جارىستىڭ اشىلۋ سالتاناتىنا قازاقستان رەسپۋبليكاسى مادەنيەت جانە سپورت ۆيتسە-ءمينيسترى ەلدوس رامازانوۆ پەن الماتى وبلىسى سپورت باسقارماسىنىڭ باسشىسى نۇرباقىت تەڭىزباەۆ قاتىسىپ, بوز كىلەمدە بەلدەسەتىن بالعىن بالۋاندارعا اق جول تىلەدى. قۇرمەتتى قوناقتار قاتارىندا جۋىردا عانا گرۋزيادا گرەك-ريم كۇرەسىنەن ارداگەرلەر اراسىندا وتكەن الەم چەمپيوناتىندا باس جۇلدەنى ولجالاعان قاسەنحان سەرعازيەۆ اعامىز باستاعان ءبىر توپ بەلگىلى بالۋاندار بولدى.
ايتۋلى جارىستا ەلىمىزدىڭ بىرقاتار وڭىرىنەن جينالعان 2004-2006 جىلى تۋعان جاسوسپىرىمدەر باق سىنادى. اسا تارتىستى وتكەن باسەكەلەردە تومەندە ەسىمدەرى اتالعان بالۋاندار وزدەرىنىڭ مىقتىلىعىن مويىنداتىپ, جەڭىس تۇعىرىنىڭ ەڭ بيىك ساتىسىنا كوتەرىلدى:
22 كيلو – جانارىس ماحسەتباەۆ (شىعىس قازاقستان وبلىسى, ءۇرجار اۋدانى), 27 كيلو – ءالينۇر ايتمۇرات (الماتى وبلىسى, ەسكەلدى اۋدانى),
29 كيلو – باقداۋلەت دۇيسەنبەك (تۇركىستان وبلىسى, سارىاعاش اۋدانى),
35 كيلو – ەدىگە تولەۋتاەۆ (الماتى قالاسى, «شاڭىراق» سپورت مەكتەبى),
38 كيلو – الماس مۇساحان (الماتى قالاسى, رەسپۋبليكالىق سپورت كوللەدجى),
41 كيلو – يۋسۋپ اشراپوۆ (الماتى قالاسى, رەسپۋبليكالىق سپورت كوللەدجى),
44 كيلو – ازامات ەربولوۆ (تالدىقورعان قالاسى),
48 كيلو – قۋات ارميا (الماتى وبلىسى, تالعار اۋدانى),
52 كيلو – مەدەت ورداباي (الماتى قالاسى, رەسپۋبليكالىق سپورت كوللەدجى),
57 كيلو – ايدار ايدارحانوۆ (الماتى قالاسى, «شاڭىراق» سپورت مەكتەبى),
62 كيلو – نۇرزات دۇيسەنحان (تالدىقورعان قالاسى),
68 كيلو – ادىلەت جۇماباەۆ (الماتى وبلىسى, جامبىل اۋدانى)
+75 كيلو – اقجان اقايدار (الماتى قالاسى, «شاڭىراق» سپورت مەكتەبى).
كەزىندە گرەك-ريم كۇرەسى بويىنشا ەلەۋلى تابىستارعا جەتىپ, كسرو سپورت شەبەرىنىڭ كۇمىس بەلگىسىن كەۋدەسىنە تاققان باقتاي قاپسالاموۆ الماتى وبلىسى سارقان اۋدانى قارابوگەت اۋىلىنىڭ تۋماسى. بوز كىلەممەن قوش ايتىسقاننان كەيىن باپكەرىمىز تۋعان جەرىنە قايتا ورالىپ, وسى سپورت ءتۇرىن وركەندەتۋگە كۇش سالدى. شاعىن عانا اۋىلدان بىرنەشە مىقتى بالۋاندار شىعاردى. الايدا سۇم اجال ارداقتى اعامىزدى نەبارى 50 جاسىندا ارامىزدان ج ۇلىپ اكەتتى. سول ازاماتتىڭ قۇرمەتىنە جارىس وتكىزۋدى ءاۋ باستان ءوزىم قولعا العان ەدىم. ءبىراز جىل بويى قارابوگەت اۋىلى ازاماتتارىنىڭ قولداۋىمەن ايتۋلى ءتۋرنيردى سارقان قالاسىندا وتكىزىپ كەلدىك. مىنە, ەندى بالعىن بالۋاندار تالدىقورعان تورىندە باس قوسىپ, باقتاي رامازان ۇلىن ەسكە الۋدا, – دەيدى جەرگىلىكتى باپكەر ماۋلەن ماعامبەتوۆ.
تاعى ءبىر ايتا كەتەرلىگى, باقتاي قاپسالاموۆتىڭ تۋعان جەرى – قارابوگەت اۋىلىنىڭ دا جاس ورەندەرى وسى جارىستا كۇش سىناستى. سولاردىڭ اراسىنان
مارعۇلان امەنتاي (22 كيلو) مەن مارلەن جانۇزاق (41 كيلو) كۇمىس مەدالدى يەلەنسە, رۋسلان نۇرتاي (44 كيلو) قولا جۇلدەنى ەنشىلەدى.
