پارلامەنت • 27 قاراشا، 2019

سەنات توراعاسى سۋ رەسۋرستارىن ساقتاۋ جونىندە مەملەكەتتىك باعدارلاما ازىرلەۋدى ۇسىندى

8 رەتكورسەتىلدى

سەناتتا حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ۇيىمداستىرۋىمەن قازاقستاننىڭ سۋ قاۋىپسىزدىگى تاقىرىبى بويىنشا پارلامەنتتىك تىڭداۋ بولدى. بۇل تۋرالى پارلامەنت پالاتاسىنىڭ ءباسپاسوز قىزمەتى حابارلادى. 

كوميتەت توراعاسى مۇحتار قۇل-مۇحاممەد ءوز ارىپتەستەرىنە ارناعان سوزىندە كوميتەتكە داريعا نازارباەۆا توراعالىق ەتكەن كەزدە وسى ماسەلە وتىرىستاردا ەكى جىل بويى كوتەرىلگەنىن اتاپ ءوتتى. «ۇكىمەتكە بىرقاتار ۇسىنىستار بەرىلگەن بولاتىن، دەگەنمەن بۇل ماسەلەلەردىڭ تولىق شەشىمىن ءالى كورە قويعان جوقپىز»، - دەدى ول.

سۋ قورلارىن لاستاۋ، گيدروتەحنيكالىق قۇرىلىستاردىڭ ەسكىرۋى، سىبايلاس جەمقورلىق پەن قۇرىلىس ستاندارتتارىنىڭ ساقتالماۋى، ترانسشەكارالىق وزەندەرگە تاۋەلدى بولۋ، سۋ رەسۋرستارىن باسقارۋ جانە ولاردىڭ ساپاسىن باقىلاۋ جۇيەسىنىڭ جەتىمسىزدىگى، اۋىز سۋ جونىندەگى مەملەكەتتىك باعدارلامالاردىڭ ءتيىمسىز ىسكە اسۋى سۋمەن قامتاماسىز ەتۋ سالاسىنداعى نەگىزگى قاۋىپ-قاتەرلەر ەكەنى پارلامەنتتىك تىڭداۋدا ايتىلدى.

سەناتور قايرات قوجامجاروۆ پارلامەنتتىك تىڭداۋدا ءسوز الىپ، «اق بۇلاق»، «اۋىز سۋ» باعدارلامالارىنا بيۋدجەتتەن 1،2 ترلن تەڭگە جۇمسالعانىن، الايدا اۋىلدىق ەلدى مەكەندەردىڭ 51 پايىزى بۇرىنعىداي تازا اۋىز سۋعا قول جەتكىزە الماي كەلە جاتقانىن اتاپ ءوتتى. بۇل شامامەن 2،5 ملن ادام نەمەسە حالىقتىڭ 13 پايىزى بولىپ وتىر. سەناتور ۇكىمەتكە بولىنگەن بيۋدجەت قاراجاتىنىڭ ماقساتتى يگەرىلۋىنە باقىلاۋدى كۇشەيتۋدى ۇسىندى.

ەسەپ كوميتەتىنىڭ توراعاسى ناتاليا گودۋنوۆا ايتقانداي، سۋ رەسۋرستارى كوميتەتى بيۋدجەت قاراجاتىن جۇمساۋ جونىندەگى مەملەكەتتىك اۋديت 2،5 ملرد تەڭگە بولاتىن قارجى ءتارتىبىنىڭ بۇزۋشىلىقتارىن، ءتيىمسىز جوسپارلاۋ مەن مەملەكەتتىك رەسۋرستار پايدالانىلعان 26،3 ملرد تەڭگەنى، راسىمدىك ءتارتىپتىڭ 189 بۇزۋشىلىعىن انىقتادى.

ەلىمىزدەگى گەوگرافيا ينستيتۋتىنىڭ ديرەكتورى احمەتقال مەدەۋ ءوز سوزىندە بوگەت يەلەرىنە قاتىستى زاڭ ەرەجەلەرىن قاتايتۋدى كەرەكتىگىن اتاپ ءوتتى. ولار وزدەرى يە بولعان م ۇلىككە ينۆەستيتسيا سالماي، تۇسكەن پايدانى تۇگەلىمەن الىپ كەلەدى، ال توتەنشە جاعدايلاردىڭ سالدارىن جويۋدى مەملەكەتكە قالدىراتىنى ايتىلدى.

ۋ.م.احمەدسافين اتىنداعى گيدروگەولوگيا جانە گەوەكولوگيا ينستيتۋتىنىڭ ديرەكتورى ءمالىس ابسامەتوۆ سۋ نىساندارىن جوبالاۋ، قۇرىلىسى جانە پايدالانۋ جۇمىستارىن جۇرگىزۋگە قابىلەتتى بىلىكتى كادرلاردىڭ جەتىسپەۋشىلىگى كۇن تارتىبىندە وتكىر تۇرعانىن ايتتى.

د.نازارباەۆا پارلامەنتتىك تىڭداۋدى قورىتىندىلاي كەلىپ، مەملەكەتكە سۋ رەسۋرستارىن ساقتاۋ باعدارلاماسى قاجەت ەكەندىگىنە ەرەكشە نازار اۋداردى. بۇل پروبلەمانى زەردەلەۋ ەلدىڭ عىلىمي ينستيتۋتتارى ءۇشىن، اسىرەسە سۋ ۇنەمدەۋ تەحنولوگيالارىن قولدانۋ، بيۋدجەتكە تۇسەتىن اۋىرتپالىقتى ازايتۋى ىقتيمال ينۆەستيتسيالاردى تارتۋ الەۋەتى جونىندەگى باسىم مىندەت بولۋى ءتيىس.

سەنات توراعاسى سۋ قاۋىپسىزدىگى ماسەلەلەرىنە عانا جاۋاپتى بولاتىن مەملەكەتتىك ورگان قۇرۋدى دا ۇسىندى.

«سۋ قاۋىپسىزدىگى جونىندەگى العاشقى ەكى تىڭداۋدىڭ ۇسىنىمدارىندا تەك سۋ جانە سۋ قاۋىپسىزدىگىمەن عانا اينالىساتىن جەكە ۋاكىلەتتى ورگاننىڭ قاجەتتىگى تۋرالى ايتقان ەدىك. بۇل ماسەلە كۇن تارتىبىنەن الىنبايدى. بۇل مەملەكەتتىك ورگان – اگەنتتىك نەمەسە مامانداندىرىلعان ۇيىم، قانداي تۇردە جۇمىس ىستەيتىنى بەلگىسىز، بىراق ول تەك وسى ماسەلەلەرگە جاۋاپ بەرەتىن جەكە قۇرىلىم بولىپ، ولار بويىنشا جاۋاپتى ءارى ءوز ءىس-ارەكەتىنە جاۋاپ بەرۋى ءتيىس»، - دەدى د.نازارباەۆا.

پارلامەنتتىك تىڭداۋدىڭ قورىتىندىسى بويىنشا سەنات دەپۋتاتتارى ۇكىمەتكە جىبەرىلەتىن ۇسىنىمدار ازىرلەدى.

سوڭعى جاڭالىقتار

ازىق-ت ۇلىك باعاسى الاڭداتادى

پارلامەنت • بۇگىن، 08:12

جىلدىڭ جۇمىس جوسپارى ناقتىلاندى

پارلامەنت • بۇگىن، 08:06

ۇقساس جاڭالىقتار