ايماقتار • 12 جەلتوقسان، 2019

وبلىستىق اسسامبلەيا جىلدى قورىتىندىلادى

22 رەتكورسەتىلدى

بۇرناعى كۇنى پەتروپاۆل قالاسىندا قازاقستان حالقى اسسامبلەياسى سولتۇستىك قازاقستان وبلىستىق فيليالىنىڭ جىلدى قورىتىندىلاعان فورۋمى بولىپ ءوتتى.

الدىمىزداعى جىلى 25 جىلدىق مەرەيتويىن اتايتىن وسىناۋ ايرىقشا ينستيتۋتتىڭ حالىق اراسىنداعى بەدەلى زور. ول توزىمدىلىك پەن قوعامدىق كەلىسىمنىڭ بۇكىل دۇنيەجۇزى مويىنداعان قازاقستاندىق مودەلىن جاسادى. فورۋمدا وبلىس اكىمىنىڭ ورىنباسارى رۋسلان الىشەۆ ءسوز الىپ، قاتىسۋشىلارعا وبلىس اكىمىنىڭ قۇتتىقتاۋىن جەتكىزىپ جانە ۇيىمنىڭ بيىلعى جۇمىسىنا قىسقاشا شولۋ جاساپ شىقتى. بۇگىنگى تاڭدا وبلىستىق اسسامبلەيا 26  ەتنو-مادەني بىرلەستىكتەردىڭ جۇمىسىن ۇيلەستىرىپ، سونىمەن قاتار عىلىمي-ساراپتامالىق توپ، انالار كەڭەسى، قوعامدىق كەلىسىم كەڭەسى، «مامىلە» كلۋبى جۋرناليستەر كلۋبى، ۆولونتەرلىك قوزعالىس، «ايبىن» اسكەري-پاتريوتتىق كلۋبى جانە ت.ب. قۇرامداس بولىكتەردىڭ باسىن بىرىكتىرىپ وتىر. بيىلعى جاسالعان ۇلكەن شارالاردىڭ قاتارىندا استانا كۇنىنە ارنالعان قازاق مادەنيەتىنىڭ كۇندەرىن، «پوكروۆسكي پەرەزۆون» سلاۆيان اندەرى مەن تاتار- باشقۇرت اندەرىنىڭ فەستيۆالدەرىن جانە ت.ب. اتاۋعا بولادى. رەسەيدىڭ كورشىلەس وبلىستارىمەن شەكارالىق مادەني بايلانىستاردى وركەندەتۋ ماقساتىندا تۇمەن وبلىسى قازاقتارىنىڭ «قۇرىلتايىنا»، قورعان وبلىسىنىڭ اقپاراتتىق-گۋمانيتارلىق اكتسياسىنا جانە ت.ب. قاتىسقان. مەملەكەتتىك ءتىلدى ناسيحاتتاۋ ماقساتىندا «مىڭ بالا» جوباسى جىل سايىن وتكىزىلىپ تۇرادى. 2019 جىلى ول شەشەندىك سوزدەردى تانىتۋدى كوزدەپ «اسىل ءسوز مەكتەبى» باعىتىمەن جۇرگىزىلگەن. جاس بالالار اراسىندا ءتىلدى ناسيحاتتاۋ ءۇشىن «سەن دە ءبىر كىرپىش دۇنيەگە...» اتتى شىعارماشىلىق كونكۋرس وتكىزىلگەن. جالپى ايتقاندا، ءبىر جىلدا 18 278 ادامدى قامتىعان مىڭنان ارتىق شارالار جاسالعان. سونىمەن قاتار دوستىق ۇيىندە  قازاق ۇلتىنان باسقا ەتنوستار اراسىندا «تۋعان جەرىم – قازاقستانىم» اتتى شىعارماشىلىق كونكۋرس وتكىزىلگەن.

«جاستار جىلىن» اتاپ ءوتۋ شەڭبەرىندە وبلىستا جاستار باستاماشىلدىقتارى قولداۋ تاپقان، ولاردىڭ قوعامدىق ومىرگە بەلەسەندى قاتىسۋىنا جاعدايلار جاسالعان. سونىمەن قاتار ر.الىشەۆ ءوزىنىڭ سوزىندە جاستاردىڭ قىزىعۋشىلىعىن تۋدىراتىن ۇلتتىق كوستيۋمدەردىڭ «ەتنوFashion» كونكۋرسى، «ميسس اسسامبلەيا» جارىسى، ستارتاپ-جوبالار كونكۋرستارى ت.ب. وتكىزىلگەنىن اتاپ ءوتتى. ء«وز ەلىڭدى تانۋ» اتتى رەسپۋبليكالىق ايرىقشا جوبانىڭ شەڭبەرىندە جاستاردىڭ ەكسپەديتسياسى ۇيىمداستىرىلعان. ەلىمىزدىڭ 10 ايماعىنان كەلگەن جاستاردىڭ ەكسپەديتسيالارى سولتۇستىك قازاقستاننىڭ كيەلى جەرلەرىن تاماشالاعان. سونىڭ ىشىندە ايىرتاۋ اۋدانىنداعى بوتاي مەكەنى، ش.ءۋاليحانوۆتىڭ اجەسى ايعانىمنىڭ سىرىمبەتتەگى ءۇيى، قاراساي مەن اعىنتاي باتىرلاردىڭ مەموريالدىق كەشەندەرىنە ساياحاتتار جاسالعان.

ۇستىمىزدەگى جىلى رەسپۋبليكالىق «جاڭعىرعان اۋىل» جوباسىنىڭ شەڭبەرىندە ىسكە اسىرىلعان جاڭا جوبانىڭ ءبىرى – «اۋىل اكىمى بولعىم كەلەدى» دەپ اتالعان. وعان ءوڭىردىڭ 70 جاسى قاتىسىپ، اۋىلدى جاڭعىرتۋ بويىنشا وزدەرىنىڭ جوبالارىن كونكۋرسقا ۇسىنعان. 27 قاراشادا دوستىق ۇيىندە ونىڭ قورىتىندىسى شىعارىلىپ، ماراپاتتاۋ شارالارى بولعان.

وسىدان ءارى رۋسلان الىشەۆ قازاقستان حالقى اسسامبلەياسىنىڭ توراعاسى ن.نازارباەۆتىڭ اتىنان قازاقستان رەسپۋبليكاسىنىڭ تاۋەلسىزدىگى مەن  بىرلىگىن نىعايتۋعا، مادەنيەتارالىق ديالوگ پەن قايىرىمدىلىقتى دامىتۋعا جانە قازاقستاندىق ءپاتريوتيزمدى قالىپتاستىرۋعا قوسقان ەلەۋلى ۇلەسى ءۇشىن «قازاقستان حالقى اسسامبلەياسىنىڭ «بiرلiك» التىن مەدالiمەن» «ازەربايجان مادەنيەتىنىڭ سولتۇستىك قازاقستان وبلىستىق ورتالىعىنىڭ» توراعاسى چينگيس  كۋربانوۆتى ماراپاتتادى.

قازاقستان رەسپۋبليكاسىنىڭ ء«تىل تۋرالى» زاڭىنىڭ قابىلدانعانىنا وتىز جىل تولۋىنا وراي قازاقستان رەسپۋبليكاسى پرەزيدەنتىنىڭ العىس حاتىمەن  حالىقارالىق «قازاق ءتىلى» قوعامىنىڭ توراعاسى ج.ءتاجين، «قىزىلجار» قوسىمشا ءبىلىم بەرۋ جانە قىزمەت كورسەتۋ ورتالىعىنىڭ ديرەكتورى ج.مۇحامەدجانوۆ جانە «رۋح.ءتىل.جاڭعىرۋ» قوعامدىق بىرلەستىگىنىڭ توراعاسى ءا.توقپانوۆ ماراپاتتالدى.

ال قازاقستان حالقى اسسامبلەياسىنىڭ «جومارت جان» توسبەلگىسىن «ۆايناح» شەشەن-ينگۋش قاۋىمداستىعىنىڭ توراعاسى سايپ بايدۋوۆتىڭ، ەۆرەي ەتنو-مادەني بىرلەستىگى توراعاسىنىڭ ورىنباسارى ەلحان ەۆداەۆتىڭ توسىنە قادادى. ال قازاقستان حالقىنىڭ بىرلىگىن، قوعامدىق كەلىسىم مەن قازاقستاندىق ءپاتريوتيزمدى نىعايتۋعا قوسقان لايىقتى ۇلەسى ءۇشىن قۇرمەت گراموتاسىمەن «باربانگ» كۇردتەر قاۋىمداستىعى وبلىستىق فيليالىنىڭ توراعاسى راشيد ناديروۆ ناگرادتالدى.  اسسامبلەيانىڭ العىس حاتىمەن «كەنترون» ارميان مادەنيەتىنىڭ وبلىستىق ورتالىعى توراعاسىنىڭ ورىنباسارى سۆەتلانا مالحاسيان ماراپاتتالدى.

وسىدان ءارى تاۋەلسىزدىك كۇنىنە وراي اسسامبلەيانىڭ بەلسەندىلەرىنە وبلىستىق اسسامبلەيانىڭ العىس حاتتارى مەن سىيلىقتارى تاپسىرىلدى. نۇرسۇلتان نازارباەۆتىڭ قوعامدىق كەلىسىم مەن جالپىۇلتتىق بىرلىگىنىڭ قازاقستاندىق مودەلىنە ارنالعان عىلىمي جوبالار بايقاۋىنىڭ جەڭىمپازدارى دا ديپلومدارمەن ماراپاتتالدى. بۇل بايقاۋدا ءبىرىنشى ورىندى ل.جولمۇقانوۆا، ەكىنشى ورىندى م.تيتارەنكو جانە ءۇشىنشى ورىندى ق.بەيسەنوۆا الدى. ال جۋرناليستيكا سالاسىنداعى «شاڭىراق» بايقاۋىنىڭ جەڭىمپازى بولىپ ناتاليا ايتوۆا تانىلدى.

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

قورجىنىمىز بوس قايتتى

قىسقى سپورت • بۇگىن، 06:56

ۇقساس جاڭالىقتار