ونىڭ اتى مەن ارتىندا قالعان مۇراسىن قازاق حالقىنىڭ ءان جانە اسپاپتىق ءداستۇرىن قادىرلەۋشى قاۋىم ىزەت تۇتادى, ول حالقىمىزدىڭ باي مۇراسىن جانە وزىندىك ەرەكشەلىگىن العاشقىلاردىڭ ءبىرى بولىپ باعالاي ءبىلدى جانە بارىنشا ساقتاۋعا كۇش-جىگەرىن جۇمسادى. مۋزىكانت-تاريحشىلار ءۇشىن ونىڭ ەڭبەكتەرى كەڭەس بيلىگىنىڭ العاشقى ونجىلدىقتارىنىڭ قيىندىعى مول, دەگەنمەن ماڭىزى زور كەزەڭىنىڭ جالعىز جاندى كۋاسى بولىپ تابىلادى. ول ءوزىنىڭ اندەر مەن كۇيلەردى وڭدەۋلەرىمەن كومپوزيتورلارعا دالا ءداستۇرى نەگىزىندە اكادەميالىق مۋزىكانىڭ تۋىنداۋىنا جانە دامۋىنا جول كورسەتتى.
«مادەنيەت جانە سپورت مينيسترلىگىنىڭ باستاماسىمەن بيىل الەكساندر زاتاەۆيچتىڭ 150 جىلدىق مەرەيتويىنا وراي رەسەيدەگى ۇلتتىق مۋزىكا مۇراجايىنىڭ مۇراعاتىندا زەرتتەۋ جۇرگىزىلدى. بۇل مۇراجايدا ماتىندىك جانە فوتوقۇجاتتار قورى, سونداي-اق ۇلى مۋزىكا زەرتتەۋشىسىنىڭ نوتا جازبالارى ساقتالعان. بۇل – قازاق مۋزىكاسى ءۇشىن تەلەگەي تابىس. «رۋحاني جاڭعىرۋ» باعدارلاماسى جانە ەلباسى ن.نازارباەۆتىڭ « ۇلى دالانىڭ جەتى قىرى» ماقالالارىنىڭ دا كوزدەگەنى – رۋحانياتىمىزدىڭ وسىنداي اسىل قازىنالارىن تۇگەندەۋ بولاتىن, سول ماقسات ىسكە اسىپ, مىنە, بۇگىن تاماشا قولجازبالار كورەرمەندەرگە جول تارتتى», دەپ اتاپ ءوتتى مادەنيەت جانە سپورت مينيسترلىگىنىڭ مادەنيەت جانە ونەر ىستەرى جونىندەگى دەپارتامەنتى ديرەكتورىنىڭ ورىنباسارى عاني مۇراتوۆ.
قازاق ۇلتتىق كونسەرۆاتورياسىنىڭ اعا وقىتۋشىسى, اتالعان قولجازبالاردى زەرتتەۋشىلەردىڭ, قۇراستىرۋشىلارىنىڭ ء بىرى ۆالەريا ەفيموۆنا نەدلينانىڭ ايتۋىنشا مەرەيتويلىق سالتاناتتى ءىس-شارالار اياسىندا قازاقستان مەن رەسەي مۇراعاتتارىندا قاۋىرت جۇمىستار جۇرگىزىلدى. ونىڭ ارالىق ناتيجەسى – حالىق مۋزىكاسىنىڭ بۇدان بۇرىن جاريالانباعان نوتالارىنىڭ جيناعى – بۇگىن جۇرتشىلىققا كورسەتىلدى. بۇل تەك از عانا بولشەگى. بۇل جۇمىستار 1920-1930 جىلدارداعى مادەنيەتتەگى احۋال تۋرالى قانشالىقتى از بىلەتىنىمىزدى كورسەتتى. بۇل اسا زور قۇندىلىق ەندى مۋزىكاتانۋشىلار مەن جالپى جۇرتشىلىققا زور سەپتىگىن تيگىزەدى.
مۇراعاتتىق زەردەلەۋ مەن زەرتتەۋشىلەر قورىتىندىسى ەلباسى نۇرسۇلتان نازارباەۆتىڭ « ۇلى دالانىڭ جەتى قىرى» اتتى باعدارلامالىق ماقالاسىمەن ۇندەس بولىپ وتىر. كەڭ اۋقىمدى زەرتتەۋلەر, زاماناۋي تۇرعىدان باعالاۋ, ەجەلگى جانە وتكەندەگى رۋحاني بايلىقتى ساقتاۋ جانە ءبىزدىڭ مادەنيەتىمىزگە قايتا كەلتىرۋ قانشالىقتى ماڭىزدى ەكەندىگىن كورسەتەدى.
ءباسپاسوز كونفەرەنتسياسىنا قازاق ۇلتتىق كونسەرۆاتورياسىنىڭ رەكتورى ارمان ءادىلحان ۇلى جۇدەباەۆ, ونەرتانۋ عىلىمدارىنىڭ دوكتورى, پروفەسسور جۇمابەكوۆا دانا جۇنىسبەكقىزى, ونەرتانۋ عىلىمدارىنىڭ دوكتورى, پروفەسسور ەلەمانوۆا سايدا ابدراحيمقىزى قاتىستى.
