«قاۋىپسىز جول» جەدەل الدىن الۋ ءىس-شاراسى جول-كولىك وقيعالارىنىڭ جانە ولاردىڭ سالدارىنىڭ اۋىرلىعىن الدىن الۋ مەن ازايتۋ ماقساتىندا وتكىزىلدى.
پوليتسيا قىزمەتكەرلەرى تاراپىنان جول قوزعالىسىنا قاتىسۋشىلار اراسىندا جقە تالاپتارىن ەلەمەيتىن جۇرگىزۋشىلەردى انىقتاۋ جانە جول قوزعالىسى ەرەجەلەرىن بۇزۋدىڭ جولىن كەسۋ بويىنشا بەلسەندى الدىن الۋ جۇمىستارى جۇرگىزىلۋدە. وسىلايشا, 3 كۇن ىشىندە 800-گە جۋىق جول قوزعالىسى ەرەجەسىن بۇزۋشىلىق انىقتالدى. ونىڭ ىشىندە مانەۆر جاساۋ ەرەجەلەرىن بۇزۋ بويىنشا – 57 وقيعا, ماس كۇيىندە اۆتوكولىكتى باسقارۋ بويىنشا -14 جۇرگىزۋشى, قاراما - قارسى قوزعالىس جولاعىنا شىعۋ بويىنشا – 9 وقيعا, باعدارشامنىڭ تىيىم سالاتىن سيگنالىنا ءوتۋ بويىنشا – 29 وقيعا, جاياۋ جۇرگىنشىلەرگە جول بەرمەۋ بويىنشا -18 وقيعا انىقتالدى. 37 اۆتوكولىك ايىپ تۇراعىنا جەتكىزىلدى.
سونداي-اق 124 جاياۋ جۇرگىنشى جولدى ءوتۋ كەزىندە قاۋىپسىزدىك ەرەجەلەرىن بۇزدى. سونىمەن قاتار قوعامدىق كولىك جۇرگىزۋشىلەرىنىڭ جول قوزعالىسى قاۋىپسىزدىگىن قامتاماسىز ەتىلۋىن باقىلاۋعا ەرەكشە كوڭىل ءبولىندى. جەدەل الدىن الۋ ءىس-شاراسى اياسىندا پوليتسەيلەر تەحنيكالىق اقاۋى بار كولىك قۇرالدارىن جولعا شىعارۋ بولىگىندە جول قوزعالىسى ەرەجەسىن بۇزۋدىڭ 12 فاكتىسىن انىقتادى.
اۆتوبۋس پاركتەرىنىڭ لاۋازىمدى تۇلعالارىنا قاتىستى قر اقبتك 617 بابى بويىنشا 7 اكىمشىلىك ءىس قوزعالدى. سونىمەن قاتار رەيس الدىنداعى مەديتسينالىق جانە تەحنيكالىق تەكسەرۋدەن وتپەگەن تاكسي جۇرگىزۋشىلەرى تاراپىنان 4 قۇقىقبۇزۋشىلىق فاكتىسى انىقتالدى. اتالعان فاكتىلەر بويىنشا تاكسوموتورلىق كومپانيالاردىڭ جۇرگىزۋشىلەرى مەن جاۋاپتى تۇلعالارى قر اقبتك-ءنىڭ 590-بابى 8-بولىگى بويىنشا اكىمشىلىك جاۋاپكەرشىلىككە تارتىلدى.
جالپى 2019 جىلدىڭ باسىنان بەرى ەلوردادا 469 جول-كولىك وقيعاسى تىركەلگەن, ونىڭ ىشىندە 29 ادام قازا تاۋىپ, 500-دەن استام ازامات ءتۇرلى دارەجەدەگى جاراقات العان. جول قوزعالىسى ەرەجەلەرىن بۇزعانى ءۇشىن 1800 مىڭعا جۋىق جۇرگىزۋشى كولىك قۇرالىن باسقارۋ قۇقىعىنان ايىرىلدى. 64 جۇرگىزۋشى اكىمشىلىك قاماۋعا الىندى.
