قازاقستان • 17 قاراشا، 2019

نۇر-سۇلتاندا اۆتوكولىكتەردى قىزدىرۋعا ارنالعان ەلەكتر باعاندارى ورناتىلدى

167 رەتكورسەتىلدى

ەلوردادا اۆتوكولىكتەردى قىس مەزگىلىندە قىزدىرۋعا ارنالعان ەلەكتر ستانتسيالارىن ورناتۋ بويىنشا پيلوتتىق جوبا جۇزەگە اسىرىلىپ جاتىر. بۇل جوبا ازيا دامۋ بانكى (ادب) ەسەبىنەن  قارجىلاندىرىلدى. نۇر-سۇلتان قالاسىنىڭ اكىمدىگى جوبانى ازيا دامۋ بانكىمەن بىرلەسە جۇزەگە اسىردى. بۇل تۋرالى قالا اكىمدىگىنىڭ رەسمي سايتى حابارلادى.

ەلوردا اكىمى التاي كولگىنوۆ بۇل يننوۆاتسيالىق جوبانىڭ قورشاعان ورتاعا جاعىمدى اسەر ەتىپ، اۆتوكولىك يەگەرلەرىنىڭ ءومىرىن جەڭىلدەتەتىنىن اتاپ ءوتتى.

"جوبانىڭ ماقساتى-ەلوردانىڭ ەكولوگيالىق احۋالىن جاقسارتۋ. بۇل تەحنولوگيا اۆتوكولىك يەلەرىنە وتىن تۇتىنۋ مەن كومىرتەگى شىعارىندىلارىن ازايتۋعا كومەكتەسەدى. سونىمەن قاتار اۆتوكولىكتى جىلىتۋ ءۇشىن ەلەكتر باعاندارىن قولدانۋ ۋاقىتتى ۇنەمدەۋگە مۇمكىندىك بەرەدى. مۇنداي قوندىرعىلار ءاربىر اۋداندا بولادى. ەۋروپا ەلدەرى وسى تەحنولوگيالاردى قولدانىپ جاتىر، بۇل فين تەحنولوگيالارى"، - دەدى قالا اكىمى ا. كولگىنوۆ.

ازيا دامۋ بانكىنىڭ پرەزيدەنتى تاكەحيكو ناكاو اتاپ وتكەندەي، تەحنولوگيا 2 بولىكتەن تۇرادى: 1-ءشى بولىگى- ەلەكتروستانتسيانىڭ ءوزى، 2 - ءشى بولىگى-كولىكتە ورناتىلاتىن قۇرىلعى. سول قۇرىلعى ارقىلى كولىك ەلەكتر باعانىنا قوسىلادى. تاكەحيكو ناكاو ەلوردا اكىمدىگى مەن فينليانديا ەلشىلىگىنە وسى جوبانى قولداعانى ءۇشىن العىسىن ءبىلدىردى.

سوڭعى جاڭالىقتار

تاۋەلسىزدىك – تۇعىرىم

ايماقتار • كەشە

كۇلكى كەرۋەنى № 25

رۋحانيات • كەشە

ۇقساس جاڭالىقتار