پرەزيدەنت • 22 قاراشا، 2019

قازاقستان مەن شۆەيتساريا پرەزيدەنتتەرى باق ءۇشىن بريفينگ وتكىزدى

41 رەتكورسەتىلدى

كەلىسسوزدەردىڭ قورىتىندىسى بويىنشا قاسىم-جومارت توقاەۆ پەن ۋلي ماۋرەر بۇقارالىق اقپارات قۇرالدارى ءۇشىن «اقوردا» رەزيدەنتسياسىندا بىرلەسكەن بريفينگ وتكىزدى. بۇل تۋرالى اقوردانىڭ ءباسپاسوز قىزمەتى حابارلادى. 

مەملەكەت باسشىسى ءوز سوزىندە شۆەيتساريا پرەزيدەنتىنىڭ ەكى ەل اراسىنداعى قارىم-قاتىناستاردى دامىتۋعا قوسقان ۇلەسىن جوعارى باعالاپ، ۋلي ماۋرەرمەن جۇرگىزگەن كەلىسسوزدەر ءوزارا سەنىم ءارى تۇسىنىستىك رۋحىندا وتكەنىن ايتتى.

قاسىم-جومارت توقاەۆ شۆەيتساريانى قازاقستاننىڭ ساياسي تۇرعىدان ەۋروپاداعى ماڭىزدى سەرىكتەسى رەتىندە قاراستىراتىنىن مالىمدەدى. ونىڭ ايتۋىنشا، ەكى ەلدىڭ وڭىرلىك جانە جاھاندىق كۇن تارتىبىندەگى، سونىڭ ىشىندە سيرياداعى قاقتىعىستى رەتتەۋ ماسەلەسىندەگى ۇستانىمدارى ورتاق.

– قازاقستان سيريا ءىسى بويىنشا استانا پروتسەسىن وتكىزۋگە ارنالعان الاڭ ۇسىنادى جانە ول جەنەۆا پروتسەسىن تولىقتىرادى، – دەدى قازاقستان پرەزيدەنتى.

قاسىم-جومارت توقاەۆ قازاقستان مەن شۆەيتساريا اراسىنداعى ارىپتەستىكتە ەكونوميكا سالاسى نەگىزگى ءرول اتقاراتىنىن اتاپ ءوتتى.

– بۇگىندە شۆەيتساريا كونفەدەراتسياسى ءبىزدىڭ ەكونوميكامىزعا قارجى قۇيۋ مولشەرى بويىنشا ءۇشىنشى ينۆەستور سانالادى جانە قازاقستاننىڭ ءىرى ساۋدا سەرىكتەستەرىنىڭ العاشقى وندىعىنا كىرەدى. سوڭعى 15 جىلدا شۆەيتساريالىق ينۆەستيتسيا كولەمى 24 ميلليارد دوللاردان استى. وتكەن جىلدىڭ قورىتىندىسى بويىنشا، ءوزارا تاۋار اينالىمى 3 ميلليارد دوللاردان استى، – دەدى مەملەكەت باسشىسى.

پرەزيدەنت كەلىسسوزدەر بارىسىندا تاراپتاردىڭ شيكىزاتتىق ەمەس تاۋارلاردىڭ كومپونەنتىن جانە ينۆەستيتسيالىق ىنتىماقتاستىقتى كەڭەيتۋ ءۇشىن تاۋار اينالىمىنىڭ قۇرىلىمىن ءارتاراپتاندىرۋ جونىندەگى جۇمىستاردى جانداندىرۋ قاجەتتىگىنە نازار اۋدارعانىن اتاپ ءوتتى.

– بىزگە جاڭا جوعارى تەحنولوگيالىق «زاكىرلى جوبالار» قاجەت. اتاپ ايتقاندا، قازاقستاندا يننوۆاتسيالىق وندىرىستەر قۇرۋعا، جوعارى تەحنولوگيالار، ەنەرگەتيكا، اۋىل شارۋاشىلىعى، مەديتسينا جانە فارماتسەۆتيكا سالاسىنداعى جوبالاردى ىسكە اسىرۋعا ۇلكەن سۇرانىس بار، – دەدى قاسىم-جومارت توقاەۆ.

مەملەكەت باسشىسى ماشينا جاساۋ، حيميا، تاماق ونەركاسىبى، كولىك جانە لوگيستيكا، تۋريزم جانە قورشاعان ورتانى قورعاۋ سالاسىنداعى بىرقاتار بىرلەسكەن جوبالاردىڭ كەلەشەگى مول ەكەنىن اتاپ ءوتتى.

بۇدان بولەك شۆەيتساريانىڭ الەمدەگى ماڭىزدى قارجى ورتالىقتارىنىڭ ءبىرى رەتىندەگى مارتەبەسىن ەسكەرە وتىرىپ، ەكى ەلدىڭ كوشباسشىلارى «استانا» حالىقارالىق قارجى ورتالىعى مەن شۆەيتساريانىڭ قارجى سەكتورى اراسىنداعى ءوزارا ءىس-قيمىلدار پەرسپەكتيۆاسىنىڭ بار ەكەنىنە توقتالدى.

قاسىم-جومارت توقاەۆ ىرگەلەس نارىقتارعا ءونىم ەكسپورتتاۋ ءۇشىن قازاقستاندا بىرلەسكەن وندىرىستەر اشۋعا قاتىستى جوبالار بويىنشا قىزىعۋشىلىق بىلدىرگەن شۆەيتساريالىق ينۆەستورلارعا جان-جاقتى كومەك كورسەتۋگە ءازىر ەكەنىن ايتتى. سونداي-اق شۆەيتساريا پرەزيدەنتى نۇر-سۇلتانعا بيزنەس-دەلەگاتسيا وكىلدىگىمەن بىرگە كەلگەنىن جانە ونىڭ كوپتەگەن باعىتتار بويىنشا كووپەراتسيالاردىڭ پەرسپەكتيۆالارىن ەگجەي-تەگجەيلى تالقىلاۋعا جاقسى مۇمكىندىك بەرەتىنىن اتاپ ءوتتى.

– ءبىز شۆەيتساريالىق كومپانيالاردىڭ ماڭىزدى ۇسىنىستارىن مۇقيات تىڭدادىق. بۇل ۇسىنىستار بويىنشا قازاقستاندىق ارىپتەستەرىڭىز جان-جاقتى تالداۋ جاسايدى، – دەدى قازاقستان پرەزيدەنتى.

شۆەيتساريا پرەزيدەنتى ەكى ەل اراسىنداعى قاتىناستاردىڭ، ونىڭ ىشىندە ساياسي جانە ساۋدا-ەكونوميكالىق باعىتتارى قارقىندى دامىپ كەلە جاتقانىن جەتكىزدى.

ۋلي ماۋرەر قازاقستاننىڭ ماڭىزدى گەوستراتەگيالىق ورنالاسۋ جاعدايىنا نازار اۋدارىپ، ء«بىر بەلدەۋ، ءبىر جول» باستاماسىن جۇزەگە اسىرۋدا ەلىمىزدىڭ رولىنە توقتالدى. ونىڭ پىكىرىنشە، قازاقستان الداعى ۋاقىتتا ازيا مەن ەۋروپانى جالعاستىرىپ تۇراتىن كوپىر بولىپ قالا بەرمەك.

شۆەيتساريا پرەزيدەنتى ەكونوميكا سالاسىنان بولەك، تەحنولوگيا، قىزمەت كورسەتۋ، مادەني-گۋمانيتارلىق ىقپالداستىقتاردى نىعايتۋدى ۇسىندى.

– ءبىز نۇر-سۇلتان مەن تسيۋريح اراسىندا تىكەلەي اۋە قاتىناسىن اشۋىمىز كەرەك. بۇل ەكى ەل حالقىنىڭ ءبىرىن-ءبىرى تانىپ، جاقىنداي تۇسۋىنە جول اشادى. ءبىزدىڭ ىنتىماقتاستىعىمىزدىڭ نەگىزگى ءمانى دە وسى، – دەدى ۋلي ماۋرەر.

سوڭعى جاڭالىقتار

التىن وردانىڭ اق تاڭى

رۋحانيات • بۇگىن، 15:06

قوبىز بىزگە قاي داۋىردەن جەتكەن؟

رۋحانيات • بۇگىن، 11:09

الماتىدا كىتاپ كورمەسى اشىلدى

رۋحانيات • بۇگىن، 10:56

كۇلكى كەرۋەنى № 23

رۋحانيات • بۇگىن، 09:32

جاڭعىرعان جامبىل ءوڭىرى

ايماقتار • بۇگىن، 06:58

باعا QR كودتار ارقىلى بەرىلەدى

مەديتسينا • بۇگىن، 06:53

رۋحاني راۋىشتەگى تارتۋ

ايماقتار • بۇگىن، 06:52

تۇرار تاعدىرىنىڭ تاعىلىمى مول

رۋحانيات • بۇگىن، 06:32

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

ۇقساس جاڭالىقتار