ساباق ورتا ازياداعى حالىقارالىق قىزىل كرەست كوميتەتىنىڭ ايماقتىق وكىلدىگىنىڭ قولداۋىمەن ۇيىمداستىرىلدى. ترەنينگ قازاقستان قورعانىس ۆەدومستۆوسى مەن حالىقارالىق ۇيىمنىڭ 2019 جىلعا بەكىتىلگەن ىنتىماقتاستىق جوسپارىنا سايكەس بىرلەسكەن شارالارىنىڭ ءبىر بولىگى بولىپ تابىلادى.
بۇدان باسقا, بىتىمگەرشىلىك الەۋەتىن ودان ءارى دامىتۋ جانە قازاقستاندىق اسكەري قىزمەتشىلەردى دايارلاۋ اياسىندا "بەيبىتشىلىك جولىنداعى ارىپتەستىك" وقۋ ورتالىعىنىڭ باستىعى پولكوۆنيك امانگەلدى اۋباكىروۆ قر سىرتقى ىستەر ءمينيسترىنىڭ ورىنباسارى ەرجان اشيباەۆپەن كەزدەستى.
تاراپتار ورتالىقتىڭ اعىمداعى قىزمەتىن تالقىلادى جانە ىنتىماقتاستىقتى جالعاستىرۋعا, ونىڭ ىشىندە ۇزدىك حالىقارالىق تاجىريبەگە سايكەس بۇۇ ميسسيالارىنا قاتىسۋ ءۇشىن قازاقستاننىڭ اسكەري قىزمەتكەرلەرىن دايارلاۋدى ۇيىمداستىرۋعا دايىن ەكەندىكتەرىن راستادى.
