ۇكىمەت • 22 قاراشا، 2019

ا. مامين شۆەيتساريانىڭ فەدەرالدى پرەزيدەنتىمەن كەلىسسوزدەر وتكىزدى

8 رەتكورسەتىلدى

پرەمەر-مينيستر اسقار مامين قازاقستانعا رەسمي ساپارمەن كەلگەن شۆەيتساريانىڭ فەدەرالدى پرەزيدەنتى، فەدەرالدى قارجى دەپارتامەنتىنىڭ ءمينيسترى ۋلي ماۋرەرمەن كەلىسسوزدەر وتكىزدى. بۇل تۋرالى primeminister.kz حابارلادى. 

«شۆەيتساريامەن ءبىزدى تۇراقتى ارىپتەستىك قارىم-قاتىناستار بايلانىستىرادى. مۇنداي ءوزارا قارىم-قاتىناستاردىڭ نەگىزىن قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ قالادى. مەملەكەت باسشىسى قاسىم-جومارت توقاەۆ كوپۆەكتورلى سىرتقى ساياساتتىڭ ساباقتاستىعىن ساقتايدى جانە ەكىجاقتى ىنتىماقتاستىقتى نىعايتۋعا ەرەكشە ءمان بەرەدى»، — دەدى ا. مامين.

شۆەيتساريا قازاقستاننىڭ اسا ءىرى ساۋدا سەرىكتەستەرىنىڭ وندىعىنا جانە نەگىزگى ينۆەستورلارىنىڭ ۇشتىگىنە كىرەدى. 2018 جىلى تاۋار اينالىمى $3،1 ملرد، ال بيىل 9 ايدا $1،9 ملرد قۇرادى، وسى جىلدىڭ ءبىرىنشى جارتىجىلدىعىندا كورسەتىلەتىن قىزمەتتەر ساۋداسى وتكەن جىلدىڭ وسىنداي كەزەڭىمەن سالىستىرعاندا 40%-عا ارتتى. 

2005 جىلدان بەرى شۆەيتساريا قازاقستان ەكونوميكاسىنا $24 ملرد-تان استام قارجى ينۆەستيتسيالادى. قر-دا شۆەيتساريالىق كاپيتالدىڭ قاتىسۋىمەن 324 كومپانيا تىركەلگەن، ونىڭ ىشىندە «Glencore International AG»، «Philip Morris»، «Nestle»، «Ammann Asphalt GmbH» جانە ت. ب. بار. شۆەيتساريا بيزنەسى اۋىل شارۋاشىلىعىندا، كولىك جانە قارجى سەكتورلارىندا، تاۋ-كەن ءوندىرىسى جانە وڭدەۋ ونەركاسىبىندە، كوتەرمە-بولشەك ساۋدادا جانە ت. ب. قامتىلعان.

ەكونوميكالىق سەرىكتەستىكتى نىعايتۋعا قازاقستان – شۆەيتساريا ىسكەرلىك كەڭەسى جانە ساۋدا-ەكونوميكالىق ىنتىماقتاستىعى جونىندەگى ۇكىمەتارالىق كوميسسيانىڭ جۇمىسى ىقپالىن تيگىزەدى.

«قازاقستان – شۆەيتساريانىڭ ورتالىق ازياداعى ماڭىزدى سەرىكتەسى. ءبىزدىڭ ءوزارا ءىس-قيمىلىمىز ەكىجاقتى فورماتتا دا، دۇنيەجۇزىلىك بانك پەن حالىقارالىق ۆاليۋتا قورى اياسىندا دا دامىپ جاتىر. ءبىز ەكونوميكالىق ىنتىماقتاستىقتى كەڭەيتۋگە جانە بىرلەسكەن ينۆەستيتسيالىق جوبالاردى ىسكە اسىرۋعا مۇددەلىمىز»، — دەدى ۋ. ماۋرەر.   

شۆەيتساريالىق تاراپ قازاقستاندا قولايلى ينۆەستيتسيالىق احۋالدىڭ جانە بيزنەستى دامىتۋ ءۇشىن جاعدايلاردىڭ بار ەكەنىن اتاپ ءوتتى، بۇعان دۇنيەجۇزىلىك بانكتىڭ «Doing Business» رەيتينگىندەگى قر-نىڭ پوزيتسيالارى دالەل بولا الادى. 

تاراپتار اۋقىمدى باعىتتار — ساۋدا-ەكونوميكالىق، ينۆەستيتسيالىق، ترانزيتتىك-كولىك، اۋىل شارۋاشىلىعى، اقپاراتتىق-كوممۋنيكاتسيالىق، تسيفرلىق، تۋريستىك، زەرگەرلىك سالالاردا، فارماتسەۆتيكادا، دەنساۋلىق ساقتاۋ جانە ءبىلىم بەرۋدە، جاسىل ەكونوميكا مەن سۋ شارۋاشىلىعى سالاسىندا، سونداي-اق احقو، دۇنيەجۇزىلىك بانك، حۆق، دسۇ بويىنشا ىنتىماقتاستىق پەرسپەكتيۆالارىن تالقىلادى. 

شۆەيتساريانىڭ فەدەرالدى پرەزيدەنتى ۋ. ماۋرەردىڭ قازاقستانعا رەسمي ساپارىنىڭ اياسىندا قازاقستاننىڭ تۇڭعىش پرەزيدەنتى – ەلباسى ن. نازارباەۆپەن جانە مەملەكەت باسشىسى ق. توقاەۆپەن كەلىسسوزدەر، سونداي-اق، ەكى ەلدىڭ ىسكەرلىك ورتالارىنىڭ وكىلدەرىنىڭ قاتىسۋىمەن دوڭگەلەك ۇستەل وتكىزۋ جوسپارلانعان. 

سوڭعى جاڭالىقتار

قوبىز بىزگە قاي داۋىردەن جەتكەن؟

رۋحانيات • بۇگىن، 11:09

الماتىدا كىتاپ كورمەسى اشىلدى

رۋحانيات • بۇگىن، 10:56

كۇلكى كەرۋەنى № 23

رۋحانيات • بۇگىن، 09:32

جاڭعىرعان جامبىل ءوڭىرى

ايماقتار • بۇگىن، 06:58

باعا QR كودتار ارقىلى بەرىلەدى

مەديتسينا • بۇگىن، 06:53

رۋحاني راۋىشتەگى تارتۋ

ايماقتار • بۇگىن، 06:52

تۇرار تاعدىرىنىڭ تاعىلىمى مول

رۋحانيات • بۇگىن، 06:32

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

ۇقساس جاڭالىقتار