قوعام • 22 قاراشا، 2019

300 ادام چەك الماعانىن حابارلاعانى ءۇشىن سىيعا يە بولدى

26 رەتكورسەتىلدى

چەك بەرمەۋ فاكتىلەرى تۋرالى حابارلاعان قازاقستاندىقتار 30 قاراشاعا دەيىن ۇيالى تەلەفون تەڭگەرىمىنە 1000 تەڭگە كولەمىندە سىياقى الا الادى. بۇل مەملەكەتتىك كىرىستەر كوميتەتى ۇيىمداستىرعان ارنايى ناۋقان 30 قىركۇيەكتەن باستالعان. بۇل تۋرالى كوميتەتتىڭ ءباسپاسوز قىزمەتى حابارلادى. 

مەملەكەتتىك كىرىستەر كوميتەتى قازىرگى ۋاقىتتا ەلىمىزدە باقىلاۋ-كاسسالىق ماشينالاردىڭ فيسكالدىق چەكتەرىن بەرمەۋ فاكتىلەرىن انىقتاۋ بويىنشا «ازاماتتىق باقىلاۋ» جالپىرەسپۋبليكالىق جوباسىن قارقىندى جۇرگىزىپ جاتىر. مەملەكەتتىك كىرىستەر كوميتەتى وتكىزەتىن وسى جوبادا چەكتى بەرمەۋ فاكتىسى تۋرالى اقپاراتتى حابارلاعان تۇلعالارعا ءبىر مىڭ تەڭگە مولشەرىندە سىياقى تولەنەدى.

تاۋارعا نەمەسە كورسەتىلگەن قىزمەتكە تولەگەن سوماعا بكم تۇبىرتەگىن نەمەسە تاۋار تۇبىرتەگىن بەرمەگەن جاعدايدا، نە بكم تۇبىرتەگى مەن تاۋار تۇبىرتەگىن بەرگەن سومادان ارتىق نەمەسە كەم بولعان كەزدە اكىمشىلىك جاۋاپكەرشىلىككە اكەپ سوقتىراتىنىن ءبىلۋ ماڭىزدى.

كەلىپ تۇسكەن 300-گە جۋىق وتىنىشتەر راستالىپ، ءپا تۋرالى حاتتامالار جاسالدى. 238 حابارلاما قاراستىرىلۋدا.

 

سىياقى تەك قانا ۆيدەوعا ساتۋشىنىڭ بكم چەگىن بەرۋدەن باس تارتۋى جايىندا انىق تۇسىرىلگەنى، مەكەن-جايى جانە دۇكەننىڭ اتاۋى، ساۋدا ءۇيى مەن بازاردىڭ (ساۋدا ۇيىندەگى بۋتيكتىڭ ءنومىرى، بازارداعى ورىننىڭ ءنومىرى) اتى، جانە فيسكالدىق چەك بەرمەگەن تۇلعانى سايكەستەندىرۋگە مۇمكىندىك بەرەتىن وزگە دە مالىمەتتەر بار كەزدە بەرىلەدى. 

مەملەكەتتىك كىرىستەر كوميتەتى قازاقستاننىڭ بارلىق ازاماتتارىن ءوزىنىڭ ازاماتتىق ۇستانىمىن بىلدىرۋگە، بكم چەگىن بەرمەي ءوزىنىڭ تابىستارىن جاسىرۋشى سالىق تولەۋشىلەرگە نولدىك توزىمدىلىك تانىتۋعا جانە قاناتقاقتى جوبادا بەلسەندى قاتىسۋعا شاقىرادى. بارلىق جىبەرىلگەن وتىنىشتەر مەملەكەتتىك كىرىستەر ورگاندارىمەن وڭدەلەتىن بولادى.

ۆيدەوماتەريالداردى Apple App Store جانە Google Play market قوسىمشالارىنان تەگىن جۇكتەۋگە بولاتىن «Wipon» ۇيالى قوسىمشاسى ارقىلى جولداۋعا بولادى.

شاعىم جولداعان جاعدايدا جىبەرۋشى تەگىن، اتىن، اكەسىنىڭ اتىن (بولعان جاعدايدا)، جسن جانە بايلانىس تەلەفونىن كورسەتۋى كەرەك. بۇل دەرەكتەر بۇزۋشىلىق فاكتىسى راستالعان جانە فيسكالدىق چەك بەرمەگەن تۇلعانى جاۋاپكەرشىلىككە تارتقان جاعدايدا سىياقى تولەۋ ءۇشىن قاجەتتى.

فيسكالدى چەكتەردى consumer.oofd.kz سايتىندا تەكسەرۋگە بولادى.

وسى رەتتە، تەحنيكالىق تالاپتارعا سايكەس بەرىلگەن فيسكالدىق چەك مالىمەتتەرى 72 ساعات ىشىندە جولدانۋى مۇمكىن. سوندىقتان، بەرىلگەن چەكتى فيسكالدىق دەرەكتەر وپەراتورى بازاسىندا تابا الماعان جاعدايدا 3 كۇنگە دەيىن كۇتۋ قاجەت جانە سودان كەيىن قايتا تەكسەرۋ قاجەت. 72 ساعات وتكەننەن كەيىن اقپارات بولماعان جاعدايدا مەملەكەتتىك كىرىستەر ورگاندارىنا جۇگىنۋگە بولادى.

 

سوڭعى جاڭالىقتار

قوبىز بىزگە قاي داۋىردەن جەتكەن؟

رۋحانيات • بۇگىن، 11:09

الماتىدا كىتاپ كورمەسى اشىلدى

رۋحانيات • بۇگىن، 10:56

كۇلكى كەرۋەنى № 23

رۋحانيات • بۇگىن، 09:32

جاڭعىرعان جامبىل ءوڭىرى

ايماقتار • بۇگىن، 06:58

باعا QR كودتار ارقىلى بەرىلەدى

مەديتسينا • بۇگىن، 06:53

رۋحاني راۋىشتەگى تارتۋ

ايماقتار • بۇگىن، 06:52

تۇرار تاعدىرىنىڭ تاعىلىمى مول

رۋحانيات • بۇگىن، 06:32

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

ۇقساس جاڭالىقتار