«اقش-تىڭ اشىق چەمپيوناتىندا التىن مەدال الىپ, جۇزۋدەن الەمدىك دەڭگەيدەگى سپورتشى ەكەنىڭىزدى تاعى ءبىر دالەلدەپ وتىرسىز. قازاقستان ۇلتتىق وليمپيادالىق كوميتەتى مەن بارشا وتاندىق جانكۇيەرلەردىڭ جانە جەكە ءوز اتىمنان ءسىزدى تاماشا جەڭىسىڭىزبەن قۇتتىقتايمىن!
ءسىزدىڭ بارلىق جۇلدەڭىز ۇزاق ءارى تىنىمسىز ەڭبەكتىڭ جەمىسى. ءسىز قازاقستاندىق جاس سپورتشىلار ءۇشىن ۇلگىسىز. الدا بارشامىزدى 2020 جىلى توكيودا وتەتىن وليمپيادا ويىندارى كۇتىپ تۇر. جاپونيا استاناسىنا وليمپيادا چەمپيونى رەتىندە اتتانباقسىز. ءسىز قازاقستانعا تاريحي جەڭىس سىيلاپ ۇلگەردىڭىز. 2020 جىلعى دودادا جەڭىس دەگەن جىگەرىڭىز بەن مىقتى مىنەزىڭىزدىڭ ارقاسىندا تاعى دا الەم حالقىن تاڭ قالدىراسىز دەگەن ۇمىتتەمىن.
ءسىزدىڭ دايىندىق كەزەڭىڭىز قانداي دا ءبىر جاراقاتسىز جانە ءۇزىلىسسىز وتۋىنە تىلەكتەسپىن. كەلەسى وليمپيادا ويىندارىنا ناعىز بابىندا اتتاناتىن سپورتشىلاردىڭ ءبىرى دەپ ەسەپتەيمىن. دەنىڭىز ساۋ بولسىن! تابىس جانە جارقىن جەڭىس تىلەيمىن», - دەلىنگەن ۇوك پرەزيدەنتىنىڭ قۇتتىقتاۋ حاتىندا.
