رۋحانيات • 08 جەلتوقسان، 2019

«جەلتوقسانشى» جەتكىنشەك ەسكە الىندى

58 رەتكورسەتىلدى

قىزىلجار قالاسىندا ۆولەيبولدان نۇرجان قالياسكەروۆتى ەسكە الۋعا ارنالعان كەزەكتى جارىس ءوتتى. جەلتوقسان كۇندەرىندە العان جاراقاتتان قايتىس بولعان جەتكىنشەكتى ەسكە الىپ، رۋحىنا قۇرمەت كورسەتىلەتىن جارىستى 1996 جىلدان بەرى ن.قالياسكەروۆ اتىنداعى «جەلتوقسان» قورى وتكىزىپ كەلەدى.

بۇل قوردى قۇرىپ، جارىستى ۇيىمداستىراتىن ءوزىمىزدىڭ ارىپتەسىمىز، پاتريوت اعامىز ءومىر ەسقالي. وسى كۇنى ول «جەلتوقسان» وقيعاسىنا قاتىسقان بارلىق ازاماتتاردى، نۇرجان قالياسكەروۆتىڭ تۋىستارىن، وبلىسقا بەلگىلى قوعام جانە سپورت قايراتكەرلەرىنىڭ باسىن قوسادى.

جيىنعا قاتىسۋشىلاردىڭ ءبىرى باعدات مۇقانوۆا: «مەن دە قازمۋ-ءدىڭ تاريح فاكۋلتەتىندە وقىپ جۇرگەندە سول وقيعاعا قاتىسقان اداممىن. جەلتوقسانشىنى ەسكە الىپ، قۇرمەت كورسەتىلىپ جاتقانىنا ريزاشىلىعىمدى بىلدىرەمىن»، دەدى.

نۇرجان قالياسكەروۆ 1986 جىلى الماتىداعى ساۋلەت-قۇرىلىس ينستيتۋتىندا وقىپ ءجۇرىپ، جەلتوقسان وقيعاسىنا قاتىسقان. سول جەردە اۋىر دەنە جاراقاتىن الىپ، سونىڭ سالدارىنان سىرقاتقا ۇشىراپ، بىرنەشە جىلدان كەيىن قايتىس بولعان. ارتىندا ءبىر ۇلى قالدى. 

كەشەگى ۆولەيبول تۋرنيرىنە وبلىستىڭ بارلىق ايماقتارىنان 13 كوماندا قاتىستى. جەڭىمپاز كومانداعا وبلىستىق ءىىب سىيلىعى تابىس ەتىلدى. «جەلتوقسان قورىنىڭ» اتىنان ءو.ەسقالي وقيعاعا قاتىسۋشىلارعا سىي-سياپاتتار تارتۋ ەتتى. سونىڭ ىشىندە وزدەرىنە جازاسىن وتەۋگە كەلگەندە «دەكابريست» دەپ جەلتوقسانشى ق.كۇزەمباەۆقا دارىگەرلىك كومەك كورسەتپەگەن «ادام جانىنىڭ» اراشاسىن جازالاپ، كومەك كورسەتۋگە مىندەتتەگەن سول كەزدەگى كولونيا باستىعىنىڭ ورىنباسارى ەركەبۇلان بەكتۇروۆتىڭ يىعىنا شاپان جاپتى. بۇل ازاماتتىڭ ادامگەرشىلىگى مەن پاتريوتتىعى ەرەسەن ەكەندىگى كورىنىپ تۇر. «سول ءىسىم ءۇشىن ماعان كوز الارتقاندار از بولعان جوق. سونىڭ ىشىندە ءوزىمىزدىڭ قازاقتار دا بولدى» دەيدى ول.

ءسويتىپ، جەلتوقسان قۇرباندارى ەلىمىزدىڭ تەرىستىگىندە وسىلاي ەسكە الىندى. جارىستىڭ سوڭىنان ولاردىڭ رۋحتارىنا قۇران باعىشتالىپ، اس بەرىلدى.     

قىزىلجار

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • 25 قاڭتار، 2020

ەلەكتىڭ سورى – التى ۆالەنتتى حروم

ەكولوگيا • 25 قاڭتار، 2020

بقو پوليتسياسى 440 وتباسىن تەكسەردى

ايماقتار • 25 قاڭتار، 2020

تۇركيادا جەر سىلكىنىسى بولدى

الەم • 25 قاڭتار، 2020

قىزىلوردا: قازالىداعى قونىس توي

ايماقتار • 25 قاڭتار، 2020

دزيۋدو: بۇگىن جۇلدە بۇيىرمادى

كۇرەس • 24 قاڭتار، 2020

پرەزيدەنت اكىمدەرمەن كەڭەس وتكىزدى

پرەزيدەنت • 24 قاڭتار، 2020

ۇقساس جاڭالىقتار