«بوريس تۇكەن ۇلى كەرىمباەۆ 1948 جىلى 12 قاڭتاردا الماتى وبلىسى, پرۋدكي كەنتىندە دۇنيەگە كەلگەن. ۆ. ي. لەنين اتىنداعى تاشكەنت جوعارى كوماندالىق ۋچيليششەسىن تامامداعان. وفيتسەرلىك قىزمەتىن گەرمانياداعى كەڭەس اسكەرىنىڭ قۇرامىندا موتواتقىشتار ۆىزۆودىنىڭ كومانديرىنەن باستاپ, ورتاازيالىق اسكەري وكرۋگتە بارلاۋ روتاسىن, شتابتى باسقاردى, كەيىن متوتاتقىشتار باتالونىن.
1980 جىلى كەرىمباەۆتى ەفيوپياعا جاياۋ اسكەر بريگاداسى كومانديرىنىڭ كەڭەسشىسى لاۋازىمىندا شەتەلدىك ىسساپارعا جىبەردى. ءدال وسى جىلى ول قاپشاعاي قالاسىندا قۇرىلعان ارنايى ماقساتتاعى 177-ءشى جەكەلەگەن جاسقاتىڭ كومانديرى بولىپ تاعايىندالدى.
1981 جىلى پولكوۆنيك بوريس كەرىمباەۆ اۋعانستانعا جىبەرىلدى. ونىڭ جاساعى مودجەحەتتەرگە قارسى قۇرىلعان جاۋىنگەرلىك ءىس-قيمىلدارعا بىردەن كىرىسىپ كەتتى. وفيتسەر پاندجەر شاتقالىنداعى سوۆەت اسكەرلەرى مەن احماد شاح ماسۋدا وتريادتارى قارسىلارسىنىڭ نەگىزگى قاتىسۋشىسى بولىپ تابىلادى. 1982 جىلى ونىڭ باسشىلىق ەتۋىمەن جاساق اۋعاندىق مودجاحەدتەردىڭ قۇرىلىمدارىن بەلگىسىز مەرزىمگە ءىشىنارا باقىلاۋ جانە بۇعاتتاۋ ءۇشىن سول جەرگە قايتا جىبەرىلدى.
8 ايدان كەيىن تۇراقتى اتىستاردان, قونىستانۋ وپەراتسيالارى مەن رەيدتەردەن سانى جاعىنان باسىم بولعان قارسىلاسپەن مودجاحەدتەردىڭ باسشىسى ۋاقىتشا بىتىمگە كەلىسۋگە ءماجبۇر بولدى. ناتيجەسىندە كەڭەس اسكەرلەرىنە قارسى توپتاردىڭ جاۋىنگەرلىك ءىس-قيمىلدارىنىڭ توقتاتىلدى. بۇل ءسوزسىز كەرىمباەۆتىڭ ەڭبەگى بولدى. 1983 جىلدىڭ ناۋرىز ايىندا پولكوۆنيك كەرىمباەۆ بارلىق بولىمشەلەردى شاتقالدان شىعاردى. كوماندەيرگە «قارا مايور» لاقاپ اتىن جەكە جاساعى قويعان بولاتىن.
كەيىن وفيتسەر قاپشاعاي قالاسىنداعى 22-ءشى ارنايى ماقساتتاعى بريگادا كومانديرىنىڭ ورىنباسارى, 546-ءشى ارنايى ماقساتتاعى وقۋ پولكىنىڭ كومانديرى بولىپ قىزمەت ەتتى. 1992 جىلى دەنساۋلىق جاعدايىنا بايلانىستى قارۋلى كۇشتەردەن پولكوۆنيك اتاعىندا بوساتىلدى.
2019 جىلى 12 اقپاندا ۇزاق اۋرۋدان كەيىن بوريس كەرىمباەۆ الماتى قالاسىندا ومىردەن ءوتتى.
وفيتسەر «قىزىل تۋ», «كسرو قارۋلى كۇشتەرىندە وتانعا قىزمەت ەتكەنى ءۇشىن» (3 دارەجەلى), «ايبىن» (1 دارەجەلى) وردەنىمەن جانە مەرەيتويلىق مەدالدارمەن ماراپاتتالدى.
ەستەرىڭىزگە سالا كەتەيىك, اعىمداعى جىلدىڭ قازان ايىندا حالىق قاھارمانى پولكوۆنيك قاسىم قايسەنوۆتىڭ ەسىمى وسكەمەن قالاسىنداعى اسكەري بولىمگە, جانە دە اتى اڭىزعا اينالعان قازاقستاندىق گەنەرال-مايور شاكىر جەكسەنباەۆتىڭ ەسىمى تاراز قالاسىنداعى اسكەري بولىمگە بەرىلگەن بولاتىن», دەلىنگەن حابارلامادا.
