سىبايلاس جەمقورلىققا قارسى قىزمەتىمەن ءبىلىم جانە عىلىم مينيسترلىگىنىڭ «ۇلتتىق تەستىلەۋ ورتالىعى» رمكك ديرەكتورى ر.س.الىمقۇلوۆقا قاتىستى پارا الدى دەگەن كۇدىكپەن جۇرگىزىلگەن سوتقا دەيىنگى تەرگەۋ اياقتالدى.
«ول قوناق ءۇي قىزمەتىن كورسەتۋ بويىنشا شارتتاردى بۇزباعانى, ورىندالعان جۇمىس اكتىلەرىنە كەدەرگىسىز قول قويعانى, جۇگەنسىزدىككە جول بەرگەنى جانە جالپى قامقورلىعى ءۇشىن 5 ملن تەڭگە سوماسىندا پارا الدى دەپ كۇدىكتەلگەن. 22 قاراشادا نۇر-سۇلتان قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن الىمقۇلوۆ پارا الدى دەپ ايىپتالىپ, 3,5 جىل باس بوستاندىعىنان ايىرىلدى. اتالعان تۇلعا مەملەكەتتىك قىزمەتتە لاۋازىم يەلەنۋ قۇقىعىنان ءومىر بويىنا ايىرىلدى», دەلىنگەن حابارلامادا.
ەسكە سالايىق, مامىر ايىندا «ۇلتتىق تەستىلەۋ ورتالىعىنىڭ» بۇرىنعى جانە قازىرگى ديرەكتورلارى سىبايلاس جەمقورلىق كۇدىگىنە ىلىنگەن بولاتىن.
