قازاقستان • 16 قاراشا، 2019

قازاقستان رەسپۋبليكاسى ۇلتتىق ينجەنەرلىك اكادەمياسىنىڭ جۇمىسى سارالاندى

346 رەتكورسەتىلدى

2019 جىلدىڭ 15 قاراشاسىندا قازاق ۇلتتىق اگرارلىق ۋنيۆەرسيتەتىندە قازاقستان رەسپۋبليكاسى ۇلتتىق ينجەنەرلىك اكادەمياسىنىڭ (قر ۇيا) جالپى جينالىسىنىڭ سەسسياسى ءوتتى.

جينالىسقا قر ءبىلىم جانە عىلىم ءمينيسترى ا.ق. ايماعامبەتوۆ، قر ەكولوگيا، گەولوگيا جانە تابيعي رەسۋرستار ۆيتسە-ءمينيسترى ا.ءا. پىرىمقۇلوۆ، قر اۋىل شارۋاشىلىعى مينيسترلىگىنىڭ جاۋاپتى حاتشىسى م.ءا.ورازاەۆ، قر پارلامەنت دەپۋتاتتارى، كورنەكتى ينجەنەرلەر مەن عالىمدار، ءوندىرىس ماماندارى، مەملەكەتتىك باسقارۋ ورگاندارىنىڭ، ءىرى ۇلتتىق كومپانيالار مەن ۇيىمداردىڭ باسشىلارى مەن وكىلدەرى قاتىستى.

قر ۇيا پرەزيدەنتى ب.ت. جۇماعۇلوۆ العاشقى ءسوزدى ءبىلىم جانە عىلىم ءمينيسترى ا.ق. ايماعامبەتوۆكە بەردى. ا.ق. ايماعامبەتوۆ باقىتجان تۇرسىن ۇلى جۇماعۇلوۆ، ءنادىر كاريم ۇلى ناديروۆ، ابىلحايىر قايرات ۇلى ابجاليگە "مۇناي شيكىزاتىنىڭ تومەن تەمپەراتۋرالى ۆاكۋمدىق-تولقىندىق گيدروكونۆەرسياسى قۇبىلىسى" اتتى عىلىمي جاڭالىق اشقانى ءۇشىن عىلىمي جاڭالىقتار مەن ونەرتابىستار اۆتورلارىنىڭ حالىقارالىق اكادەمياسىنىڭ ديپلومدارىن تابىس ەتتى. مۇناي وڭدەۋ سالاسىنداعى قازاقستاندىق عالىمداردىڭ بۇل عىلىمي جاڭالىعى جوعارى ساپالى وتىن ءوندىرۋدى بىرنەشە ەسە ارزانداتىپ، ءونىمنىڭ شىعۋىن باستاپقى ماسسادان ورتا ەسەپپەن ءتورت پايىزعا جوعارى كوتەرۋگە مۇمكىندىك بەرەدى.

اكادەميا پرەزيدەنتى باقىتجان جۇماعۇلوۆ ءوز بايانداماسىندا سوڭعى ۋاقىتتا ەل ىشىندە ورىن العان وزگەرىستەر مەن جاڭالىقتارعا توقتالىپ، بولاشاق مىندەتتەردى اتاپ ءوتتى. قر ۇيا-نىڭ 2018-2019 جىلدارى اتقارعىلعان جۇمىستارىن قورىتىندىلاپ، قازىرگى تاڭداعى عىلىم ناتيجەسىن ىسكە اسىرۋدىڭ، ونى وندىرىسپەن، بيزنەسپەن ءتيىمدى ىقپالداستىرۋدىڭ، نارىقتىڭ بولاشاق تەحنولوگيالىق تالاپتارىن قاناعاتتاندىرۋ پرينتسيپىندە جاڭا دەڭگەيگە كوشۋدىڭ مىندەتتەرىنە توقتالدى.

جارىسسوزدە جوبالارمەن اينالىسقان عالىمداردىڭ، كاسىپورىندار باسشىلارىنىڭ باياندامالارى تىڭدالدى:

- ەسپولوۆ تلەكتەس يساباي ۇلى، قازۇاۋ رەكتورى، اكادەميك (الەمدىك ۋنيۆەرسيتەتكە ترانسفورماتسيالانۋ).

- نۋپوۆ قۇندىز شاماح ۇلى، قر ۇيا كوررەسپوندەنت-مۇشەسى («سارى -ارقا» " عاسىر جوباسىن جوبالاۋ ەرەكشەلىكتەرى)

- كليموۆ پاۆەل ۆيكتوروۆيچ، كازترانسگاز اق باس ديرەكتورىنىڭ كەڭەسشىسىسوۆەتنيك گەنەرالنوگو ديرەكتورا او كازترانسگاز (كولىك سالاسىندا كومپروميرلەنگەن جانە سۇيىتىلعان تابيعي گازدى قولدانۋدىڭ بولاشاعى)

- ساعيتوۆ اباي وراز ۇلى، «وڭتۇستىك» اگروپاركىنىڭ ديرەكتورى («بايسەركە-اگرو» اگروحولدينگى مىسالىندا اۋىل شارۋاشىلىعىنداعى يننوۆاتسيالار)

- ان ەۆگەني الەكسەەۆيچ، حيا كوررەسپوندەنت-مۇشەسى ("اشىق يننوۆاتسيالار مەن يننوۆاتسيالىق رەينجينيرينگ" پاراديگماسىن ترانسۇلتتىق دەڭگەيدە عىلىمنىڭ، ءبىلىم مەن بيزنەستىڭ ينتەگراتسيالانعان ۇدەرىستەرىندەگى ايقىنداۋشى فاكتور رەتىندە ىسكە اسىرۋ)

- كارۋنا وكسانا لەونيدوۆنا، قر ۇيا اكادەميالىق كەڭەسشىسى (اقپاراتتىق جانە ەسەپتەۋىش تەحنولوگيالار ءبولىمىنىڭ ەسەبى)

- تەلتاەۆ باعدات بۇرحانباي ۇلى، ت.ع.د.، پروفەسسور، كولىك جانە كوممۋنيكاتسيا بولىمشەسىنىڭ توراعاسى، "قازجولعزي" اق پرەزيدەنتى، (قازاقستاننىڭ كولىك جولدارى: پروبلەمالارى مەن جەتىستىكتەرى).

قر ءبىلىم جانە عىلىم ءمينيسترى ا.ق.ايماعامبەتوۆ نەگىزگى بايانداماشىنىڭ جانە جارىسسوزگە شىققان عالىمدار مەن ينجەنەرلەردىڭ بايانداماسىندا كوتەرىلگەن ماسەلەلەرگە توقتالدى.

قر ۇلتتىق ينجەنەرلىك اكادەمياسىنىڭ جالپى جينالىسىنىڭ قاۋلىسى تالقىلانىپ، قابىلداندى.

سونداي-اق، كۇن تارتىبىندەگى ماڭىزدى ماسەلەلەردىڭ ءبىرى – قر ۇيا ۆيتسە-پرەزيدەنتىن، اكادەميانىڭ تولىق مۇشەلەرىن جانە كوررەسپوەندەنت-مۇشەلەرىن سايلاۋ ءوتتى. جاسىرىن داۋىس بەرۋ ناتيجەلەرىنە وراي، قر ۇيا ۆيتسە-پرەزيدەنتى بولىپ تەمىربەكوۆ ن.م. سايلاندى. "ينتەگراتسيا" حالىقارالىق قورىنىڭ باسقارما توراعاسى تەرەششەنكو سەرگەي الەكساندروۆيچ قر ۇيا قۇرمەتتى اكادەميگى» اتاعىنا يە بولدى. سونىمەن قاتار، قر ۇيا كونكۋرستىق كومميسسيا توراعاسى ا.ا.ق ۇلىباەۆ اكادەميا قۇرامىنا سايلانعان جاڭا 4 تولىق مۇشەلەرىن(اكادەميكتەردى)، 22 كوررەسپودەنت-مۇشەلەرىن جاريالادى.

قر ۇيا ۆيتسە-پرەزيدەنتى ت.م.دوسمۇحامبەتوۆتىڭ باسشىلىعىمەن قر ۇيا «يننوۆاتسيالىق تەحنولوگيالار جانە اگروونەركاسىپ كەشەنى» اتتى جاڭا بولىمشەسى اشىلعاندىعى جاريا ەتىلدى.

تورالقا مۇشەلەرىنىڭ جاڭا قۇرامىنا تەمىربەكوۆ نۇرلان مۇحان ۇلى،تەلتاەۆ باعدات بۇرحانباي ۇلى قر ۇيا تىزىمىنە ەنگىزىلدى.

سونداي-اق، «KAZENERGY» قاۋىمداستىعى توراعاسىنىڭ ورىنباسارى ۇزاقباي سۇلەيمەن ۇلى قارابالين قر ۇيا پرەزيدەنتى، اكادەميك ب.ت. جۇماعۇلوۆتى، قر ۇيا كونكۋرستىك كوميسسيا توراعاسى، اكادەميك ا.ا. ق ۇلىباەۆتى، قر ۇيا ءبىرىنشى ۆيتسە-پرەزيدەنتى، اكادەميك ن.ك.ناديروۆتى «قازاقستاننىڭ مۇنايىنا 120 جىل» مەدالىمەن ماراپاتتادى.

قر ۇيا پرەزيدەنتى ب.ت. جۇماعۇلوۆ قازۇاۋ رەكتورى، اكادەميك تىلەكتەس يساباي ۇلى ەسپولوۆقا «ينجەنەرلىك داڭق» مەدالىن تابىس ەتتى. ب.ت. جۇماعۇلوۆ قر ۇيا وڭتۇستىك قازاقستان وبلىسى فيليالىنىڭ توراعاسى جۇماحان ۇشكەمپىر ۇلى مىرحالىقوۆقا «قازاقستاننىڭ قۇرمەتتى ينجەنەرى» مەدالىن تابىستادى.

300-گە جۋىق ادام قاتىسقان جينالىس سوڭىندا قر ۇيا پرەزيدەنتى ب.ت. جۇماعۇلوۆ بارلىق قاتىسۋشىلارعا راقمەت ايتىپ، شىعارماشىلىق تابىس تىلەدى.

سوڭعى جاڭالىقتار

سىياقى قورى – بەس ميلليارد تەڭگە

ايماقتار • بۇگىن، 16:18

ەلىمىزدىڭ ءوسۋ جولى دەپ ءبىلدىم

قازاقستان • بۇگىن، 15:41

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۇقساس جاڭالىقتار