9 ايداعى نەگىزگى الەۋمەتتىك-ەكونوميكالىق ينديكاتورلاردى قورىتىندىلاعان ءوڭىر باسشىسى وبلىستا ونەركاسىپ ءوسىمى 5,3% قۇراعانىن ايتتى. 2024 جىلعا قاراي تارتىلاتىن ينۆەستيتسيا كولەمى بولجام بويىنشا 2,7 ەسە ارتىپ, 1,6 ترلن تەڭگەگە جەتەدى دەپ كۇتىلۋدە. سپيكەردىڭ سوزىنە سۇيەنسەك, ايماقتا جالپى قۇنى 140 ملرد تەڭگە بولاتىن 25 جوعارى تەحنولوگيالىق ينۆەستيتسيالىق جوبا ىسكە اسىرىلىپ, 2 مىڭنان استام جاڭا جۇمىس ورنى اشىلادى. ءىرى جوبالاردىڭ قاتارىندا جىلىنا 5 ملن توننا التىن شىعاراتىن «AltynEx» اق-تىڭ تاۋ-كەن مەتاللۋرگيالىق كومبيناتىنىڭ قۇرىلىسى بار. ينۆەستيتسيالىق جوبانىڭ قۇنى – 148 ملرد تەڭگە. 38 ملرد تەڭگەگە 4.0 يندۋسترياسىنىڭ تۇجىرىمداماسىنا ساي «ورىس مىس كومپانياسى» اق بايىتۋ فابريكاسىن جاڭعىرتۋدى اياقتاماق.
– ينۆەستيتسيالىق جوبالاردىڭ تىزىمىنە «قازحروم» تۇك» اق تازارتىلعان فەرروحرومنىڭ شوگىندى قوجىن قايتا وڭدەيتىن فابريكا سالۋ, «Green Capital Kazakhstan» جشس بەسىنشى بۋىن جىلىجايىنىڭ جوباسىن ءارى قاراي كەڭەيتۋ سىندى جوبالار كىرەدى. بالاما ەنەرگەتيكا سالاسى بويىنشا «ArmWind» جشس جىلىنا 48 مۆت قۋات بەرەتىن «بادامشا» جەل ەلەكتر ستانساسىنىڭ ءبىرىنشى كەزەگىن ىسكە قوسادى. ينۆەستيتسيا اعىنىن كوبەيتۋ ماقساتىندا قوسىمشا 500 ملرد تەڭگەدەن استام قاراجاتقا كەم دەگەندە 15 مىڭ جاڭا جۇمىس ورنىن اشۋ كوزدەلگەن. سونداي-اق «ەۋرازيا» ارنايى ەكونوميكالىق ايماعى مەن تۇرىك ينۆەستورىنىڭ «GOSB» يندۋستريالدى پاركىن قۇرۋ جۇمىستارى جالعاسىپ جاتىر, – دەدى و.ورازالين.
اكىم ارنايى ەكونوميكالىق ايماق تيىمدىلىگى جوعارى ءوندىرىستى دامىتۋعا, سىرتقى جəنە ىشكى ينۆەستيتسيانى تارتۋعا, ەكسپورتتى ىنتالاندىرۋعا, يمپورت الماستىرۋشى وندىرىستەردى وركەندەتۋگە, سول سەكىلدى جەرگىلىكتى مازمۇنداعى ءونىم ۇلەسىن ارتتىرىپ, حالىقتى جۇمىسپەن قامتۋعا مۇمكىندىك بەرەدى دەيدى. 700 گەكتاردى الاتىن ونەركاسىپ الاڭىندا 50 شاعىن, ورتا جəنە ءىرى كəسىپورىن قۇرىلاتىن بولادى.
Doing Business رەيتينگىندە اقتوبە وبلىسى بيزنەستى جۇرگىزۋ جاعىنان رەسپۋبليكا بويىنشا ءۇشىنشى ورىندا تۇر. و.ءورازاليننىڭ ايتۋىنشا, وڭىردە «جول كارتاسى -2020» باعدارلاماسى ءساتتى ىسكە اسىرىلىپ كەلەدى. بيىل 3,3 مىڭ ادام بيزنەس نەگىزدەرىن ۇيرەنىپ, ولاردىڭ 650-دەن استامى نەسيە مەن گرانت يەلەندى. اتالعان سالادا 144 مىڭ اقتوبەلىك ەڭبەك ەتۋدە.
جىل باسىنان بەرى ايماق شارۋالارى 199,9 ملرد تەڭگەگە اۋىل شارۋاشىلىعى ءونىمىن ءوندىردى. ءبىر ادامعا شاققاندا ەڭبەك ونىمدىلىگى 1,4 ملن تەڭگەنى قۇراعان.
وبلىستا سۋارمالى جەردى 3,5 ەسە نەمەسە 100 مىڭ گەكتارعا دەيىن ۇلعايتۋ كوزدەلگەن. اقتوبە ايماعىنداعى سۋ رەسۋرستارىنىڭ الەۋەتىن ارتتىرۋ ءۇشىن 32 سۋ قويماسى سالىنادى.
و.ورازالين تۇرعىن ءۇي قۇرىلىسى سالاسىن قارقىندى دامىتۋدىڭ ءتيىمدى جۇمىستارى قولعا الىنعانىن ايتادى. ول سوڭعى بەس جىلدا بارلىق قارجى كوزدەرىنەن 3,3 ملن شارشى مەتر پايدالانۋعا بەرىلىپ, 28 مىڭنان استام وتباسى باسپانامەن قامتىلعانىن جەتكىزدى. بيىل «نۇرلى جەر» باعدارلاماسى بويىنشا 939,5 مىڭ شارشى مەتر تۇرعىن ءۇي بەرۋ جوسپارلانعان.
