ال بيىل جىل اياعىندا 2240 پاتەردىڭ قۇرىلىسى اياقتالماقشى. بۇل – 235 مىڭ شارشى مەتر تۇرعىن ءۇي دەگەن ءسوز. ال 2020 جىلعا وبلىس 2842 پاتەر تۇرعىزىپ, تۇرعىنداردى قۋانىشقا بولەمەكشى. ونىڭ اۋماعى 254 مىڭ شارشى مەتر بولادى. وسىنىڭ وزىنەن وبلىستا الەۋمەتتىك سالاعا دەگەن نازاردىڭ جوعارى ەكەنىن كورۋگە بولادى.
وتىرىستا ايتقان سوزىندە وبلىس اكىمى قۇمار اقساقالوۆ 2020 سالىناتىن پاتەر سانىن 3000-عا دەيىن جەتكىزۋگە بولاتىنىن اتاپ ءوتتى. قارجىلىق مۇمكىنشىلىكتەر مەن تۇرعىن ۇيگە دەگەن تۇراقتى سۇرانىس ءۇش مىڭ پاتەرگە دەيىن ءۇي سالۋ قاجەتتىلىگىن تۋدىرادى دەدى ول.
ايتا كەتەتىن جايت, يپوتەكالىق تۇرعىن ۇيگە دەگەن سۇرانىس بىلتىرعى جىلمەن سالىستىرعاندا 32%-عا ارتىپ وتىر. “7-20-25” باعدارلاماسى بويىنشا وبلىستا 701 ءوتىنىم قابىلدانىپ, ونىڭ 468-ءى قولداۋ تاپقان.
«الەۋمەتتىك ءالجۋاز توپقا ءبىز 482 پاتەر تۇرعىزدىق. سونىڭ 124-ءى, ياعني 30% ءبىز كوپ بالالى وتباسىلارعا بەردىك. وسىلايشا, ءبىز الدىمىزداعى ءۇش جىلدا وسى كاتەگورياداعى ازاماتتار ءۇشىن تۇرعىن ءۇي پروبلەماسىن شەشەتىن بولامىز» دەدى قۇمار اقساقالوۆ ءوزىنىڭ قورىتىندى سوزىندە.
سولتۇستىك قازاقستان وبلىسى
