ساياسات • 09 جەلتوقسان، 2019

قازاقستان مەن كولۋمبيا ۆيزاسىز رەجيم ورناتتى

15 رەتكورسەتىلدى

كولۋمبيا استاناسىندا ەكى ەلدىڭ سىرتقى ىستەر مينيسترلەرىنىڭ ورىنباسارلارى دەڭگەيىندەگى قازاقستان-كولۋمبيا سىم-ارالىق ساياسي كونسۋلتاتسياسىنىڭ كەزەكتى راۋندى وتتى. بۇل تۋرالى ءسىم ءباسپاسوز قىزمەتى حابارلادى.

كەلىسسوزدەر بارىسىندا قازاقستان سىرتقى ىستەر مينيسترىنىڭ ورىنباسارى ەرجان اشىقباەۆ ەنەرگەتيكا، تاۋ-كەن ونەركاسىبى سالاسىنداعى ەكىجاقتى ىنتىماقتاستىقتى دامىتۋدىڭ جاقسى الەۋەتىنە، سونداي-اق قازاقستان رەسپۋبليكاسىنىڭ ترانزيتتىك جانە كولىكتىك مۇمكىندىكتەرىنىڭ تارتىمدىلىعىن ەسكەرە وتىرىپ، شاعىنجانە ورتا بيزنەس اراسىندا ىسكەرلىك بايلانىستاردى ورناتۋعا نازار اۋداردى. قازاقستان سىرتقى ساياسات ۆەدومستۆونىڭ باسشىسى مۇحتار تىلەۋبەردىنىڭ كولۋمبيانىڭ جاڭادان تاعايىندالعان سىرتقى ىستەر مينيسترى كلاۋديا بليۋمعا ارنالعان قۇتتىقتاۋلاردى جەتكىزە وتىرىپ، قازاقستاندىق ديپلومات نۇر-سۇلتان قالاسىندا ساياسي كونسۋلتاتسيالاردىڭ كەلەسى راۋندىن ونىڭ قاتىسۋىمەن وتكىزىلەتىنىنە سەنىم بىلدىردى.

وز كەزەگىندە كولۋمبيا سىرتقى ىستەر مينيسترىنىڭ ورىنباسارى فرانسيسكو ەچەۆەرري ساياسي ديالوگتىڭ دامۋىنا جوعارى باعا بەرىپ، 2015 جىلدان وتكىزىلىپ جۇرگەن قازاقستاندىق ديپلوماتتار مەن پرەزيدەنت جانىنداعى مەملەكەتتىك باسقارۋ اكادەمياسىنىڭ ستۋدەنتتەرى ۇشىن يسپان تىلى كۋرستارىن  جالعاستىرۋعا دايىن ەكەندىگىن بىلدىرىپ، ساۋدا-ەكونوميكالىق جانە مادەني-گۋمانيتارلىق ىنتىماقتاستىقتىڭ كەڭەيۋىنە ۇمىت بىلدىردى.

كەلىسسوزدەر بارىسىندا تاراپتار حالىقارالىق بەيبىتشىلىك پەن قاۋىپسىزدىكتى ساقتاۋ، جاڭا سىناقتار مەن قاۋىپ-قاتەرلەرگە قارسى ارەكەت ەتۋ، يادرولىق قارۋدى تاراتپاۋ جانە تەرروريزمگە قارسى كۇرەس ماسەلەلەرىمەن تىعىز جۇمىس ىستەۋگە قىزىعۋشىلىق بىلدىرە وتىرىپ، سونداي-اق ەىدۇ-عا قوسىلۋدىڭ  پراكتيكالىق اسپەكتىلەرىن تالقىلادى جانە حالىقارالىق ۇيىمدار شەڭبەرىندەگى ءوزارا قولداۋ تۋرالى ۋاعدالاستى.

كەلىسسوزدەردىڭ قورىتىندىلارى بويىنشا ەكى ەلدىڭ سىرتقى ساياسي ۆەدومستۆولاردىڭ وكىلدەرى ديپلوماتيالىق جانە قىزمەتتىك پاسپورتتاردىڭ يەلەرىن ۆيزالىق تالاپتاردان بوساتۋ تۋرالى كەلىسىمگە قول قويدى. كەلىسىمگە قول قويۋ ءوزارا تۇسىنىستىك قاعيداسى نەگىزىندە ازاماتتاردىڭ قىسقا مەرزىمدى ساپارلارى ءۇشىن جەڭىلدەتىلگەن ۆيزالىق رەجيمدى تولىقتىراتىن بولدى.

سوڭعى جاڭالىقتار

شقو-دا قار كوشكىنى ءجۇردى

ايماقتار • بۇگىن، 17:25

بالالىق شاقتىڭ كورمەسى

قوعام • بۇگىن، 15:56

قىلقالامنىڭ ۇشىنداعى بۋراباي

ايماقتار • بۇگىن، 15:25

اقمولادا براكونەرلەر قۇرىقتالدى

ايماقتار • بۇگىن، 15:18

ۇلى حاكىم ۇلاعاتى ۇرپاققا ۇلگى

رۋحانيات • بۇگىن، 15:09

قازاقتىڭ تۇڭعىش ابايتانۋشىسى

رۋحانيات • بۇگىن، 14:24

انا ءتىلى – ارىم دەيتىن جاستار كوپ

قازاقستان • بۇگىن، 09:21

«اقىلعا ساۋلە قونباسا...»

قوعام • بۇگىن، 08:03

قاتىگەزدىك قايدان شىعادى؟!

قوعام • بۇگىن، 07:46

ۇقساس جاڭالىقتار