شارانىڭ تاعى ءبىر ماڭىزدى تۇسى – حالىقارالىق كينومەكتەپتەر قاۋىمداستىعىنا جاڭا مۇشەلەردى قوسۋعا قاتىستى مەموراندۋمعا قول قويىلدى. بيىل وعان رەسەي, ارمەنيا جانە نەپالدىڭ ءۇش كينومەكتەبى مۇشەلىككە كىردى. اتالمىش شارا «رۋحاني جاڭعىرۋ» باعدارلاماسى شەڭبەرىندە ۇيىمداستىرىلدى.
«وسى فەستيۆالدى تەك قازاقتىڭ كينونىڭ اياسىندا وتكىزۋ كەرەك دەپ ۇسىنىس جاساعان. ءبىز بۇل ۇىنىسپەن كەلىسپەيمىز. سەبەبى, باسقا مەملەكەتتەن, باسقا كونتينەنتتەن كەلگەنگە كونكۋرەنتسيا رەتىندە ءبىزدىڭ ۇلتتىق كينومىز سول كەزدە عانا ساپاسى دا دارەجەسى دە, جوعارىلايدى دەپ مەن كامىل سەنەمىن», دەدى «باستاۋ» فەستيۆالىنىڭ پرەزيدەنتى سەرگەي ءازىموۆ.
بايقاۋدا 9 اتالىم بويىنشا جەڭىمپازدار انىقتالدى. ۇزدىك فيلم باس جۇلدەسىن وڭتۇستىك كورەيا جەڭىپ الدى. ال «ۇزدىك ايەل ءرولى» نوميناتسياسى «كوڭىلدەن كەتكەن» فيلمىندە باستى كەيىپكەردى سومداعان يۋديتا فرانكوۆيچكە بۇيىردى. الەمنىڭ مىقتىلارى جينالعان بايقاۋدا قازاقستاندىقتار دا جەڭىس تۇعىرىنان كورىندى. سامعار راحىم قازىلار القاسىنىڭ ارنايى جۇلدەسىمەن ماراپاتتالدى.
«ديپلوممەن اۋىلعا» دەگەن ءفيلمدى ۇسىندىم. بۇل – قازاقستانداعى جاعدايدى كوركەم جەتكىزەتىن فيلم. قازىر ەشكىم ديپلوممەن اۋىلعا بارمايدى. جىلىنا 200 مىڭ ادام بىتىرەدى, 2018 جىلى 17 ادام بارىپتى. سوندىقتان ءفيلمنىڭ اتاۋىن وسىلاي اتادىم», دەدى كينورەجيسسەر سامعار راحىم.
