بۇگىنگى كۇندە 43 755 سالىق تولەۋشى سالىق راقىمشىلىعىمەن قولداندى, بەرەشەكتى بارلىعى 15,3 ملرد تەڭگە سوماسىنا تولەگەن, ولارعا 5,2 ملرد تەڭگە ءوسىمپۇل جانە 0,3 ملرد تەڭگە ايىپپۇل سوماسى ەسەپتەن شىعارىلعان.
سونىمەن قاتار قارجى ءمينيسترىنىڭ 2019 جىلعى 6 تامىزداعى № 829 بۇيرىعىمەن قارجى ءمينيسترىنىڭ 2018 جىلعى 27 اقپانداعى № 306 بۇيرىعىمەن بەكىتىلگەن جەكە شوتتاردى جۇرگىزۋ قاعيدالارىنا قوسىمشالار ەنگىزىلگەنىن اتاپ وتەمىز, وسىعان سايكەس سالىقتىق راقىمشىلىق سونداي-اق سالىق تەكسەرۋ ناتيجەسىندە سالىق جانە باسقا دا مىندەتتى تولەمدەر 2018 جىلعى 1 قازانعا دەيىنگى سالىق مەرزىمىنە ەسەپتەلگەن, بىراق تەكسەرۋ ناتيجەلەرى تۋرالى حابارلامانى شاعىمداۋعا نەمەسە تەكسەرۋ ناتيجەلەرى تۋرالى حابارلامانى ورىنداۋ مەرزىمى كەلمەۋىنە سايكەس 2018 جىلعى 1 قازانداعى جاعداي بويىنشا بەرەشەك جوق بولعان سالىق تولەۋشىلەرگە جۇرگىزىلەتىنىن ەسكەرتەمىز.
بۇدان باسقا, جەكە شوتتاردى جۇرگىزۋ قاعيدالارىنا قوسىمشالار ەنگىزۋگە سايكەس سالىق راقىمشىلىعى 2018 جىلعى 1 قازاننان كەيىنگى كەزەڭدە 2018 جىلعى 1 قازانعا دەيىنگى سالىقتىق كەزەڭىنە قوسىمشا سالىقتىق ەسەپتى تاپسىرعان سالىق تولەۋشىلەرگە جۇرگىزىلەدى.
بۇل رەتتە سالىقتىق ەسەپ بويىنشا ايىپپۇل سوماسىن ەسەپتەن شىعارۋ تەك ونى 2019 جىلعى 1 شىلدەگە دەيىن تولەمەگەن جاعدايدا جۇرگىزىلەدى, وندا ۋاقىتىندا تولەنگەن ايىپپۇل سوماسى راقىمشىلىققا جاتپايدى.
سونداي-اق اعىمداعى جىلدىڭ تامىز ايىنان جەكە تۇلعالارعا ارنالعان سالىقتىق راقىمشىلىق باستالدى.
سالىقتىق راقىمشىلىق شەڭبەرىندە ءبىزدىڭ ازاماتتار وتكەن جىلدار ءۇشىن سالىقتىق مىندەتتەمەلەرى بويىنشا نەگىزگى قارىز سوماسىن تولەگەن جاعدايدا ولارعا ءوسىمپۇلدار شەگەرىلەتىن بولادى.
ءار ءتۇرلى سەبەپتەر بويىنشا جەكە تۇلعالاردا ەلەۋلى قارىز سومالارى بار, مىسالى, جىلجىمايتىن م ۇلىكتى ساتۋعا بايلانىستى ەسەپتەلگەن كولىك سالىعى نەمەسە جەكە تابىس سالىعى. سالىق كودەكسىنە سايكەس مەرزىمىن وتكىزىپ الىنعان كۇن ءۇشىن ەسەپتەلەتىن ءوسىمپۇلدىڭ مولشەرى ازاماتتارىمىزدىڭ جاعدايىن قيىنداتادى.
وسىعان وراي, وتكەن سالىقتىق كەزەڭدەر ءۇشىن جينالعان قارىزدارى بار جەكە تۇلعالار اعىمداعى جىلدىڭ سوڭىنا دەيىن نەگىزگى قارىزدى وتەپ, سالىقتىق راقىمشىلىقتى پايدالانا الادى.
بۇل رەتتە ەسەپتەلگەن ءوسىمپۇلدار مەملەكەتتىك كىرىستەر ورگاندارىمەن اۆتوماتتى تۇردە ەسەپتەن شىعارىلادى.
قازىرگى ۋاقىتتا 12,6 ملرد تەڭگە بەرەسىن تولەگەن 549 مىڭنان استام ازاماتتارعا 2,3 ملرد تەڭگە ءوسىمپۇل ەسەپتەن شەگەرتىلدى.
اعىمداعى جىلدىڭ سوڭىنا دەيىن ەسەپتەلگەن كۇندەر قالدى, وسىعان بايلانىستى نەگىزگى قارىزدى وتەۋگە جانە سالىقتىق راقىمشىلىقپەن پايدالانۋعا اسىعىڭىز.
