قوعام • 09 جەلتوقسان، 2019

نۇر-سۇلتان قالاسىندا «ەلوردا جاستارى 2019» جەڭىمپازدارى ماراپاتتالدى

20 رەتكورسەتىلدى

نۇر-سۇلتاندا جىل سايىن وتەتىن  «ەلوردا جاستارى 2019» بايقاۋىنىڭ 15 نوميناتسياسى بويىنشا جەڭىمپازدار انىقتالدى. ءبىر اي ىشىندە 14-29 جاس ارالىعىنداعى ەلوردالىق جاستاردان 1000-نان استام ءوتىنىش كەلىپ ءتۇستى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.

«ەلباسىنىڭ باستاماسىمەن 2019 جىل جاستار جىلى بولىپ جاريالاندى. ءبىزدىڭ جاستارىمىز بارلىق سالادا ەلەۋلى جەتىستىكتەرگە جەتتى. مۇنىڭ ءبارى قاجىرلى ەڭبەك پەن ءبىلىمنىڭ ارقاسىندا. نۇر-سۇلتان قالاسى – ارماندار ورىندالاتىن قالا. جاستاردىڭ قالاسى. جاستار ەلوردامىزدىڭ دامۋىنا ۇلكەن ۇلەس قوسىپ كەلەدى. جاستار ءۇشىن جاعداي جاسالۋدا، مىسالى، Nazarbayev University، Astana IT Hub، Seedspace، Astana IT University اشىلدى. كەلەسى جىلدى پرەزيدەنت ەرىكتىلەر جىلى دەپ جاريالادى. بەلسەندىلىك تانىتۋعا شاقىرامىن. بارلىق نومينانتتار مەن جەڭىمپازداردى قۇتتىقتايمىن»، دەدى ا. كولگىنوۆ.

وسىلايشا، «عىلىم» نوميناتسياسى بويىنشا ەرساحانوۆ قۋانىش، «زاماناۋي شىعارماشىلىق جانە ونەر» - توقتاسىنوۆا اقبوتا، «جۋرناليستيكا» - دانيار ريزا، «قوعامدىق قىزمەت» - ابدۋراشيتوۆ اسىلبەك «سپورت» - مۋسايفوۆ ماديار، «كينو جانە تەاتر» - سامات ازىمقۇلوۆ، «ەسترادا» – ميراس جۇگىنىسوۆ، «الەۋمەتتىك سالانىڭ ۇزدىك قىزمەتكەرى» - جۇنىساليەۆتار وتباسى، ء«وندىرىستىڭ ۇزدىك قىزمەتكەرى» - وتاروۆا سابينا، «جاس كاسىپكەر» - باپانوۆا ايگەريم، «جىل ەرىكتىسى» - مۋرات ميراس، «جىل ستۋدەنتى» - ورال ابدراۋف، «ۇزدىك مەملەكەتتىك قىزمەتشى» - ەرمانوۆا تاڭشولپان»، «ۇزدىك جاستار تەاترى» نوميناتسياسىن «شاڭىراق» تەاترى جەڭىپ الدى.

جەڭىمپازدار اقشالاي سىيلىقتارمەن جانە اتاۋلى كۋبوكتارمەن ماراپاتتالدى.

سوڭعى جاڭالىقتار

ۇقساس جاڭالىقتار