جۇمىس ساپارى بارىسىندا ەڭبەك ءمينيسترىنىڭ باسشىسى مەملەكەت تاراپىنان قارجىلاي كومەك الىپ, ءوز ءىسىن بەلسەندى دامىتا باستاعان ەڭبەك جانە ناتيجەلى جۇمىسپەن قامتۋدى دامىتۋدىڭ جاپپاي كاسىپكەرلىكتى دامىتۋ مەملەكەتتىك باعدارلاماسىنا قاتىسۋشىلارعا ەرەكشە نازار اۋداردى.
وسىلايشا, ءبىرجان نۇرىمبەتوۆ وڭىرگە كەلگەننەن سوڭ ەڭ الدىمەن , 7,5 ميلليون تەڭگە كولەمىندە ميكرورەديت الىپ اشقان جالعىزباستى انا ەلەنا شۋلگانىڭ كوسمەتولوگيالىق سالونىنا باردى. ول كەدەيلىكتىڭ شەگىن ەڭسەرىپ قانا قويماي, سالوندا مانيكيۋر شەبەرلەرى بولىپ جۇمىس ىستەيتىن ەكى ادامدى جۇمىسپەن قامتاماسىز ەتىپ وتىر.
«سىزدەر «ەڭبەك» مەملەكەتتىك باعدارلاماسىنىڭ مۇمكىندىكتەرىن پايدالانۋدىڭ وتە جاقسى ۇلگىسىن كورسەتىپ وتىرسىزدار. ءسىز جەكە بيزنەسىڭىزدى كەڭەيتىپ قانا قويماي, سونىمەن قاتار بۇرىن تۇراقتى تابىسى بولماعان ەكى وتباسىنا تۇراقتى جۇمىس پەن جاقسى تابىس بەرىپ وتىرسىز. بۇل مەملەكەتتىك باعدارلاماعا قاتىسۋشى ءوز ءىسىن دامىتىپ, باسقالارعا جۇمىس ۇسىنۋىنىڭ جارقىن مىسالى. مەن جۇمىسسىزداردى مەملەكەت بەرىپ وتىرعان مۇمكىندىكتەردى پايدالانۋعا شاقىرامىن. بيزنەس ءار ادامنىڭ قولىنان كەلەدى», دەپ اتاپ ءوتتى ءبىرجان نۇرىمبەتوۆ.
فەدوروۆ اۋدانىنىڭ حالىقتى جۇمىسپەن قامتۋ ورتالىعىنىڭ قىزمەتكەرلەرىمەن جانە «ەڭبەك» مەملەكەتتىك باعدارلاماسىنىڭ قاتىسۋشىلارىمەن اڭگىمەلەسۋ بارىسىندا, ءبىرجان نۇرىمبەتوۆ مەملەكەت باسشىسىنىڭ قازاقستان حالقىنا جولداۋىندا ايتىلعان كوپبالالى انالاردى ميكرو جانە شاعىن بيزنەسكە تارتۋ جونىندەگى تاپسىرماسىن ىسكە اسىرۋ ءۇشىن جوعارىدا كورسەتىلگەن باعدارلاماعا وزگەرىستەر ەنگىزىلەتىنىن حابارلادى.
«جاڭا بيزنەستىڭ تۇراقتىلىعىن قامتاماسىز ەتۋ ءۇشىن كوپ بالالى وتباسىلاردىڭ جوبالارىنا ميكروكرەديت بەرۋ مەرزىمىن ۇزارتۋ ۇسىنىلادى. نەسيەنى وتەۋ كەزىندە قارجىلىق اۋىرتپالىقتى ازايتۋ ءۇشىن نومينالدى پايىزدىق مولشەرلەمەنى تومەندەتۋدى ۇسىنامىز. جەتكىلىكتى كەپىلدىك قامتاماسىز ەتىلمەگەن وتباسىلار ءۇشىن اۋىلدار مەن قالالارعا بولىنبەستەن ءبىر وپەراتور ارقىلى ميكروكرەديتتەرگە كەپىلدىك بەرۋ تەتىكتەرىن كەڭەيتۋ جوسپارلانۋدا», دەدى مينيستر.
ەسكە سالا كەتەيىك, بۇعان دەيىن ءبىرجان نۇرىمبەتوۆ الماتى, شىمكەنت قالالارى مەن شىعىس قازاقستان, قاراعاندى, اتىراۋ, باتىس قازاقستان, تۇركىستان, اقتوبە, پاۆلودار, اقمولا, الماتى سولتۇستىك قازاقستان وبلىستارىندا قازاقستان رەسپۋبليكاسى پرەزيدەنتىنىڭ قازاقستان حالقىنا جولداۋىن تۇسىندىرگەن بولاتىن.
