ايماقتار • 09 جەلتوقسان، 2019

قاراعاندىدا «جىل مۇعالىمى» بايقاۋىنىڭ جەڭىمپازى انىقتالدى

34 رەتكورسەتىلدى

كەنشىلەر استاناسىندا وبلىستىق «جىل مۇعالىمى» بايقاۋى مارەگە جەتىپ، جەڭىمپازدار مەن جۇلدەگەرلەر انىقتالدى.

مارتەبەلى ماماندىق يەلەرىنىڭ سايىسىنا ءوڭىردىڭ 34 مۇعالىمى باق سىناپ، ونىڭ ىشىندە 12-ءى شەشۋشى كەزەڭگە جولداما العان بولاتىن. بايقاۋدىڭ العاشقى كەزەڭى اۋداندار مەن قالالار دەڭگەيىندە ءوتتى. ەكىنشى كەزەڭدە ۇمىتكەرلەر وبلىستىق مامانداندىرىلعان «مۇراگەر»، «دارىن» مەكتەپ-ينتەرناتتارى جانە № 93 گيمنازيا بازاسىندا ساباقتار مەن سىنىپتان تىس ءىس-شارالاردى وتكىزۋ تاپسىرمالارى بويىنشا بىلىك جارىستىردى.

ال شەشۋشى كەزەڭدە  قاتىسۋشىلار وزدەرىن تانىستىرىپ، «اشىق ميكروفون» بايقاۋىندا ۇسىنىلعان تاقىرىپتار بويىنشا وي ءبولىستى، سودان كەيىن پەداگوگيكالىق جاعدايلاردى تالدادى.

ارنايى كوميسسيانىڭ شەشىمىمەن بايقاۋدىڭ باس جۇلدەسى مەن «جىل مۇعالىمى» اتاعىن بالقاش قالاسىنداعى №10 مەكتەپ-بالاباقشا كەشەنىنىڭ مۇعالىمى ولجاس ساۋرىكوۆ جەڭىپ الدى.

ءبىرىنشى ورىنعا № 97 گيمنازيانىڭ تاريح ءپانى مۇعالىمى ولەگ تە يە بولسا، جۇلدەلى ەكىنشى ورىن وبلىستىق تىرەك-قيمىل اپپاراتى بۇزىلعان بالالارعا ارنالعان مەكتەپ-ينتەرناتتىڭ قازاق ءتىلى مەن ادەبيەتى ءپانىنىڭ مۇعالىمى گۇلنۇر قاليەۆاعا بۇيىردى. ال ءۇشىنشى جۇلدەنى ساران قالاسىنداعى  №2 مەكتەپ-بالاباقشا كەشەنىنىڭ اعىلشىن ءتىلى مۇعالىمى داريا حوحلوۆا قاناعات ەتتى.

سونىمەن قاتار، اتالعان بايقاۋدا بىرنەشە اتالىم بويىنشا جۇلدەگەرلەر انىقتالدى. مىسالى، «ۇزدىك ساباق» نوميناتسياسى بويىنشا №8 گيمنازيانىڭ حيميا ءپانىنىڭ مۇعالىمى گۇلنار بيمەندينا جەڭىمپاز اتانسا، «ۇزدىك سىنىپتان تىس شارا» اتالىمىندا شەت اۋدانىنىڭ وكىلى،  ج.اقىلباەۆ اتىنداعى مەكتەپ-گيمنازياسىندا تاريح ءپانىنىڭ مۇعالىمى ەربول قىزىلوۆ توپ جاردى. «ۇزدىك ءۇي تاپسىرماسى» نوميناتسياسى بويىنشا ساتباەۆتاعى اباي اتىنداعى №2 ورتا مەكتەپتىڭ اعىلشىن ءتىلى مۇعالىمى مەرۋەرت ابىشەۆا ۇزدىك اتاندى. ال، «كورەرمەندەر كوزايىمى» اتالىمى بويىنشا بۇقار جىراۋ اۋدانىنداعى ۇشتوبە ورتا مەكتەبىنىڭ باستاۋىش سىنىپ مۇعالىمى بوتاگوز الينا جەڭىمپاز اتاندى.

«جىل مۇعالىمى» بايقاۋىنىڭ جەڭىمپازدار مەن جۇلدەگەرلەرگە ديپلومدار مەن اقشالاي سىيلىقتار تابىس ەتىلدى.

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

قورجىنىمىز بوس قايتتى

قىسقى سپورت • بۇگىن، 06:56

بوكسشىلار امماندا ىرىكتەلەدى

كاسىپقوي بوكس • بۇگىن، 06:53

ناقىل سوزدەرگە تولى اعاش

ايماقتار • بۇگىن، 06:47

ۇقساس جاڭالىقتار