پارلامەنت • 22 قاراشا، 2019

سەناتور ساۋلە ايتپاەۆا تەگىن ادۆوكاتتار تەلەفونىن كوتەرمەيتىنىن ايتتى

36 رەتكورسەتىلدى

سەناتتىڭ كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىندە بولعان دوڭگەلەك ۇستەل بارىسىندا ادۆوكاتتاردىڭ قىزمەتى مەن زاڭ كومەگىن كورسەتۋ ماسەلەلەرى تالقىلاندى. بۇل تۋرالى پارلامەنت پالاتاسىنىڭ ءباسپاسوز قىزمەتى حابارلادى. 

كوميتەت توراعاسى ۆلاديمير ۆولكوۆتىڭ ايتۋىنشا، بۇگىندە ادۆوكاتتاردىڭ جۇمىسىن رەتتەيتىن شارالار بولماي وتىر. دەپۋتاتتار ۋاكىلەتتى ورگان تاراپىنان مەملەكەتتىڭ زاڭ كومەگىن ۇسىنۋى بويىنشا بيۋدجەت قاراجاتىنىڭ ماقساتتى پايدالانىلۋىنا باقىلاۋ جوق ەكەنىن اتاپ ءوتتى. مىسالى، قىزمەتتى تۇتىنۋشىلار ءوز ادۆوكاتىن بەتپە-بەت كورمەگەن جاعدايلار ورىن العان. نەمەسە تەرگەۋشىلەردىڭ جۇمىسىنا شاعىم ايتپايتىن «ىڭعايلى» قورعاۋشىلار شاقىرىلعان جاعدايلار بولعان.

ادىلەت ءمينيسترىنىڭ ورىنباسارى اقەركە احمەتوۆانىڭ ايتۋىنشا، كەلەسى جىلدىڭ 1 قاڭتارىنان باستاپ ادۆوكاتتاردىڭ جاۋاپكەرشىلىگىن مىندەتتى ساقتاندىرۋ ەنگىزىلەدى. بۇل قورعاۋشىلارعا ادۆوكات قاتەلىگى بولعان جاعدايدا زالالدى وتەۋ ءۇشىن ساقتاندىرۋ كومپانيالارىنا جۇگىنۋگە مۇمكىندىك بەرەدى. وسىلايشا، مىندەتتى ساقتاندىرۋ ادۆوكاتتىڭ دا، قورعالۋشىنىڭ دا قورعالۋىن قامتاماسىز ەتەدى.

رەسپۋبليكالىق ادۆوكاتتار القاسىنىڭ توراعاسى قادىرجان بايمۇحانوۆا نارىق جاس مامانداردى قاجەت ەتەتىنىن اتاپ ءوتتى. ويتكەنى بۇرىنعى مەملەكەتتىك قىزمەتكەرلەر مەن ءىىم قىزمەتكەرلەرى بەلگىلى ءبىر تەستىلەۋدەن وتپەي ادۆوكاتتارعا قاتارىنا قوسىلۋدا. قازىردىڭ وزىندە جوعارى وقۋ ورىندارى جانە وڭىرلىك القا ورتالىقتارىمەن ماماندارىنىڭ بىلىكتىلىگىن ارتتىرۋ بويىنشا كەلىسىمدەر جاسالۋدا.

دەپۋتات ساۋلە ايتپاەۆا ءوز سوزىندە مەملەكەت كەپىلدىك بەرگەن زاڭ كومەگى جۇيەسىنە قاتىساتىن ادۆوكاتتارعا حابارلاسا الماعانىن ايتتى. «Egov.kz سايتىنداعى زاڭگەرلەر ءتىزىمى 2015 جىلدان باستاپ جاڭارتىلماعان. حالىققا تەگىن كەڭەس بەرۋ كەرەك، ەگەر ولاردىڭ تەلەفوندارى جۇمىس ىستەمەسە، ونى قالاي الادى؟ مەن تەك تەكسەردىم»، - دەدى سەناتور.

ۆلاديمير ۆولكوۆ كەزدەسۋدى قورىتىندىلاي كەلىپ، ادۆوكاتتىق جانە زاڭ كومەگىن جەتىلدىرۋ بويىنشا ازىرلەنگەن ۇسىنىمدار ولاردى ىسكە اسىرۋ ءۇشىن ءتيىستى جاۋاپتى ورگاندارعا جىبەرىلەتىنىن اتاپ ءوتتى. 

سوڭعى جاڭالىقتار

قوبىز بىزگە قاي داۋىردەن جەتكەن؟

رۋحانيات • بۇگىن، 11:09

الماتىدا كىتاپ كورمەسى اشىلدى

رۋحانيات • بۇگىن، 10:56

كۇلكى كەرۋەنى № 23

رۋحانيات • بۇگىن، 09:32

جاڭعىرعان جامبىل ءوڭىرى

ايماقتار • بۇگىن، 06:58

باعا QR كودتار ارقىلى بەرىلەدى

مەديتسينا • بۇگىن، 06:53

رۋحاني راۋىشتەگى تارتۋ

ايماقتار • بۇگىن، 06:52

تۇرار تاعدىرىنىڭ تاعىلىمى مول

رۋحانيات • بۇگىن، 06:32

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

ۇقساس جاڭالىقتار