تەلەحيكايانىڭ تۇساۋ كەسەرى 25 قاراشادا «حابار» تەلەارناسىندا بولادى.
سيۋجەت جەلىسىنە ءوز ومىرلەرىن اسكەري قىزمەتكە, وتانىن قورعاۋعا ارناۋعا بەرىك شەشىم قابىلداعان بەرىك, قانات,ەرلان جانە مادينا ەسىمدى جاس وفيتسەر-ۇشقىشتار ارقاۋ بولادى.
ءار كەيىپكەردىڭ ءوز تاعدىرى بار. قانات – اسكەري اۋلەتتەن. اكەسى دە ۇشقىش بولعان, سوندىقتان دا ول وزىنە دە, وزگەلەرگە دە اكە ءىزىن جالعاستىرۋعا لايىقتى ەكەنىن دالەلدەۋگە ىنتىق. بەرىك – باقۋاتتى وتباسىنان شىققان. ونىڭ اتا-اناسى – بيزنەسمەندەر, بالاسىنىڭ تاڭداۋىن قۇپتامايدى. بەرىككە بۇل اۋىر بولعانىمەن, كۇندەردىڭ كۇنىندە جاقىندارى ونى ءتۇسىنىپ, ماقتان تۇتاتىن بولادى دەپ ارمانداۋمەن جۇرەدى. ەرلان – جازعى اكادەميانى ۇزدىك تامامداعان, اۋىلدان شىققان قاراپايىم جىگىت. بارلىق جەرلەستەرى ونىڭ جەتىستىكتەرىنە ءتانتى, ال ۇيىندە ونى بولاشاق جارى كۇتۋدە. مادينا – ەر ادامدارعا ءتان ماماندىقتى تاڭداعان, ارىپتەس-جىگىتتەردەن ەش كەم تۇسپەيتىن زاماناۋي بويجەتكەن, ول ۇشقىش ماماندىعىنىڭ شىڭىن باعىندىرعىسى كەلەدى. نەمەرە كورۋدى ۇنەمى ارمانداپ جۇرگەن اكەسى باستاپقىدا قىزىنىڭ تاڭداۋىنا قارسىلىق تانىتادى.
كەيىپكەرلەردى وزگە دە جاس وفيتسەرلەرمەن ۇشقىشتاردى قايتا دايارلاۋ ورتالىعىنا جىبەرەدى. 3 اي كولەمىندە قاتاڭ ىرىكتەۋدەن وتەتىن جيىرما ادامنىڭ ىشىنەن تەك بەسەۋى عانا ۇشقىشتاردىڭ ەليتالىق توبىنا ءوتۋ مۇمكىندىگىنەيە بولا الادى. تەلەحيكايا باس كەيىپكەرلەردىڭ ومىرلىك سىناقتارىن, ولاردىڭ دوستىق قارىم-قاتىناستارى مەن ماحاببات سەزىمىن, سونداي-اق وتانعا دەگەن شىنايى قۇرمەتتى كورسەتەدى.
