتەردىڭ ساقتالۋىن قامتاماسىز ەتۋدىڭ جاڭا تالاپتارى مەن تەتىكتەرى ۇسىنىلاتىنىن ايتتى.
زاڭ جوبالارى پالاتا قاراۋىنا بەرىلدى.
