فورۋمعا يندۋستريا جانە ينفراقۇرىلىمدىق دامۋ مينيسترلىگىنىڭ, قاراعاندى وبلىسى اكىمدىگىنىڭ, قازاقستانداعى بۇۇ دامۋ باعدارلاماسىنىڭ, «اتامەكەن» ۇلتتىق كاسىپكەرلەر پالاتاسىنىڭ, «دامۋ» قورىنىڭ وكىلدەرى, سەرۆيستىك كومپانيالاردىڭ باسشىلارى, بيزنەسمەندەر جانە باسقالارى قاتىستى.
ەكى كۇن ىشىندە ولار جاڭارتىلاتىن ەنەرگەتيكانىڭ اعىمداعى جاعدايى مەن دامۋ پەرسپەكتيۆالارىن, قازاقستانداعى بۇۇ دامۋ باعدارلاماسىنىڭ ەنەرگيا تيىمدىلىگى سالاسىنداعى باستامالارى, «جاسىل» سۋبسيديالار جانە جاڭارتىلاتىن ەنەرگيا كوزدەرىنە بايلانىستى جوبالاردى بىرلەسىپ قارجىلاندىرۋدىڭ ءتۇرلى قۇرالدارىن تالقىلايتىن بولادى.
فورۋم باعدارلاماسىنا سونداي-اق ەنەرگيا ۇنەمدەۋ سالاسىنداعى جوبالاردى ىسكە اسىرۋ مىسالدارىن تالقىلاۋ, بيزنەس-كەيستەر جانە جاڭارتىلاتىن ەنەرگيا كوزدەرى سالاسىنداعى جەرگىلىكتى جوبالاردىڭ تۇساۋكەسەرى ەنگىزىلدى.
قاتىسۋشىلار ءۇشىن ينۆەستيتسيالىق جوبالاردى ازىرلەۋ بويىنشا شەبەرلىك ساباقتارى وتكىزىلەدى.
ءىس-شارادان كەيىن قاراعاندى وبلىسىندا «جاسىل» تەحنولوگيالاردى قولدانۋعا مۇددەلى كاسىپكەرلەر كوپ بولادى دەپ كۇتىلۋدە. وسىنىڭ بارلىعى ءوڭىردىڭ ەكونوميكالىق جانە ەكولوگيالىق جاعدايىنا وڭ اسەر ەتۋى مۇمكىن.
