تۇڭعىش پرەزيدەنت كۇنىنە ارنالعان اسىق اتۋدان «التىن ساقا» رەسپۋبليكالىق تۋرنيرىنە ەلىمىزدىڭ 12 وبلىسى, اتاپ ايتار بولساق, جامبىل, قوستاناي, تۇركىستان, اقمولا, باتىس قازاقستان, الماتى, پاۆلودار جانە قاراعاندى, قىزىلوردا وبلىستارى مەن نۇر-سۇلتان قالاسىنان 100-گە جۋىق سپورتشى قاتىستى.
اسىق اتۋ سپورتى بويىنشا ءبىرىنشى ورىندى جامبىل وبلىسىنىڭ جامپوزى نۇرسۇلتان قالماعانبەتوۆ ولجالادى. نۇر-سۇلتان قالاسىنىڭ ورەنى كەنجەبەك بەكجان ەكىنشى ورىندى يەمدەنسە, تۇركىستان وبلىسىنان كەلگەن مۇسا بيبولسىن قولا جۇلدەنى قورجىنىنا سالدى. ءتۋرنيردىڭ ءبىر ەرەكشەلىگى – سايىستار كوماندالىق ەمەس, جەكەلەي تۇردە ۇيىمداستىرىلدى.
سونىمەن قاتار بەس اسىق بويىنشا باس جۇلدە بارلىق قارسىلاسىنان وزا شاپقان نۇر-سۇلتان قالاسىنىڭ وكىلى ۇلجالعاس قۇدايبەرديەۆاعا بۇيىردى. قوستاناي وبلىسىنان نازەركە سەركەباەۆا كۇمىس جۇلدە ەنشىلەسە, تاعى ءبىر قوستانايلىق سپورتشى ارۋجان سۇيمەنتاي ۇزدىك ۇشتىكتى تۇيىندەدى.
ەسكەندىر راحمەتوۆ,
نۇر-سۇلتان قالاسىنىڭ اسىق اتۋ ويىنى سپورتىنان اعا جاتتىقتىرۋشىسى
