جىلدىڭ ەڭ ماڭىزدى سپورتتىق شاراسىنىڭ ءبىرى بولىپ تانىلاتىن ول بيىل ءتورتىنشى رەت وتكىزىلىپ وتىر. ونى ۇلتتىق وليمپيادالىق كوميتەتتىڭ پرەزيدەنتى تيمۋر ق ۇلىباەۆ ۇيىمداستىرىپ, جۇلدە قورىن - 165 ملن تەڭگە شاماسىندا تاعايىنداعان.
بۇگىنگە دەيىن اتالعان سپورت تۇرلەرىنىڭ بىرنەشەۋى بويىنشا فينالدىق جارىستار اياقتالىپ, جەڭىمپازدار بەلگىلى بولدى. سونىڭ ىشىندە تۇركىستان وبلىسىنىڭ كومانداسى بوكستا جەڭىمپاز بولسا, شىمكەنت قالاسىنىڭ بالۋاندارى گرەك-ريم كۇرەسىندە ۇزدىك شىقتى. الماتى قالاسىنىڭ كومانداسى كاراتە مەن تاەكۆوندودا ەشكىمدى شاق كەلتىرمەدى.
ال كەشە, فينالعا شىققان سولتۇستىك قازاقستاننىڭ «قىزىلجار ارلاندارى» كومانداسى قازاق كۇرەسىندە جۇرتتىڭ ءبارىن جەڭىپ, چەمپيون اتاندى. ءبىزدىڭ ءوڭىردىڭ بالۋاندارى قاراعاندىنىڭ «زاك كار», الماتى قالاسىنىڭ «Qazaq kuresi» جانە «اوسك» (ارميا ورتالىق سپورت كلۋبى) سپورت كلۋبتارىمەن باق سىنادى.
وبلىس نامىسىن قورعاعان سولتۇستىكقازاقستاندىقتار جارتىلاي كەزەڭدە قاراعاندى وبلىسىنىڭ «زاك كار» سپورت كلۋبىمەن كەزدەسىپ, 4:3 ەسەبىمەن جەڭىسكە جەتتى. فينالعا شىعۋ جولداماسىن ول «اوسك» سپورت كلۋبىمەن ساراپقا سالىپ, جەڭىسكە جەتتى.
جەرلەستەرىمىز فينالدا الماتىلىق «Qazaq kuresi» كلۋبىمەن كەزدەسىپ, 1 جانە 2 ورىندى ساراپقا سالدى. قارسىلاستارىمىز الداعى الەم چەمپيوناتىنا قاتىسۋىنا بايلانىستى ەكى سالماقتا بالۋان شىعارا المادى. سونىڭ ناتيجەسىندە كەزدەسۋلەر 4:0 ەسەبىمەن اياقتالدى.
ءسويتىپ «قىزىلجار ارلاندارى» قازاق كۇرەسى بويىنشا تۇڭعىش رەت رەسپۋبليكا چەمپيونى اتانىپ, 10 ملن. تەڭگەلىك جۇلدەنى قانجىعالارىنا بايلادى.
