ايماقتار • 18 قاراشا، 2019

سقو پوليتسيا دەپارتامەنتىنىڭ مۋزەيى مەرەيتويىن اتاپ ءوتتى

147 رەتكورسەتىلدى

سولتۇستىك قازاقستان وبلىستىق پوليتسيا دەپارتامەنتىنىڭ مۋزەيىنە 30 جىلدا 45 مىڭ ادام ەكسكۋرسيادا بولعان ەكەن. مۋزەي ەكسپوناتتارىندا تەرىستىكتەگى قۇقىق قورعاۋ ورگاندارىنىڭ ءۇش عاسىرلىق تاريحى ساقتاۋلى. ونداعى بارلىق جادىگەرلەر 5 مىڭنان اسادى. 2015 جىلى پوليتسيا مۋزەيىنىڭ جانىندا العاش رەت قارۋ-جاراق بولمەسى دە اشىلدى.

وتىز جىلدىق مەرەيتويدىڭ سالتاناتتى شاراسى جاستار سارايىندا ءوتتى. وندا مۋزەي جادىگەرلەرىنىڭ كورمەسى ۇيىمداستىرىلىپ، ونىڭ جۇمىسى جايلى فيلم كورسەتىلدى. مەرەيتويمەن قۇتتىقتاۋعا استانادان جانە الماتى وبلىسىنان ارىپتەستەر كەلدى. رەسپۋبليكالىق ءىىم مۋزەيىنىڭ مەڭگەرۋشىسى الماگۇل ساتماعامبەتوۆا جاستارعا مۋزەيدىڭ پوليتسيا قىزمەتكەرلەرىن قازاقستاندىق پاتريوتيزم، انتىنا جانە قىزمەتتىك پارىزىنا دەگەن سەنىم رۋحىندا تاربيەلەۋدەگى ءرولى جايلى ايتىپ كەتتى. «مۇنداعى ءاربىر جادىگەر – ءبىر ادامنىڭ عانا ەمەس، تۇتاس ءداۋىردىڭ تاعدىرى، ارقايسىسى ەل تاريحىندا ءوز باتىرلارىنىڭ ەسىمىن قالدىرادى»، - دەدى قوناق.

سقو اكىمدىگىنىڭ مادەنيەت، مۇراعاتتار جانە قۇجاتتاما باسقارماسىنىڭ باسشىسى قۇرالبەك اتامۇراتوۆ ءىىو ارداگەرلەرى جانە پوليتسيا قىزمەتكەرلەرىنە وبلىس اكىمى قۇمار اقساقالوۆتىڭ قۇتتىقتاۋىن وقىپ، «مۋزەي ءۇش عاسىرلىق تاريحى بار قويما عانا ەمەس، تاجىريبەمەن، بىلىممەن جانە قالىپتاسقان داستۇرلەر، رۋحاني قۇندىلىقتارمەن الماساتىن باعا جەتپەس وردا» دەدى. وڭىرلىك پوليتسيا دەپارتامەنتىنىڭ باستىعى، پوليتسيا پولكوۆنيگى مارات تولەباەۆ: «جاس قىزمەتكەرلەرگە رۋحاني-پاتريوتتىق تاربيە بەرۋدەگى مۋزەيدىڭ ءرولى وراسان زور. انتىنا ادال بولۋدىڭ، وتانعا تىنىمسىز قىزمەت ەتۋدىڭ، ەرلىكتىڭ، باتىلدىقتىڭ ۇلگىلەرى ءتارتىپ ساقشىلارىن جىگەرلەندىرىپ كەلەدى. العاشقى پوگونداردى تابىستاۋ، انت قابىلداۋ سياقتى تاربيەلىك ءمانى زور ءىس-شارالار ۆەدومستۆولىق مۋزەيدە سالتاناتتى تۇردە وتكىزىلەدى»، - دەپ اتاپ ءوتتى.

سالاتاناتتى شارا بارىسىندا مۋزەيدىڭ مەڭگەرۋشىسى، وتستاۆكاداعى ميليتسيا پودپولكوۆنيگى ليۋبوۆ وسينسكاياعا جانە مۋزەي قىزمەتكەرى، وتستاۆكاداعى ميليتسيا پودپولكوۆنيگى نينا بەنگرافقا العىس حات پەن ءتوس بەلگىلەر تابىستالدى.

 

سوڭعى جاڭالىقتار

كۇلكى كەرۋەنى № 20

رۋحانيات • 06 جەلتوقسان، 2019

ورالدا جاستار باستامالارىن قولداۋ جاقسى

ايماقتار • 06 جەلتوقسان، 2019

قونىس اۋدارۋشىلاردى قولداۋ قانداي؟

قوعام • 06 جەلتوقسان، 2019

تاۋلىگىنە 15-16 توننا ءسۇت الىنادى

ايماقتار • 06 جەلتوقسان، 2019

ۇقساس جاڭالىقتار