اتاپ ايتقاندا, 5 جەلتوقسان كۇنى ساعات 19:00 باستاپ جاۋىن-شاشىن جانە كوكتايعاققا بايلانىستى رەسپۋبليكالىق ماڭىزى بار ا-1 «نۇر-سۇلتان-پەتروپاۆل» اۆتوموبيل جولىنىڭ 304-341 شاقىرىم (كوكشەتاۋ قالاسىنان سقو شەكاراسىنا دەيىن) ارالىعى جانە 341-473 شاقىرىم (اقمولا وبلىسى شەكاراسىنان پەتروپاۆل قالاسىنا دەيىن) ارالىعى كولىكتىڭ بارلىق ءتۇرىنىڭ قوزعالىسىنا ۋاقىتشا جابىلدى.
سونىمەن قاتار 5 جەلتوقسان, ساعات 12:40-تان باستاپ قاراعاندى وبلىسى اۋماعىندا دا كوكتايعاققا بايلانىستى «الماتى-ەكاتەرينبۋرگ» تاسجولىنىڭ 1003-641 شاقىرىم (قاراعاندى-بالقاش قالالارى ارالىعى) ارالىعىندا, «قىزىلوردا-پاۆلودار» اۆتوجولىنىڭ 906-424 شاقىرىم (توپار كەنتىنەن جەزقازعان قالاسىنا دەيىن) ارالىعىندا جۇك جانە قوعامدىق كولىكتەردىڭ قوزعالىسىنا تىيىم سالىندى.
اقتوبە وبلىسىندا 5 جەلتوقسان كۇنى ساعات 20.00-دەن باستاپ قار مەن بۇرقاسىن سالدارىنان «سامارا-شىمكەنت» رەسپۋبليكالىق ماڭىزى بار تاسجولىنىڭ 843-شاقىرىمىنان ء(دوڭ اۋىلى) 965-شاقىرىمىنا دەيىنگى (قارابۇتاق اۋىلى) ارالىعىندا قوزعالىس توقتاتىلدى.
