وڭىردەگى اۋىلشارۋشالىعى ماقساتىنداعى سۋ جەتىسپەۋشىلىگى ماسەلەسى – اتىراۋ وبلىسى اكىمى نۇرلان نوعاەۆتىڭ 2019 جىلدىڭ 30 قاراشا كۇنى ءوڭىر كاسىپكەرلەرىمەن كەزدەسۋى بارىسىندا كوتەرىلگەن بولاتىن. جيىن بارىسىندا ايماق باسشىسى وبلىس اۋماعىنداعى 15 كانالدىڭ 14-ءى رەسپۋبليكالىق بالانستان وبلىس تەڭگەرىمىنە بەرىلگەنىن مالىمدەگەن ەدى.
بۇگىندە وبلىس اۋماعىنداعى سۋ جۇيەلەرىن كۇردەلى جوندەۋدەن وتكىزۋ جۇمىستارى قارقىندى جۇرگىزىلۋدە.
ماسەلەن, وبلىس ورتالىعىنا قاراستى «سوكولوك» كانالى بويىندا – قايىرشىقتى اۋىلدىق وكرۋگىنىڭ 25 شارۋا قوجالىعى ورنالاسقان. جەرگىلىكتى بيۋدجەتتەن قارجى ءبولىنىپ, بۇگىندە اتالعان كانالدىڭ ارناسىن اشۋ جانە كانال بويىندا سۋ رەتتەگىش شليۋز قۇرىلىستارىن جۇرگىزۋ سياقتى جۇمىستار جاسالۋدا.
سونداي-اق يندەر اۋدانىنداعى «اقساي», «باعىرلاي», «قۇرايلى-ساي» كانالدارى دا جوندەۋدەن وتپەك. بيۋدجەتتەن اتالعان جۇمىستاردى جۇرگىزۋ ماقساتىنا 56 ملن تەڭگە قاراستىرىلعان. مۇنداي جۇمىستار قۇرمانعازى اۋدانىنداعى «كوبياكوۆو-زابۋرۋن» كانالىنا دا جۇرگىزىلەدى.
ەڭ اۋقىمدى جۇمىستار ماحامبەت اۋدانىندا. ويتكەنى, كانالداردىڭ تەڭ جارتىسى وسى اۋدان اۋماعىندا ورنالاسقان. اعىمداعى جىلى مۇندا «سارى-وزەك» پەن «العا-ەگىز» كانالدارىن كۇردەلى جوندەۋدەن وتكىزۋ ءۇشىن جەرگىلىكتى بيۋدجەتتەن قاراجات بولىنگەن. قۇرىلىس جۇمىستارى 2020 جىلدىڭ مامىر ايىندا اياقتالادى دەپ كۇتىلۋدە. ال, قالعان «7 اۋىل-ايسارى», «باقساي», «قۇرساي», «ەسبول-قوزىباي», «سبورنىي» كانالدارىنا جوندەۋ جۇمىستارى ءۇشىن جوبالاۋ جۇمىستارى قولعا الىنىپ جاتىر.
