قازاقستان ۇوك پرەزيدەنتى تيمۋر ق ۇلىباەۆتىڭ باستاماسىمەن بەكىتىلگەن ەلىمىزدىڭ ەڭ باستى سپورتتىق جۇلدەسى «Altyn Samgay-2019» بيىل جاڭارعان فورماتتى ءوتتى. سالتاناتتى كەشكە وتاندىق سپورت جۇلدىزدارى مەن تانىمال ەسترادا وكىلدەرى, قوعام قايراتكەرلەرى مەن مەدياتۇلعالار جانە جانكۇيەرلەر جينالدى.
#teamKZ جانكۇيەرلەرى العاش رەت جۇلدەگە قاتىسۋ مۇمكىندىگىن يەلەنىپ, كوماندانىڭ ءبىر بولشەگى رەتىندە ۇلتتىق قۇراما مۇشەلەرىمەن ەمەن-جارقىن تىلدەستى. ايتا كەتەلىك, ەلىمىزدىڭ ۇزدىك سپورتشىلارىن جانكۇيەرلەر تاڭداعان بولاتىن. 15-30 قاراشا ارالىعىندا وقىرماندار awards.olympic.kz سايتىندا داۋىس بەرىپ, ەكى اپتا بويى ەلىمىزدىڭ ۇزدىكتەرى انىقتالدى. وسى ارالىقتا 820 مىڭ داۋىس قابىلداندى.
«جازعى سپورت تۇرلەرىندەگى ۇزدىك سپورتشى» اتالىمىندا بەكزاد نۇرداۋلەتوۆ جەڭىمپاز اتاندى. ول بيىل ەكاتەرينبۋرگتە وتكەن الەم چەمپيوناتىن ءساتتى اياقتادى. بەكزاد جارتىلاي فينالدا وليمپيادا چەمپيونى ءارى ءتورت دۇركىن الەم چەمپيونى حۋليو سەسار لا كرۋستى (كۋبا) نوكداۋنعا جىبەرىپ, سەنىمدى تۇردە ۇتقان بولاتىن. فينالدا نۇرداۋلەتوۆ وزبەك بوكسشىسىنان باسىم ءتۇستى. «قىسقى سپورت تۇرلەرىندەگى ۇزدىك سپورتشى» اتالىمىندا مانەرلەپ سىرعاناۋدان قازاقستان جۇلدىزى ەليزابەت تۇرسىنباەۆا جەڭىسكە جەتتى. ول بيىل سايتامادا (جاپونيا) وتكەن مانەرلەپ سىرعاناۋدان الەم چەمپيوناتىندا كۇمىس جۇلدە يەلەندى. تۇرسىنباەۆا ەركىن باعدارلامادا تورتتىك سالحوۆتى ورىنداپ, بۇل ەلەمەنتتى ەرەسەكتەر اراسىندا ورىنداعان تۇڭعىش سپورتشى اتاندى.
«ۇزدىك جاس سپورتشى» اتالىمىندا كاراتەدەن چيليدە وتكەن جاستار اراسىنداعى الەم چەمپيوناتىنىڭ جەڭىمپازى ءابىلمانسۇر باتىرعالي توپ جاردى. «جازعى سپورت تۇرلەرىندەگى ۇزدىك جاتتىقتىرۋشى» اتالىمىندا ەركىن كۇرەستەن قازاقستان كومانداسىنىڭ باس باپكەرى اسەت سەرىكباەۆ, «قىسقى سپورت تۇرلەرىندەگى ۇزدىك جاتتىقتىرۋشى» اتالىمىندا فريستايل-موگۋلدان قازاقستان كومانداسىنىڭ باس باپكەرى ەلەنا كرۋگلىحينا كوش باستادى. ايتا كەتەلىك, ەلەنا اتالعان جۇلدەنى وسىمەن ەكىنشى رەت يەلەنىپ وتىر. بيىل كرۋگلىحينا جاتتىقتىراتىن يۋليا گالىشەۆا قازاقستان تاريحىندا تۇڭعىش رەت فريستايل-موگۋلدان الەم چەمپيونى اتاندى.
«ۇزدىك ۇلتتىق سپورتتىق فەدەراتسيا» اتالىمىندا قازاقستان شايبالى حوككەي فەدەراتسياسى قارا ءۇزىپ شىقتى. «ۇزدىك سپورتتىق ايماق» اتالىمى قىزىلوردا وبلىستىق دەنە شىنىقتىرۋ جانە سپورت باسقارماسىنا بۇيىرسا, «جىل جاڭالىعى» اتالىمىندا ەركىن كۇرەستەن قازاقستان كومانداسىنىڭ مۇشەسى, ەلىمىزدە وتكەن ليتسەنزيالىق الەم چەمپيوناتىندا 2020 جىلعى توكيو وليمپياداسىنا جولداما جەڭىپ العان الىشەر ەرعالي جەڭىسكە جەتتى. «جىلدىڭ ۇزدىك كومانداسى» رەتىندە بيىل نۇر-سۇلتاندا وتكەن الەم چەمپيوناتىندا (ا توبى, ءبىرىنشى ديۆيزيون) ەليتالى ديۆيزيونعا جولداما العان شايبالى حوككەيدەن قازاقستان ەرلەر قۇراماسى تانىلدى. قازاقستان ۇلتتىق وليمپيادالىق كوميتەتىنىڭ ارنايى جۇلدەسى – «قازاقستان سپورتىنىڭ ماقتانىشى» اتاعىن قازاقستان ۇوك پرەزيدەنتىنىڭ قولىنان قازاق سپورتىنىڭ ارداگەرى, قىسقا قاشىقتىققا جانە ەستافەتادا جۇگىرۋدەن كسرو چەمپيوناتىنىڭ جەڭىمپازى ءارى جۇلدەگەرى, كسرو ەڭبەك سىڭىرگەن سپورت شەبەرى تۇياقوۆ ءامين ەلەمەس ۇلى الدى.
بيىل ۇلتتىق سپورتتىق جۇلدە العاش رەت پاراليمپيداشى سپورتشىلارعا تابىستالدى. وتكەن ماۋسىمدا مۇمكىندىگى شەكتەۋلى وتاندىق اتلەتتەر ءتۇرلى حالىقارالىق تۋرنيرلەردە جۇلدەگە تالاسىپ, جەڭىسكە دەگەن ىنتا-جىگەرىمەن كوزگە ءتۇستى. «ۇزدىك پاراليمپيادالىق سپورتشى» اتاعى نۇرلان دومبايعا بەرىلدى. نۇرلان الەم چەمپيوناتىندا 75 كەلىگە دەيىنگى سالماقتا سىنعا ءتۇسىپ, التىن جۇلدە جەڭىپ الدى. ول ءوز سالماعىندا الەمنىڭ ەكى دۇركىن چەمپيونى اتانىپ وتىر. ال پاراليمپيادالىق سپورت تۇرلەرىندەگى ۇزدىك جاتتىقتىرۋشى اتاعىنا قازاقستان پارادزيۋدو كومانداسىنىڭ باس باپكەرى جاندوس قيانوۆ لايىق دەپ تانىلدى. ۇلتتىق سپورتتىق جۇلدە تاريحىندا العاش رەت ءىرى جارىس كەزىندە سپورتشىلار جانىنان تابىلاتىن كەشەندى-عىلىمي توپ ماماندارىنىڭ ەڭبەگى اتاپ ءوتىلدى. «ۇزدىك كعت مامانى» اتاعىن 20 جىلدان بەرى سپورت سالاسىندا, اسىرەسە, بوكستا ەڭبەك ەتىپ كەلە جاتقان دارىگەر يرەك ساتوۆ يەلەندى.
ايتا كەتەلىك, ۇلتتىق سپورتتىق جۇلدەدەگى ەڭ جارقىن ساتتەردىڭ ءبىرى – 2020 جىلعى توكيو وليمپياداسىنا جانكۇيەرلەر اراسىندا جولداما ويناتۋ بولدى. ۇلتتىق سپورتتىق جۇلدەگە بيلەت العان جانكۇيەرلەر اراسىندا كەزدەيسوق ادىسپەن ەكى بيلەت يەگەرلەرى انىقتالدى. جىلداعى ءداستۇر بويىنشا, ۇلتتىق سپورتتىق جۇلدەنى ەل سپورتىنىڭ ارداگەرلەرى مەن تانىمال سپورتشىلار تابىستادى. «قازاقستان» كونتسەرت زالىنىڭ ساحناسىنا جاقسىلىق ۇشكەمپىروۆ, قۇرالبەك ورداباەۆ, ۆيكتور ابويموۆ, ولگا شيشيگينا, گۇزەل مانيۋروۆا سىندى تانىمال سپورتشىلار كوتەرىلدى.
سپورتشىلارمەن بىرگە جۇلدە تابىستاعاندار قاتارىندا ءوز سالاسىندا ەرەكشە دارىنىمەن كوزگە تۇسكەن جاندار دا بار. ماسەلەن, شاحماتتان فرانتسيا اشىق چەمپيوناتىنىڭ جەڭىمپازى ساۋات نۇرعاليەۆ, زاماناۋي ۇشاق دايىنداپ, كەيىن ۇشاق ۇلگىسىن «بوينگ» كورپوراتسياسى ساتىپ العان قىزىلوردالىق 17 جاستاعى وقۋشى ەۆگەني دەميدەنكولار سالتاناتتى راسىمگە قاتىستى. سونداي-اق مادەنيەت جانە سپورت ءمينيسترى اقتوتى رايىمقۇلوۆا, دەنساۋلىق ساقتاۋ ءمينيسترى ەلجان ءبىرتانوۆ, نۇر-سۇلتان قالاسى اكىمى التاي كولگىنوۆ سپورتشىلاردى ماراپاتتادى. جۇلدەنى تابىستاۋ راسىمىندە وتاندىق ەسترادا جۇلدىزدارى ونەر كورسەتتى. اتاپ ايتار بولساق, «Ninety One», ناZيما, «مولدانازار» توبى, كامشات جولدىباەۆا, SayMo, قۋاندىق راحىم جانە تاعى باسقالار بار.
