شىن مانىندە, ءسىز «رۋحاني جاڭعىرۋ» باعدارلاماسى تۋرالى ەستىدىڭىز بە؟» دەگەن سۇراققا جاۋاپ زەرتتەۋدىڭ ماقساتى بولدى – ءبىزدىڭ ازاماتتارىمىز باعدارلاما تۋرالى قانشالىقتى جاقسى اقپاراتتاندىرىلعان, ونىڭ مازمۇنىن, باعىتتارىن, ارنايى جوبالارىن بىلە مە؟ ادەيى قويىلعان وسىنداي تار شەڭبەرلى ءارى قاساڭ تۇجىرىمدالعان سۇراق وسى باعدارلامانىڭ حالىققا قانشالىقتى جەتكەنىن جانە حاباردارلىقتىڭ جالپى دەڭگەيىن بىلۋگە مۇمكىندىك بەردى.
جاۋاپتار كورسەتكەندەي, سۇرالعانداردىڭ 76,4%-ى جوعارىداعى سۇراققا وڭ جاۋاپ بەردى. 21,8%-ى باعدارلاما تۋرالى ەستىمەگەندەرىن ايتقان.
ال 1,2%-ى جاۋاپ بەرۋگە قينالعان.
جالپى, مۇنى جاقسى كورسەتكىش دەۋگە ابدەن بولادى. ساراپشىلاردىڭ ساۋالداماسى اياسىندا الىنعان ناتيجەلەر كوپشىلىكتىڭ باعدارلامادان حاباردار ەكەنىن بايقاتىپ وتىر.
سۇراققا دۇرىس جاۋاپ بەرمەگەندەردىڭ سانى بويىنشا كوشباسشى ءوڭىر – قىزىلوردا وبلىسى – 97%. وڭ جاۋاپتاردىڭ 80%-دان استامى اقمولا, تۇركىستان, ماڭعىستاۋ, الماتى جانە شىعىس قازاقستان وبلىستارىنا تيەسىلى. نۇر-سۇلتان قالاسى, اقتوبە, اتىراۋ, باتىس قازاقستان, جامبىل, قوستاناي جانە سولتۇستىك قازاقستان وبلىستارى جوعارىداعى كورسەتكىشتەن ءسال تومەن. ولاردا ء«يا, بىلەمىن» دەگەن جاۋاپتار سانى 74-تەن 78%-عا دەيىنگى ارالىقتا. پاۆلودار وبلىسىنداعى, الماتى قالاسىنداعى, قاراعاندى وبلىسىنداعى جانە شىمكەنت قالاسىنداعى كورسەتكىشتەر دە جامان ەمەس. (65-تەن 66%-عا دەيىنگى ارالىقتا).
زەرتتەۋگە بارلىعى 2500-دەن استام قازاقستاندىق قاتىستى.
الەۋمەتتىك زەرتتەۋ ناتيجەلەرى بويىنشا ساراپتامالىق باياندامامەن https://cisc.kz سايتىندا, «رەسۋرستار» بولىمىندە تانىسۋعا بولادى.
«رۋحاني جاڭعىرۋ» باعدارلاماسىنىڭ ناتيجەلەرىن باعالاۋ ماقساتىندا ۇلتتىق الەۋمەتتىك زەرتتەۋ قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ باستاماسىمەن «ازاماتتىق باستامالاردى قولداۋ ورتالىعى» جوباسى اياسىندا وتكىزىلدى.
