ساياسات • 09 جەلتوقسان، 2019

قازاقستان مەن ومان اراسىنداعى ىنتىماقتاستىق نىعايىپ كەلەدى

24 رەتكورسەتىلدى

پارلامەنت سەناتىنىڭ توراعاسىنىڭ ورىنباسارى بەكتاس بەكنازاروۆ باستاعان قازاقستان رەسپۋبليكاسىنىڭ دەلەگاتسياسى ومان مەملەكەتتىك كەڭەسىنىڭ توراعاسى ياحيا بەن ءال-مانزەريدىڭ شاقىرۋى بويىنشا ومان سۇلتاناتىندا ساپاردا بولدى. بۇل پارلامەنت دەپۋتاتتارىنىڭ قازاقستان مەن ومان اراسىنداعى وسى دەڭگەيدەگى العاشقى ساپارى بولىپ وتىر.

ساپار اياسىندا مەملەكەتتىك كەڭەستىڭ توراعاسى ياحيا بەن مانزەريمەن، ونىڭ ورىنباسارى شەيح ءال-حاتاب ءال-حانايمەن، كونسۋلتاتيۆتىك كەڭەستىڭ توراعاسى شەيح حاليد ءال-ماۋاليمەن كەزدەسۋلەر بولدى، سونداي-اق سۇلتان كابۋس ۋنيۆەرسيتەتىنىڭ رەكتورىمەن دە جۇزدەسۋ جوسپاردا بار.  

كەزدەسۋ بارىسىندا ەكىجاقتى قارىم-قاتىناستار، ونىڭ ىشىندە پارلامەنتارالىق ىنتىماقتاستىقتى نىعايتۋ، ساۋدا-ەكونوميكالىق بايلانىستار مەن حالىقارالىق ءتۋريزمدى كەڭەيتۋ ماسەلەلەرى بويىنشا پىكىر الماسىلدى.

تاراپتار تۋريزم ەكىجاقتى ىنتىماقتاستىقتىڭ كەلەشەگى زور باعىتى بولىپ تابىلاتىنىن، وعان ۆيزا ءتارتىبىن جەڭىلدەتۋ جانە الماتى مەن ماسكات قالالارى (ومان استاناسى) اراسىندا تىكەلەي رەيس اشۋ ىقپال ەتەتىنىن اتاپ ءوتتى. ول ەكى ەلدىڭ تۋريستىك مۇمكىندىكتەرىن پايدالانۋ عانا ەمەس، سونىمەن قاتار ىسكەرلىك بەلسەندىلىكتى دامىتۋعا دا سەرپىن بەرەدى.

ومان سۇلتاناتى قازاقستانمەن ساياسي جانە ەكونوميكالىق ءوزارا تىعىز بايلانىس ورناتقان العاشقى اراب مەملەكەتتەرىنىڭ قاتارىندا بولدى. قازىرگى كەزدە وماننىڭ ءبىزدىڭ ەلىمىزگە، اسىرەسە ەنەرگەتيكالىق سەكتورعا قاتىسى ءتيىمدى جالعاسىپ كەلەدى. تاراپتار مۇناي-گاز سالاسىنداعى بىرلەسكەن جوبالاردى دامىتۋ ۇستىندە.

پارلامەنتارالىق بايلانىستاردى نىعايتۋ ەكى ەل اراسىنداعى ەكىجاقتى ىنتىماقتاستىقتى ودان ءارى كەڭەيتۋگە ىقپال ەتەتىن بولادى.

سوڭعى جاڭالىقتار

عارىشتاعى قوقىس (ۆيدەو)

ۆيدەو • بۇگىن، 13:08

جارقىن جوبالار

ايماقتار • بۇگىن، 10:00

ءسوز سويىل №88

رۋحانيات • بۇگىن، 09:42

تراكتورمەن كەلگەن فەلدشەر

ايماقتار • بۇگىن، 07:00

ساباق توقتادى، جولدار جابىلدى

ايماقتار • بۇگىن، 06:53

قار قالىڭ، قاۋىپ كوپ

ايماقتار • بۇگىن، 06:51

ۇقساس جاڭالىقتار