اس اتاسىنىڭ قىمباتتاۋىنا جول بەرمەۋ ءۇشىن قالا بيلىگى جەتەكشى ناۋبايحانا كاسىپورىندارىمەن كەلىسسوزدەر جۇرگىزىپ مەموراندۋمعا قول قويدى.
«الەۋمەتتىك ماڭىزى بار ازىق-ت ۇلىك تاۋارلارىنا باعانى تۇراقتاندىرۋ بويىنشا جۇمىس ۇزدىكسىز جۇرگىزىلۋدە. ەگەر ادامدار ءبىر تاۋاردىڭ بىردەي باعامەن ساتىلاتىنىن بىلسە, اقشا تاپقىسى كەلەتىن ادامدار پايدا تابۋدى ويلايدى. مۇنى قالاي توقتاتۋعا بولادى؟ ءبىز وسى ماسەلەلەردىڭ بارلىعىن كەلىسىم-شارتتاردا بەلگىلەدىك. ال نان مەن ۇننىڭ باعاسى تۋرالى ايتاتىن بولساق, ۇننىڭ 1 كيلوگراممى 115 تەڭگە تۇرادى. بۇل ەڭ تومەنگى قۇنى. ياعني, ناۋبايحاناشىلار ءۇشىن ناندى وندىرۋگە كەدەرگى كەلمەيدى دەگەن ءسوز. ول نان باعاسىن 2020 جىلدىڭ 1 اقپانىنا دەيىن 75-80 تەڭگەدەن ۇستاپ تۇرۋعا مۇمكىندىك بەرەدى», دەدى «الماتى» الەۋمەتتىك-كاسىپكەرلىك كورپوراتسياسى اق باسقارما توراعاسى اسقار بىلىسبەكوۆ.
سونداي-اق ۇن, سيىر, تاۋىق ەتى, كوكونىس ونىمدەرى بويىنشا باعا تۇراقتىلىعىن ساقتاپ قالۋ ماقساتىندا دا كوپتەگەن شارالار جاسالعان. ياعني, باسەكەلەستىك ورتانى قۇرۋ, ازىق-ت ۇلىكتى تىكەلەي جەتكىزۋدى ۇيىمداستىرۋ جانە باعانى تۇراقتاندىرۋدىڭ جاڭا تەتىكتەرىن ىسكە قوسۋ ءىس-شارالارى جۇزەگە اسىرىلۋدا دەيدى كورپوراتسيا وكىلدەرى.
