قالا باسشىسىنىڭ قابىلداۋىنا كەلگەن تۇرعىندار جۇمىسپەن قامتۋ, الەۋمەتتىك جاردەماقى الۋ, اتاۋلى الەۋمەتتىك كومەك تاعايىنداۋ ءتارتىبى تۋرالى ماسەلەنى كوتەرسە, ەندى ءبىرى باسپانامەن قامتۋ, كارىز جۇيەسى, كوشە اتاۋى, جول, گاز, جارىك ماسەلەلەرىن ايتتى.
ازاماتتاردىڭ وتىنىشتەرى مەن ۇسىنىستارىنا جاۋاپ بەرە وتىرىپ, ەرلان قۋانىش ۇلى تۇرعىن ۇيلەر مەملەكەتتىك تۇرعىن ءۇي قورىنان تەك ءوز كەزەگىمەن بەرىلەتىنىن ايتىپ, ولاردى «باقىتتى وتباسى», «نۇرلى جەر» مەملەكەتتىك باعدارلامالارىنا قاتىسۋعا شاقىردى. سونىمەن قاتار كوممۋنالدى پروبلەمالار رەت-رەتىمەن شەشىلەتىنىن جەتكىزدى.
جەكە قابىلداۋعا كەلگەن ءار تۇرعىننىڭ ماسەلەسى ءوزىنىڭ نازارىندا بولاتىنىن ايتقان شاھار باسشىسى سالا جەتەكشىلەرىنە كوتەرىلگەن ماسەلەلەر بويىنشا ناقتى تاپسىرمالار بەردى.
