ۇلتتىق بانك بۇگىنگى تاراتقان اي سايىنعى ەسەبىندە مامىر ايىنىڭ العاشقى ونكۇندىگىنەن باستاپ شەتەلدىك ۆاليۋتانى ساتىپ الۋعا جۇمسالعان قارجى اي سايىن 200 ملرد تەڭگەگە كوبەيگەنى ايتىلعان. 2019 جىلدىڭ باسىنان بەرى بۇل كورسەتكىش 2,4 ترلن تەڭگەگە جەتكەن. بۇل وتكەن جىلدىڭ وسى مەزگىلىمەن سالىستىرعاندا 24,3 پايىزعا كوپ. 2019 جىلدىڭ 10 ايىندا اقش ۆاليۋتاسىنىڭ تازا ساتىلىمى 1,6 ترلن تەڭگەنى, رەسەي رۋبلىمەن - 520,9 ملرد تەڭگەنى, ەۋرونمەن 300,6 ملرد تەڭگەنى قۇرادى. سونىمەن بىرگە قازان ايىندا بانكتەردىڭ شەتەل ۆاليۋتاسىنداعى دەپوزيتتەر پورتفەلى 6,3% ءوستى. زاڭدى تۇلعالاردىڭ «دوللارلىق» دەپوزيتتەرى 12,8% -عا ءوستى, ال حالىقتىڭ شەتەل ۆاليۋتاسىنداعى دەپوزيتتەرى 0,5% ازايدى.
قازاقستاندىق ۆاليۋتانىڭ ۇزاق مەرزىم ارالىعىنداعى توقتاۋسىز السىرەۋى حالىقتى ءوز قورلانىمدارىن امەريكالىق ۆاليۋتاعا اۋدارۋىنا يتەرمەلەۋدە.
ساراپشىلار حالىقتىڭ باسىم كوپشىلىگى قولدا بار تەڭگەنى اقش دوللارىنا ينۆەستيتسيالاۋ تابىس تابۋدىڭ ەڭ سەنىمدى فورماسى دەگەن كوزقاراستان ءالى كۇنگە دەيىن ارىلا الماي كەلە جاتقانىن ايتادى: قور بيرجاسى ارقىلى تابىس تابۋ مۇمكىندىگى حالىقتىڭ تۇرمىسىنا ءالى تەرەڭدەپ ەنە قويعان جوق..
ۆاليۋتالىق نارىقتا نەگىزگى باعداردى دوللار ايقىندايدى: 2018 جىلعى شىلدەدە حالىق امەريكالىق, ەۋروپالىق جانە رەسەيلىك ۆاليۋتالاردى ساتىپ الۋعا 236,3 ملرد تەڭگە جۇمساپتى – بۇل ماۋسىمداعىعا قاراعاندا 1,5 ەسە كوپ.
ايماقتاردى بولە-جارا قارار بولساق, ۆاليۋتانى بارىنەن دە الماتىدا بەلسەندىرەك ساتىپ الادى ەكەن: وسى ماقساتتا حالىق 82,2 ملرد تەڭگەسىن جۇمساپتى – رەسپۋبليكالىق كورسەتكىشتىڭ 35 پايىزى. ۆاليۋتالىق وپەراتسيالارعا مەيلىنشە نەمقۇرايدىلىق قىزىلوردا وبلىسىندا كورىنىس بەرگەن – 1,6 ملرد تەڭگەدەن ءسال عانا ارتىق.
قىركۇيەك ايىندا دوللاردى (نەتتو-ساتىپ الۋ – 1,6 ملرد دوللار), ازداپ ەۆرونى (124,4 ملن) ساتىپ العان جانە ءرۋبلدى (-305,5 ملن) ساتقان.
الماتى
