وسىعان وراي جۋىردا مادەنيەت جانە سپورت مينيسترلىگى جانە «Kazakh Tourism ۇك» مۇرىندىق بولۋىمەن «بۋراباي» كۋرورتتىق ايماعىندا باق وكىلدەرىنە ارنالعان ارنايى ءباسپاسوز تۋرى ۇيىمداستىرىلدى. ءىس-شارا بارىسىندا جۋرناليستەرگە ەلىمىزدىڭ تۇمسا تابيعاتىنىڭ سۇلۋلىعىن, تاريحىن, حالقىمىزدىڭ قوناقجايلىعى مەن ۇلتتىق داستۇرىنەن سىر شەرتەتىن كوپ سەريالى ءKórىktى Qazaqstan ءفيلمى كورسەتىلدى. ءدال وسى بەينەروليك الداعى ۋاقىتتا «الەم ارۋى» بايقاۋىندا شەتەلدىكتەردىڭ نازارىنا ۇسىنىلادى.
ءفيلمنىڭ ءتۇسىرىلىمى بارىسىندا ءمادينا «قازاق ارۋى» رەتىندە ەلىمىزدىڭ بىرقاتار كورىكتى جەرلەرىن ارالاپ شىققان. اتاپ ايتار بولساق, ماڭعىشلاق تۇبەگىندەگى قيال عاجايىپقا تولى بوزجىرا شاتقالى, ىلە الاتاۋى بوكتەرىندەگى الەمگە ايگىلى شىمبۇلاق تاۋ-شاڭعى كۋرورتى, شارىن شاتقالى, قايىڭدى كولى مەن ورتاعاسىرلىق ساۋلەت ونەرىنىڭ جاۋھارى – ساۋران قالاسى, «اسسى» ۇستىرتىندەگى الەمگە ايگىلى وبسەرۆاتوريا, تۇركىستان قالاسىنداعى قوجا احمەت ياساۋي كەسەنەسى, قۇپياعا تولى اقمەشىت ۇڭگىرى, تىنىشتىقتىڭ شەكسىز كورىنىسى – كاسپي تەڭىزى, سونداي-اق ۋلترازاماناۋي شاھار, ەل استاناسى نۇر-سۇلتاندى ارالاپ شىقتى.
كەيىپكەرىمىزدىڭ ايتۋىنشا, ءتۇسىرىلىم ەكسترەمالدى رەجيمدە ءوتىپ, ومىرگە قاۋىپ توندىرەتىن ساتتەر دە بولىپتى. ماسەلەن, ءمادينا بۋتاكوۆ شاتقالىندا ۇستىنە سالماعى 20 كيلو تارتاتىن كيىممەن اتقا ءمىنىپ تاۋ بەتكەيىنە كوتەرىلگەن. سونداي-اق بەلسەندى ءتۋريزمنىڭ ءبىر ءتۇرى سانالاتىن رافتينگشىلەر كومانداسىمەن بىرگە تۇرگەن وزەنىنىڭ قاتتى اعىسىنا توتەپ بەرۋىنە تۋرا كەلگەن.
14 جەلتوقساندا لوندوندا وتەتىن «الەم ارۋى» حالىقارالىق بايقاۋىندا ءمادينا باتىس قازاقستان ءوڭىرىنىڭ نامىسىن قورعاپ, ءKórىktى Qazaqstan جوباسىن تانىستىرادى. «الەم ارۋى» بايقاۋىنىڭ الاڭىن ءتيىمدى پايدالانىپ, قازاقستاننىڭ وزگە ەلدەر اراسىندا تانىمالدىلىعىن ارتتىرۋعا بولادى. سەبەبى «الەم ارۋىن» سول كۇنى 200 ەلدەن 2,8 ميللياردتان استام ادام تاماشالايدى دەپ بولجانۋدا.
