شارا باسىندا رەكتور تاكير بالىقباەۆ پەن «استانا» تەلەارناسىنىڭ باسشىسى قۇرمانبەك جۇماعالي ىنتىماقتاستىق تۋرالى مەموراندۋمعا قول قويدى.
كەزدەسۋ بارىسىندا قۇرمانبەك جۇماعالي اباي اتىنداعى قازۇپۋ ستۋدەنتتەرىنە شەبەرلىك ساباعىن وتكىزدى. تانىمال ءتىلشى ءوزىنىڭ جەكە وقيعالارىمەن جانە كاسىبي كەڭەستەرىمەن ءبولىستى. تەلەارنا قىزمەتى مەن تىلشىلەردىڭ كۇردەلى جۇمىسى تۋرالى, اسىرەسە, بەلگىلى ءبىر باعدارلامانى جۇزەگە اسىرۋ جانە شىعارماشىلىق تۇرعىدان ءوزىن-ءوزى قالىپتاستىرۋ بويىنشا كەڭەستەرىن ايتتى.
ستۋدەنتتەردى كاسىبي ءتىلشى قانداي بولۋى كەرەك دەگەن سۇراق مازالادى. وسى ماسەلە بويىنشا قۇرمانبەك جۇماعالي ءوز پىكىرىن ءبىلدىردى:
-ءتىلشى اقپاراتتىڭ «كومەكشىسى» بولۋى كەرەك. ول اقپاراتتى تەرەڭ زەرتتەپ, جەتىلدىرۋى كەرەك. رەيتينگكە ۇمتىلۋ ماقساتىندا ادامداردىڭ تىنىشتىعىن بۇزاتىن حابارلاردى تاراتۋعا بولمايدى. ءتىلشى ءۇشىن بىرنەشە سوزبەن اقپاراتتى ناقتى جەتكىزە ءبىلۋ ماڭىزدى, ول بارلىعىنا تۇسىنىكتى جانە قىزىقتى بولۋى قاجەت.
سپيكەر اقپاراتتى دۇرىس قابىلداۋ, ءتۇرلى دەرەككوزدەردى پايدالانۋ, قۇقىقتىق نورمالاردى ءبىلۋ كەرەك ەكەنىن اتاپ ءوتتى. بارلىق سۇراقتارعا ستۋدەنتتەر قۇرمانبەك جۇماعاليدان تولىق جاۋاپتار عانا ەمەس, سونداي-اق ناقتى كەڭەستەر الدى.
