مەملەكەت باسشىسى ق. توقاەۆ اۋىل شارۋاشىلىعى مينيسترلىگى ازىرلەگەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اگروونەركاسىپتىك كەشەندى رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا اعىمداعى جىلدىڭ 28 قاراشاسىندا قول قويدى. جاڭا زاڭعا سايكەس نەسيەلىك سەرىكتەستىكتەر مۇشەلەرىنىڭ جالپى جينالىسىندا جاڭا مۇشەلەردى قابىلداۋ (شىعارۋ), سونداي-اق نەسيەلىك سەرىكتەستىكتىڭ جارعىسىن وزگەرتۋ نەمەسە جاڭا رەداكتسيادا بەكىتۋگە قۇقىق بەرەدى.
بۇرىن جاڭا قاتىسۋشىنى قابىلداۋ نەمەسە شىعارۋ ءۇشىن نەسيەلىك سەرىكتەستىكتىڭ بارلىق مۇشەلەرىن جيناۋ قاجەت بولاتىن. بۇل ايلار ەمەس, جىلدارعا سوزىلىپ كەتەتىن ءىس-شارا بولاتىن. ەندى جاڭا زاڭعا سايكەس وسىنداي ءراسىم نەسيەلىك سەرىكتەستىك باسقارماسىنىڭ قۇرامىنا كىرەتىن بىرنەشە ادامنىڭ قاتىسۋىمەن قىسقا مەرزىمدە جۇزەگە اسادى. اۋىل شارۋاشىلىعى مينيسترلىگى اتالمىش وزگەرىستەر نەسيەلىك سەرىكتەستىكتەرىنىڭ قىزمەتىن جاقسارتۋ ءۇشىن جاسالعانىن اتاپ ءوتتى.
