شەتەلدىك ينۆەستورلار كەڭەسىنىڭ ينۆەستيتسيالىق ساياساتتى ىسكە اسىرۋ بويىنشا بىرلەسكەن جۇمىس توپتارىنىڭ ەنەرگەتيكا, ەكولوگيا جانە مۇنايگاز سالاسى , ەڭبەك زاڭناماسى, ادام كاپيتالىن دامىتۋ جانە شەتەلدىك جۇمىس كۇشىن تارتۋ ماسەلەلەرى تۋرالى قىزمەتى جونىندە «EY» كومپانياسىنىڭ قازاقستان جانە ورتالىق ازيا بويىنشا باسقارۋشى سەرىكتەسى ە. دوسىمبەكوۆ, «ادجيپ كاسپيان سي بي ۆي» باسقارۋشى ديرەكتورى ن. اگگودجەري, قازاقستان, قىرعىزستان جانە تاجىكستاندا وتكىزۋ جانە ماركەتينگ جونىندەگى «كناۋف» ديرەكتورى د. پروپپ باياندادى.
وتىرىستا شەتەلدىك ينۆەستورلار كەڭەسىنىڭ 32-ءشى پلەنارلىق وتىرىسىنىڭ حاتتامالىق تاپسىرمالارىنىڭ ىسكە اسىرىلۋ بارىسى جانە «شيكىزاتتىق ەمەس ەكسپورتتى دامىتۋ» تاقىرىبىندا 2020 جىلى وتەتىن 33-ءشى وتىرىسىنا دايىندىق قارالدى.
«كەڭەستىڭ الداعى پلەنارلىق وتىرىسىنىڭ تاقىرىبى اسا وزەكتى. قازاقستاننىڭ ستراتەگيالىق دامۋ جوسپارىنا سايكەس, 2025 جىلعا قاراي ءبىز شيكىزاتتىق ەمەس تاۋارلار مەن كورسەتىلەتىن قىزمەتتەردىڭ ەكسپورتى كولەمىن $41 ملرد-قا دەيىن جەتكىزۋ كورسەتكىشىنە قول جەتكىزۋىمىز كەرەك», دەپ ناقتىلادى ا. مامين.
ۇكىمەت باسشىسى الداعى بەسجىلدىق كەزەڭگە ينۆەستيتسيالىق جوبالار پۋلىنىڭ جالپى كولەمى $120 ملرد-قا جۋىقتى قۇرايتىنىن ايتتى. بازالىق يندۋستريالاندىرۋ, اوك, كولىك, تۋريزم جانە ساۋدا-ساتتىق ينۆەستيتسيالار ءوسىمىنىڭ نەگىزگى درايۆەرلەرىنە اينالادى.
شاراعا كەڭەستىڭ شەتەلدىك مۇشەلەرىنىڭ تۇراقتى وكىلدەرىمەن قاتار, ۇكىمەت مۇشەلەرى, «اتامەكەن» ۇكپ جانە «بايتەرەك» ۇبح اق» باسشىلىعى قاتىستى.
