ايماقتار • 03 جەلتوقسان، 2019

«قازىرگى قازاقستان. ەلباسىنىڭ كوشباسشىلىعىنىڭ ساباقتارى» جالپىرەسپۋبليكالىق اشىق ساباق ءوتتى

41 رەتكورسەتىلدى

اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە تۇڭعىش پرەزيدەنتى كۇنىنە وراي «قازىرگى قازاقستان. ەلباسىنىڭ كوشباسشىلىعىنىڭ ساباقتارى» جالپىرەسپۋبليكالىق اشىق ساباق ءوتتى.

شاراعا اباي اتىنداعى قازۇپۋ رەكتورى تاكير بالىقباەۆ، پارلامەنت سەناتىنىڭ دەپۋتاتى دينار نوكەتاەۆا، تۇڭعىش پرەزيدەنت ەلباسى - كىتاپحاناسىنىڭ جەتەكشى عىلىمي قىزمەتكەرى، پروفەسسور عازيز تەلەباەۆ، ۋنيۆەرسيتەتتىڭ ينستيتۋت باسشىلارى مەن ءبىلىم الۋشىلارى قاتىستى.

ءىس-شارا قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ كىتاپحاناسىنىڭ عىلىمي-كورمە جوباسى اياسىندا تۇسىرىلگەن «قازاقستان-جاپونيا: يادرولىق قارۋسىز الەمگە جول» دەرەكتى ءفيلمىنىڭ كورسەتىلىمنەن باستالدى. فيلم ەلباسىنىڭ يادرولىق قارۋسىز الەم ءۇشىن جاھاندىق قوزعالىستىڭ دامۋىنا قوسقان ۇلەسى مەن ءتۇرلى اسپەكتىلەرىنە، ەلىمىزدىڭ ەڭ ماڭىزدى باستامالارىنا ارنالعان.سونداي-اق، فيلمدە قازاقستان مەن جاپونيانىڭ بۇكىل الەم ءۇشىن يادرولىق قارۋدىڭ جويقىن سالدارى تۋرالى حالىقارالىق قاۋىمداستىقتى اقپاراتتاندىرۋداعى بىرلەسكەن ارەكەتتەرى تۋرالى باياندالادى.دەرەكتى ءفيلمنىڭ مىندەتى - كەيىنگى ۇرپاققا ەكى ەلدىڭ حالىقتارى باسىنان وتكەرگەن قاسىرەت تۋرالى - 1945 جىلى حيروسيما مەن ناگاساكي قالالارىن بومبالاۋ جانە سەمەي يادرولىق پوليگونىندا قىرىق جىلعا سوزىلعان سىناقتار تۋرالى ايتۋ بولاتىن. بۇل جاستارىمىزدىڭ ەل تىنىشتىعى مەن تاۋەلسىزدىگىن باعالاي ءبىلۋى ءۇشىن تاپتىرماس ساباق.

ءىس-شارانى رەكتور تاكير بالىقباەۆ اشىپ «قازاقستاننىڭ تۇڭعىش پرەزيدەنتىن جاھاندىق يادرولىق قارۋعا قارسى قوزعالىستىڭ كوشباسشىسى رەتىندە الەمدىك قوعامداستىق ءادىل مويىنداپ وتىر. مۇنى نۇرسۇلتان نازارباەۆتىڭ يادرولىق قارۋسىزدانۋ ىسىنە قوسقان زور ۇلەسى ءۇشىن ءار جىلدارى جاپونيانىڭ ەڭ جوعارى مەملەكەتتىك ناگرادالارىمەن ماراپاتتاۋى راستايدى»، دەپ اتاپ ءوتتى.

ستۋدەنتتەر الدىندا دەپۋتات دينار نوكەتاەۆا مەن پروفەسسور عازيز تەلەباەۆ اشىق دارىستەر وقىدى. دينار نوكەتاەۆا تۇڭعىش پرەزيدەنت كۇنىنىڭ ماڭىزدىلىعىن، مەملەكەت باسشىسى ن. ءا. نازارباەۆتىڭ ەل تاۋەلسىزدىگىنىڭ قالىپتاسۋىنداعى ءرولىن، ونىڭ الەمدىك ساياساتتاعى بەدەلىن اتاپ ءوتتى. ال عازيز تەلەباەۆ تىڭداۋشىلاردى قر تۇڭعىش پرەزيدەنتى - ەلباسى نۇرسۇلتان نازارباەۆتىڭ كىتاپحاناسى قىزمەتىمەن تانىستىرىپ، ونىڭ قورىندا جينالعان ماتەريالدار تۋرالى اڭگىمەلەدى. فيلولوگيا جانە كوپتىلدى ءبىلىم بەرۋ ينستيتۋتىنىڭ ستۋدەنتى ديلناز يۋسۋپوۆا تانىمدىق ءدارىستى ۇيىمداستىرۋشىلارعا ستۋدەنتتەر اتىنان العىس ءبىلدىردى.

741

سوڭعى جاڭالىقتار

ءوز قارجىسىنا كىتاپحانا سالعان

ايماقتار • بۇگىن، 10:08

ساباننان جاسالعان قالاشىق

ايماقتار • بۇگىن، 10:05

وتانعا قىزمەت – ورتاق پارىز

قوعام • بۇگىن، 09:48

اۋىلعا كەل، جاس دارىگەر

ايماقتار • بۇگىن، 09:37

تاريح. تۇلعا. تۇركىستان

رۋحانيات • بۇگىن، 09:06

ادامدىقتىڭ قاينارى

رۋحانيات • بۇگىن، 08:55

بەرىك ءۋالي: اباي مەن الاش

رۋحانيات • بۇگىن، 08:54

التى كولىك قار قۇرساۋىنان شىعارىلدى

ايماقتار • 18 قاڭتار، 2020

18 قاڭتارعا ارنالعان اۋا-رايى بولجامى

قازاقستان • 18 قاڭتار، 2020

الماتى جاسىل قالاعا اينالادى

ەكولوگيا • 17 قاڭتار، 2020

ۇقساس جاڭالىقتار