قوعام • 26 قاراشا، 2019

Qorgau جوباسى ازاماتتارعا قولۇشىن سوزادى

25 رەت كورسەتىلدى

ۋاقتىلى جانە ساپالى زاڭ­گەر­لىك كومەككە كوپشىلىگىمىز مۇق­تاج­بىز. سونىڭ ىشىندە ومىر­لىك قيىن جاعدايعا تاپ بولعان ازاماتتار، الەۋ­مەتتىك تۇرعىدان از قامتىلعان ادامدار اسا ءزارۋ. كاسىبي زاڭ­گەر­لەردىڭ قىزمەت كورسەتۋ اقىسى قىمبات، ونى كوپ ادام­نىڭ قال­تاسى كوتەرە بەر­مەيدى. سول سەبەپتى دە ءوز قۇقىعىن جەتە بىل­مەي­­تىن جاندار كوپ رەتتە تاعدىر توعىسىندا قورعانسىز قا­لىپ جاتادى. سونىڭ سالدارىنان قۇقىقتىق نيگيليزم ورناي­دى جانە حالىقتىڭ بيلىك قۇرى­لىمدارىنا، تۇتاستاي مەملەكەتكە دەگەن سەنىمسىزدىگى ارتادى.

سول سەبەپتى دە ەلىمىزدە 2019­­ جىل­دىڭ ماۋسىم ايىندا «Eurasian Expert Council» قو­عام­دىق قورى اقپارات جانە قوعامدىق دامۋ مينيسترلىگىنىڭ قول­داۋىمەن ازاماتتىق باستامالاردى قولداۋ ورتالىعىنىڭ گرانتتىق قارجىلاندىرۋى ارقى­لى Qorgau جوباسىن جۇزەگە اسى­رۋدى قولعا الدى. جوبانىڭ باس­تى ماقساتى – ومىرلىك قيىن جاعدايعا تاپ بولعان جانداردىڭ قۇقىقتىق ءبىلىم دەڭگەيىن ارتتىرۋ جانە ازاماتتاردىڭ قۇقىعىن قورعايتىن ۇلتتىق جۇيە قۇرۋ.

– بۇل – مەملەكەت تاراپى­نان جاسالعان تەڭدەسسىز قا­دام. ويت­­­كەنى ازاماتتاردى زاڭ­دى تۇر­عىدان قورعاۋ ءۇشىن ايتارلىق­تاي مول قارجى ءبولىنىپ وتىر. دا­لىرەك ايتقاندا، ءوزىنىڭ جاۋاپ­سىز وكىلدەرىنەن قورعاۋ ءۇشىن. بۇ­گىندە «Eurasian Expert Council» قو­عامدىق قورى جۇزەگە اسىرىپ وتىرعان Qorgau جوباسى قازاق­ستانداعى ەڭ ءىرى قۇقىق قورعاۋ جو­باسى سانالادى. جالپى، ەلىمىز بو­يىنشا ادۆوكاتتار القاسىنىڭ نەمەسە زاڭگەرلەر پالاتاسىنىڭ مۇ­شە­لەرى ساناتىنداعى 210 زاڭ­­­گەر كەڭەس بەرەدى. بۇل ەلوردادا، رەسپۋبليكالىق ما­ڭىز­­­دا­عى قالالار مەن وبلىس ور­تالىقتارىندا عانا ەمەس، سونى­مەن قاتار شالعايداعى ەلدى مەكەندەردە دە ىسكە اسىرىلۋدا. العاش رەت الىس اۋدان-اۋىلداردىڭ تۇر­­عىندارى تەگىن قول جەتكىزىپ وتىر. بۇل ءۇشىن ولار Qorgau ور­تا­­لىعى بار اۋدان ورتالىعىنا كەلسە بولعانى. ال ەگەر مۇنداي مۇمكىندىكتەرى بولماسا، قاجەتتى جەرگە زاڭگەرلەرىمىز وزدەرى بارادى، – دەيدى Qorgau جوباسىنىڭ مە­نەدجەرى شىڭعىس لەپسىباەۆ.

ياعني، ازاماتتار تەك كەڭەس الىپ قويمايدى. قاجەت بولعان جاع­­دايدا ولارعا تولىق تسيكلدى زاڭگەرلىك قىزمەتتەر ۇسىنىلادى. ما­سەلەن، ارىزىن قابىلداپ، قا­جەت­تى قۇجاتتارىن جيناقتاۋ، تا­لاپ رەسىمدەۋ، سوتتا مۇددەسىن قور­عاۋ ءىسى جۇزەگە اسىرىلادى، ياعني ءار ءىس لوگيكالىق شەگىنە دەيىن جەت­كىزىلەدى.

– جوبا جۇزەگە اسىرىلا باس­تاعاننان بەرى قازاقستاننىڭ تۇك­پىر-تۇكپىرىندەگى Qorgau ور­تالىقتارىنىڭ زاڭگەرلەرى ومىر­لىك قيىن جاعدايعا تاپ بولعان 11 مىڭنان استام ادامعا تەگىن كە­ڭەس بەردى، 400 ازاماتتىڭ قۇقىعى سوتتا قورعالدى، – دەپ مالىمدەدى قازاقستان حالقى اس­سام­بلەياسى توراعاسىنىڭ ورىن­با­سارى، سونداي-اق Qorgau جوبا­سىنىڭ ادام قۇقىعىن قورعاۋ سا­لاسىنداعى كەڭەسشىسى شەرزود پۋلاتوۆ.

ونىڭ ايتۋىنشا، ءوز تاجى­ريبەسىندە جوبا زاڭگەرلەرى ءتۇرلى جاع­داياتقا تاپ بولىپ جاتادى ەكەن. ماسەلەن، قوستاناي وبلى­سىنداعى Qوrǵau ورتالىعىنا ون­كولوگيالىق دەرتكە شالدىققان زەي­نەتكەر جولىعىپتى. بانكتەن العان نەسيەنىڭ شىرعالاڭى كە­سىرىنەن ەر ازامات كوك تيىنسىز قالىپتى. بەلگىلى بولعانداي، ول 200 مىڭ تەڭگە كولەمىندە نە­سيە العان، ال ەندى كۇن ساناپ وس­كەن پايىزدارىمەن قوسقان­دا 708 مىڭ تەڭگە قارىزدى قاي­تا­را الماي جۇرگەن. ماسەلە مۇنى­مەن بىتپەيدى. نوتاريۋستىڭ اتقا­رۋ­شى جازباسى بويىنشا جەكە سوت ورىنداۋشىسى ونىڭ ەلدەن شىعۋىنا شەكتەۋ قويىپتى. زەي­نەت­اقىسىنىڭ تەڭ جارتىسىن قارىزىن وتەۋ ءۇشىن ۇستاپ قال­عاندا قاريانىڭ قولىنا بار-جو­عى 30 مىڭ تەڭگە تيەدى ەكەن. ونىڭ ۇستىنە، ءوزىنىڭ ايتۋىنشا، قى­زى ۇيىنەن قۋىپ شىعىپ، بارار جەر، باسار تاۋى قالماعاندىقتان، اپ­كەسىنىڭ ءۇيىن پانالاپ ءجۇر ەكەن.

Qوrǵau ورتالىعىنىڭ زاڭگەرى نەسيە بەرگەن جشس-مەن بەيبىت كە­لىسىم جاساستى. زەينەتكەر فاك­تى بويىنشا 114 مىڭ تەڭگەنى تو­لەپ قۇتىلدى. ەندى قالعان 56 مىڭ تەڭگەنى تولەگەننەن كەيىن قا­رىزدى وتەلدى دەپ ساناۋ تۋرالى كەلىسىلدى. سونىمەن قاتار نەسيەگەر اتقارۋشى پاراعىن قاي­­تارىپ الدى، ەلدەن تىسقارى شىعۋعا قويىلعان بارلىق شەكتەۋ الىنىپ تاستالدى، زەينەتكەر زەينەتاقىسىن تولىق كولەمدە الا­تىن بولدى. ال ونى ۇيىنەن قۋىپ شىققان قىزىنان اليمەنت ءوندىرۋ تۋرالى قۇجاتتار رەسىم­دەلدى.

تاعى ءبىر مىسال. پاۆلودار قالا­سىنىڭ تۇرعىنى، مۇمكىندىگى شەكتەۋلى بالانى تاربيەلەپ وتىر­­­عان جالعىزباستى انا مۇگە­دەك بالانىڭ كۇتىمى ءۇشىن تاعا­يىن­دالاتىن زەينەتاقىعا قول جەت­كىزە الماي ءجۇر. Qorgau جو­با­سى­نىڭ زاڭگەرلەرى تولەم­اقى­نى رەسىمدەۋ ءۇشىن قاجەتتى قۇ­جات­تاردى جيناقتاۋعا قول­ۇشىن سوزدى.

Qorgau جوباسىنىڭ كومانداسى تەگىن زاڭگەرلىك كومەك بەرۋمەن عانا اينالىسپايدى. ولار قا­زاقستان تاريحىندا العاش رەت مەملەكەتتىك قۇرىلىمدار (اسى­رەسە پوليتسيا) مەن ازاماتتىق قو­عام اراسىندا جۇيەلى بايلانىس ورناتۋعا ۇلەس قوسۋدا. بۇل نە ءۇشىن قاجەت؟ «قازاقستاننىڭ ازا­­ماتتىق اليانسى» زاڭدى تۇل­عالار بىرلەستىگىنىڭ (زتب) ۆيتسە-پرە­زيدەنتى، Qorgau جوباسى­نىڭ جاس­تار رەسۋرستىق ورتالىقتا­رى­مەن جۇمىس بويىنشا مەنەد­جەرى گامال تۇزەلباەۆتىڭ ويىن­شا ازاماتتاردىڭ ىشكى ىستەر قۇ­رى­لىمدارىنا سەنىمىن ارتتىرۋ جانە ولاردىڭ ءيميدجىن جەتىل­دىرۋ­گە پوليتسيا مەن ازاماتتىق قوعام اراسىنداعى تىعىز قارىم-قا­تىناس ارقىلى عانا قول جەتكى­زۋگە بولادى. سول سەبەپتى ناق وسى ارىپ­تەستىك قاعيداتى نەگىزىندە قۇ­قىق قورعاۋ قۇرىلىمدارى مەن كوم­مەرتسيالىق ەمەس ۇيىمدار اراسىنداعى ءوزارا ارەكەتتەستىك قارقىنىن تۇراقتى تۇردە قامتا­ماسىز ەتۋ ماڭىزدى.

– مەملەكەت پەن ازاماتتىق قوعامنىڭ قازاقستاندى دامىتۋ باعىتىنداعى ماقسات-مۇددەلەرى ورتاق ەكەنىن ۇعىنۋ كەرەك جانە وعان قول جەتكىزۋ ءۇشىن ارىپتەستىك قاعيداتى نەگىزىندە جانە مۇد­دەلەر تەپە-تەڭدىگىن ساقتاۋ ارقى­لى كۇش-جىگەردى بىرىكتىرۋ قاجەت، – دەپ اتاپ ءوتتى گامال تۇزەلباەۆ.

Qorgau جوباسى سونىمەن قا­تار ۇەۇ-لاردى مەملەكەتتىك الەۋمەتتىك تاپسىرىس جۇيەسى ار­قىلى الەۋمەتتىك جوبالاردى جۇزەگە اسىرۋعا تارتۋدى جانە ازا­ماتتىق باستامالارعا مەم­لەكەتتىك قۇرىلىمدار مەن حالىق­ارا­لىق ۇيىمدار تاراپىنان قول­داۋدى قامتاماسىز ەتۋدى ىسكە اسى­رادى. سول سەبەپتى Qorgau جوباسى ءىىم-مەن مەموراندۋمعا قول قويدى. قۇجاتتىڭ باستى مىندەتى – پوليتسيا قىزمەتكەرلەرى، ۋچاسكەلىك ينسپەكتورلار مەن ازاماتتار ارا­سىنداعى الشاقتىقتى ازايتۋ.

ارينە Qorgau جوباسى ومىر­لىك قيىن جاعدايعا تاپ بول­عان ازا­ماتتارعا زاڭگەرلىك كومەك كور­سەتۋگە بايلانىستى بار­لىق ماسەلەنى ءبىر دەمدە شەشۋگە قاۋ­قارسىز. مۇنداي اۋىر مىن­دەتتى مو­يىنعا جۇكتەۋدىڭ ءوزى اڭ­عالدىق بولار ەدى. بۇل دەگەنىمىز – مىڭ­مەن جالعىز الىسۋعا تالپىنۋ. دە­گەنمەن Qorgau جوباسىنىڭ قىس­قا ۋاقىتتا قول جەتكىزگەن جەتىس­تىكتەرى وسىناۋ پايدالى قۇقىق قور­عاۋ باستاماسىنا مەملەكەت تاراپىنان جەتكىلىكتى دەڭگەيدە قول­داۋ كورسەتىلسە، ازاماتتاردى قۇقىقتىق ساۋاتتاندىرۋعا قا­تىستى كوپتەگەن ماسەلە جۋىر ارادا كۇن تارتىبىنەن الىنىپ تاستالۋى مۇمكىن ەكەنىن كورسەتكەندەي.

 

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار