ايماقتار • 22 قاراشا، 2019

سىبايلاس جەمقورلىققا قارسى ءىس-قيمىل ورتالىعى اشىلدى

55 رەتكورسەتىلدى

سولتۇستىك قازاقستان وبلىسىنا كەشە جۇمىس ساپارىمەن سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ كەلدى. وبلىس اكىمى قۇمار اقساقالوۆپەن بىرگە ول پەتروپاۆلداعى «اntikor ortalygy» سەرۆيس ورتالىعىنىڭ اشىلۋ سالتاناتىنا قاتىستى.

ورتالىقتى اشۋ سالتاناتىندا اگەنتتىكتىڭ اۋماقتىق دەپارتامەنتىنىڭ باسشىسى ەرنار بايانعازين سىبايلاس جەمقورلىققا قارسى ءىس-قيمىل ۆەدومستۆوسى وسى ورتالىقتىڭ ارقاسىندا ۇيىم ءوز ىستەرىندەگى اشىقتىق پەن مولدىرلىككە قاراي تاعى ءبىر قادام جاسادى دەپ اتاپ ءوتتى.

بۇل ورتالىق وزىنە قايىرىلعان ازاماتتارعا ەشقانداي كەدەرگىسىز، بارىنشا جوعارى دارەجەدەگى قىزمەتتەر كورسەتۋدى ماقسات ەتكەن. ول تۇرعىندارعا قىزمەت كورسەتۋدە مولدىرلىكتى بارىنشا قامتاماسىز ەتىپ، سىبايلاس جەمقورلىق تاۋەكەلدەرىنىڭ الدىن الادى دەپ كۇتىلۋدە. 2018 جىلدىڭ جەلتوقسان ايىندا ەلباسى ن.نازارباەۆ «قىزىلجار – ادالدىق الاڭى» دەگەن اتپەن جوبالىق وفيس اشقان بولاتىن. ال پرەزيدەنت ق.توقاەۆ ءوزىنىڭ ۇستىمىزدەگى جىلعى جولداۋىندا حالىقتىڭ بارلىق كونسترۋكتيۆتى سۇرانىستارىنا «قۇلاق اساتىن مەملەكەت» تۇجىرىمىن ىسكە اسىرۋ مىندەتىن العا قويدى. اتالمىش ورتالىقتىڭ اشىلۋى وسى جوبالاردى ءىس جۇزىنە اسىرۋ اياسىندا جاسالىپ جاتقان ءىرى شارانىڭ ءبىرى.

ورتالىق عيماراتتىڭ ەكى قاباتىنا ورنالاسىپ، «Open space» فورماتى بويىنشا جۇمىس ىستەيدى. مۇندا ازاماتتار ءۇشىن ەلەكتروندى كەزەك قاراستىرىلعان. ادامدار زاڭگەرلىك كەڭەستەر الۋعا، باسشىلاردىڭ قابىلداۋىنا جازىلۋعا وسىندا كەزەككە تۇرادى. ال كاسىپكەرلەر ءۇشىن «Protecting business and investments» جوباسى بويىنشا فرونت كەڭسە اشىلعانىن دا ەرنار بايانعازين تەگىس بايانداپ بەردى. سونىمەن قاتار قوعاممەن قاتىناستى جاقسارتۋ ءۇشىن ءباسپاسوز ورتالىعى دا ۇيىمداستىرىلعان ەكەن.

وسى جەردە ا.شپەكباەۆ سولتۇستىكتىڭ قوعام وكىلدەرىمەن دە كەزدەستى. سونىڭ ءبىرى، جۇمىس شتابىنىڭ مۇشەسى ج.ءتاجين ورتالىقتىڭ سىبايلاس جەمقورلىققا قارسى كۇرەستە اقپاراتتىق ناسيحاتتىق جۇمىستاردى قالاي اتقاراتىنى تۋرالى ايتتى. «بۇل شتابتىڭ جۇمىسىنا ارداگەرلەر ۇيىمىنىڭ بەلسەندىلەرىن تارتۋ جۇمىستىڭ تيىمدىلىگىن ارتتىراتىنىنا سەنىمدىمىز»، دەدى ول. 

كەزدەسۋ سوڭىندا ا.شپەكباەۆ قوعام وكىلدەرىنە، ارداگەرلەر ۇيىمىنىڭ بەلسەندىلەرىنە شتابتىڭ جۇمىسىنا بەلسەندى قاتىسقاندارى ءۇشىن العىسىن ايتتى. «سىبايلاس جەمقورلىقتى ءبارىمىز وعان قارسى بىرىككەن كۇرەس جۇرگىزگەندە عانا جەڭە الامىز. ال قازاقستاندا ءبىرىنشى رەت اشىلىپ وتىرعان مىنا ورتالىق ەلىمىزدىڭ سىبايلاس جەمقورلىققا قارسى كۇرەس ستراتەگياسىن ىسكە اسىرۋدىڭ جاڭا، ساپالى كەزەڭى دەپ سانايمىن»، دەدى ول.

بۇدان بۇرىن ا.شپەكباەۆ اققايىڭ اۋدانىنداعى «اشىق اكىمدىكتىڭ» تۇساۋكەسەر راسىمىنە قاتىسقان. سونىمەن بىرگە ول قوعام وكىلدەرىن قابىلدادى جانە اۋماقتىق دەپارتامەنتتىڭ قىزمەتكەرلەرىمەن كەزدەستى. سونداي-اق م.قوزىباەۆ اتىنداعى سولتۇستىك قازاقستان ۋنيۆەرسيتەتىندە جانە «كيروۆ اتىنداعى» زاۋىتتا حالىقپەن كەزدەستى. ۋنيۆەرسيتەتتە «ادەپتىلىك مەكتەبى» اشىلدى. وندا سىبايلاس جەمقورلىققا قارسى قوزعالىستىڭ جاڭا فورماتسياسىنىڭ وكىلدەرى دايىندالاتىن بولادى.

 

سولتۇستىك قازاقستان وبلىسى

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار