ولار حالىقارالىق جانە رەسپۋبليكالىق سايىستاردا 90 التىن, 124 كۇمىس, 138 قولا مەدالداردى يەلەندى. ايتا كەتەرلىگى, ءبىزدىڭ وقۋشىلار 11 سىنىپ وقۋشىلارى اراسىنداعى پرەزيدەنتتىك وليمپيادادا, جالپى پاندەردىڭ رەسپۋبليكالىق وليمپياداسىندا جانە عىلىمي جوبالار بويىنشا وتكەن بايقاۋدا كوماندالىق ءبىرىنشى ورىندى جەڭىپ الدى.
جاقىندا الماتى اكىمى باقىتجان ساعىنتاەۆ حالىقارالىق جانە رەسپۋبليكالىق وليمپيادالار مەن بايقاۋلاردىڭ جەڭىمپازدارى – قالا مەكتەپتەرى مەن كوللەدجدەردىڭ وقۋشىلارىن قۇتتىقتادى, دەپ حابارلادى قالا اكىمدىگىنىڭ ءباسپاسوز قىزمەتى.
«بۇل سىزدەردىڭ ەرەن ەڭبەكتەرىڭىزدىڭ ناتيجەسى, دارىندى اشىپ, ونى دۇرىس باعىتقا بۇرا بىلگەن اتا-انالار مەن پەداگوگتاردىڭ قولداۋى», - دەپ اتاپ ءوتتى ب. ساعىنتاەۆ.
ول ءوزىنىڭ سوزىندە ازىرلەنىپ, قازىرگى كەزدە قوعامدىق تالقىلاۋعا ۇسىنىلعان «الماتى-2050» ستراتەگياسىندا بولاشاقتىڭ قالاسىن دامىتۋدا زياتكەرلىككە ەرەكشە ءمان بەرىلەتىنىن ايتتى.
ء«بىز ءىت پارك قۇرامىز, كرەاتيۆتى يندۋستريا جوبالارى باسىمدىق الاتىنداي ەتىپ قالا ەكونوميكاسىن قايتا جاسايمىز. دەمەك, سەندەر قازىر الىپ جاتقان جانە كەيىن كوللەدجدەر مەن جوعارى وقۋ ورىندارىندا جالعاستىراتىن بىلىمدەرىڭدى وسىلارعا جۇمسايتىن بولاسىڭدار», - دەدى قالا اكىمى ب. ساعىنتاەۆ.
كەزدەسۋ بارىسىندا وقۋشىلار بىرقاتار ۇسىنىستار ايتتى. ونىڭ ءبىرى «التىن دارىن» ەرەكشە توسبەلگىسىن بەلگىلەۋگە قاتىستى بولدى. الماتى اكىمى بۇل باستامانى قولدادى جانە ماراپاتتىڭ ديزاينىن بالالاردىڭ وزدەرى جاساۋىن ۇسىندى. ول وقۋ جىلىنىڭ اياعىندا تاپسىرىلاتىن بولادى.
اعىمداعى جىلى جاراتىلىستانۋ-ماتەماتيكا پاندەرى بويىنشا وتكەن پرەزيدەنتتىك وليمپياداعا ەلىمىزدىڭ بارلىق وڭىرىنەن 174, ونىڭ ىشىندە الماتىدان 19 وقۋشى قاتىستى. ولاردىڭ اراسىندا 13 وقۋشى جۇلدەلى ورىنداردى يەلەندى. كوماندالىق ەسەپتە الماتىلىقتار قاتارىنان جەتىنشى رەت ۇزدىك اتاندى.
ء«وزىن-ءوزى تانۋ» ءپانى بويىنشا وتكەن رەسپۋبليكالىق وليمپياداعا قاتىسقان 76 وقۋشىنىڭ ۇشەۋى الماتىلىقتار. بالالار رەسپۋبليكا بويىنشا ءبىرىنشى ورىندى يەلەندى. WorldSkills Kazakhstan 2019 ۇلتتىق چەمپيوناتىنىڭ قورىتىندىسى بويىنشا 30 كونكۋرسانتتاردىڭ ىشىندە الماتىدان قاتىسقان سەگىز وقۋشى جۇلدەلى ورىنداردى جەڭىپ الدى.
الماتى
