القالى جيىنعا قاتىسقان ءدىن ىستەر كوميتەتى توراعاسىنىڭ ورىنباسارى باۋىرجان باكىروۆ:
– بۇگىنگى تاڭدا جاستارىمىزدىڭ قوعامدىق بەلسەندىلىگى ارتىپ كەلەدى. بۇل قۋانتارلىق جاعداي. وسى بەلسەندىلىكتى ءبىز جاقسى جاعىنا بەيىمدەي ءبىلۋىمىز كەرەك. «جاستار – ەل بولاشاعى» دەگەندى ءجيى ايتامىز. ولاي بولسا, سول بولاشاعىمىزعا شىنايى سەنىم بىلدىرەيىك, دەپ اتاپ ءوتتى.
ءىس-شارا اياسىندا «الەۋمەتتىك جەلىدەگى ەڭ ۇزدىك پوست-جاريالانى», ء«دىني ەكسترەميزمگە قارسى ارەكەت بويىنشا ەڭ ۇزدىك كرەاتيۆتى اكتسيا», «ەرىكتىلەر قوزعالىسىنىڭ ەڭ ۇزدىك ۇيىمداستىرۋشىسى» نوميناتسيالارى بويىنشا انتيەكسترەميستىك قوزعالىس كوشباسشىلارىنىڭ اراسىندا وتكەن بايقاۋ جەڭىمپازدارى ماراپاتتالدى.
بايقاۋ جەڭىمپازى لاۋلا جۇماعاليەۆا:
–وسى شارانى ۇيىمداستىرىپ, جاستاردىڭ تەرىس جولعا ءتۇسىپ كەتپەۋىنە كوڭىل ءبولىپ وتىرعان مينيسترلىككە العىس ايتامىن. بۇل جوباعا قاتىسۋ ارقىلى كوپ دوس تاپتىم, بارلىعىنا ساتتىلىك تىلەيمىن, دەدى.
اقپارات جانە قوعامدىق دامۋ مينيسترلىگى بۇعان دەيىن الماتى, شىمكەنت, قاراعاندى, اقتوبە جانە ورال قالالارىندا ەكى كۇندىك وقىتۋ سەمينارلارىن وتكىزىپ, وعان 300-دەن استام ادام قاتىسقانىن ايتا كەتەيىك.
بۇل شارانىڭ باستى ماقساتى – جاستاردىڭ بويىندا انتيكسترەميستىك سانانى قالىپتاستىرۋ, ءدىني ەكسترەميزم مەن تەرروريزمگە قارسى ءىس-قيمىل ماسەلەلەرىندە قۇقىقتىق جانە ازاماتتىق جاۋاپكەرشىلىك دەڭگەيىن ارتتىرۋ. قازاقستان جاستارىنىڭ راديكالدى جانە دەسترۋكتيۆتى ءدىني اعىمدارعا قايتا ورالۋىنا جول بەرمەۋ.
ايزەرە سامارقان
